Bo Bolɛ 24:3 - NYANMIƐN NDƐ'N 1998

³ nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

Bo Bolɛ 24:3 ပူးပေါင်းရင်းမြစ်များ

Bo Bolɛ 14:19

nan ɔ'a yrɛ i nuan klanman ɔ'a man Abram, ɔ seli kɛ: «Man Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n, ɔ yo man a nyan muae.

Bo Bolɛ 14:22

Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ.

Bo Bolɛ 21:23

I sɔ'n ti, fa Nyanmiɛn dunman'n fua kle min ndɛ kɛ a su yo-man m bɔbɔ annzɛ min mma mun, annzɛ min anunman mun e tɛ, nan kpa nga n fa yoli wɔ'n, a ´nian su yo min nin mín mɛn nga a o nun yɛ'n e wie.»

Bo Bolɛ 24:7

Anannganman b'ɔ ti nglo lɔ Nyanmiɛn'n ɔ flɛli min, ɔ fali min mín si i awlo'n nun kan min osufuɛ'm be tran lɔ'n, ɔ kannin ndɛ kleli min. Ɔ tali min nda seli kɛ: ‹N ´fa mɛn nga m ´man wɔ anunman mun.› Ɔ man i bɔbɔ ɔ wa sunmɛn i anz'n kɛ ɔ dun mmua ɔ nyrun nan a ko fa lɔ bla blɛ mín wa'n.

Bo Bolɛ 27:46

Yɛ Rebeka seli Izaak kɛ: «Ɛt bla'm be liɛ'n ɔ'a flan min. Sɛ Zakɔb ja Ɛt bla kɛ nga be o yɛ'm be sa'n, wuun be flɛ kɛ n liɛ'n a wie.»

Bo Bolɛ 28:1

Yɛ Izaak flɛli Zakɔb nan ɔ'a yrɛ i nguan nan ɔ'a wlɛ i su nun kɛ: «Nán n wun kɛ a su ja Kanaan bla.

Bo Bolɛ 28:8

I lɛ nun'n, Ezau wunnin kɛ i si klo-man Kanaan bla mun.

Bo Bolɛ 34:9

Amun man e nuan sɛ ndɛ nga e wa kɛn i yɛ'n su: Man e ja amun mma bla mun, man amun kusu an ja e liɛ mun.

Bo Bolɛ 38:2

Ɔ ko wunnin Kanaanfuɛ kun bɔ be flɛ i Sua i wa bla'n nan ɔ'a jɛ i, ɔ nin i be sili sua.

Bo Bolɛ 47:31

Zakɔb waan: «Ta min nda.» Nan Zozɛf ɔ'a tɛ i nda. Kpɛkuun Zakɔb kplɛnnin i ti ase i bɛ'n su kan i ti'n kaci lɔ'n, ɔ lali Zozɛf ase.

Bo Bolɛ 50:25

Zozɛf seli i niaan'm be kɛ: «N si kɛ Nyanmiɛn ɔ ´uka amun. An `ta min nda kɛ sɛ an ´kɔ'n, an ´tu min owie'n be ´fa kɔ .»

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

Bo Bolɛ 6:4

I blɛ sɔ nun'n, wuun sran jajraajra'm be o mɛn'n nun. Be cɛli lɛ kpa bɔ nan b'a wie. Nyanmiɛn i mma yasua mun nin sran'm bé wa bla bɔ be jali'n be mma mun-ɔn. Be yɛ be dunman fuli lalafuɛ nun nin-ɔn.

2 Famiɛn Mun 19:15

I sin Ezekias srɛli Anannganman seli kɛ: «Anannganman, Izraɛl Nyanmiɛn, wɔ yɛ a ti anz'm be su kpɛn nin-ɔn. Wɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

2 Be Nyoliɛ 2:12

Ajuin difuɛ kun yɛ n ´fa blɛ wɔ yɛ. Ɔ si junman kpa. Be flɛ i Iram-Abi.

Ɛsdras 5:11

Be tɛli e su kɛ: ‹E ti Nyanmiɛn b'ɔ yili nglo nin asiɛ'n i sufuɛ. Nyanmiɛn i sua nga e ´kplɛn i yɛ'n, Izraɛl famiɛn dan kun yɛ ɔ dun mmua kplannin-ɔn. Ɔ wieli i kplan ɔ'a cɛ kpa,

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Jue Mun 115:15

Man Anannganman b'ɔ yili nyanmiɛn'n b'ɔ la nglo lɔ plaii'n nin asiɛ'n, ɔ yo amun wun sa ye.

Jue Mun 136:26

An `la nglo lɔ Nyanmiɛn'n i ase, afin i klun-ufue'n wo lɛ tititi.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Ezipt Lɔ Tulɛ'n 22:11

Sanngɛ sɛ nnɛn'n i tafuɛ'n i bɔbɔ yɛ man be wuɛli i'n, ɔ `tuɛ i kalɛ `man nnɛn'n i fuɛ'n.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezipt Lɔ Tulɛ'n 34:16

I kunngba'n, kɛ ɔ ´yo nan amu'an fa-man lɔ bla amu'an man-man amun wa yasua mun, nan bla sɔ'm be kusu kɛ be ´sɔ be amuɛn mun'n, b'a cuɛn-man amun mma liɛ mun b'a wla-man amuɛn sɔ'm be sɔlɛ nun wie'n ti.

Ezai 45:23

M bɔbɔ n ta mín wun nda, ndɛ ng'ɔ ti su'n yɛ ɔ fin mín nuan fite-ɔ, ndɛ sɔ'n n su kaci-mɛn i, sran'm be kwlaa be ´koto ḿ bo yɛ be kwlaa be ´ta nda min dunman nun .

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Ezai 65:16

Mɛn'n nga nun wa'n, be nga be klo kɛ be `yra be nguan'n, be ´se kɛ be `bo min Nyanmiɛn bɔ n ti nanwlɛfuɛ'n min dunman yɛ be `fa yo-ɔ. Be nga be waan be ´ta nda'n, be ´bo min Nyanmiɛn bɔ n ti nanwlɛfuɛ'n min dunman yɛ be ´fa ta-a .› » «Bé wla wa fi laa nyrɛnnɛn liɛ mun, n su wun-man nyrɛnnɛn sɔ mun kun.

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Zeremi 29:6

An `fa bian annzɛ bla nan an wu ba. An `fa bla man amun mma yasua mun. An `fa amun mma bla mun man aja. Man be wu ba. Amun `trɛ lɔ, nán amun ka kaan.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Saun Yolɛ 19:12

Sɛ amun ´kan ndɛ-ɔ, nán an bo min dunman liɛ'n sa ngbɛn kɛ wie-ɔ: n kan Nyanmiɛn, bɔ amun fa i sɔ'n kpɛ gblɛ-ɔ. I sɔ'n ti min dunman'n i finfin yolɛ. Min yɛ n ti Anannganman amun Nyanmiɛn nin-ɔn.

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Kalɛ 5:21

man Anannganman tu wɔ fɔ. Man ɔ yo man ɔ klun'n ɔ yo kpan, man ɔ ku'n ɔ wla ɔ́ wun. Yɛ man i sɔ'n ti sɛ ɔ nvle'n nunfuɛ'm be waan be ´bo sran wie sannzan nzra nun'n, be `nian ɔ liɛ'n su yɛ be bo-ɔ.

1 Korɛntfuɛ Mun 7:39

Kɛ bla kun i wun'n i nyin o su'n, wuun b'a bo i kpaun, sanngɛ kɛ yasua'n ko wu'n, bian kun ng'ɔ klo kɛ ɔ ´jɛ i'n, ɔ kwla jɛ i, sanngɛ man i bian aja sɔ'n yo e Min'n i klun su.

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 6:13

Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

Hébreu 6:16

Kɛ sran'm be ´ta nda'n, sran ng'ɔ lɛ nyrun tra be'n yɛ be fɛ i dunman ta nda sɔ'n nin-ɔn. Kɛ be ko ta nda sɔ'n, wuun akplowa'n ɔ'a wie.

Zozie 2:12

I sɔ'n ti, amun `ta nda Anannganman nyrun kɛ ye nga n yoli amun'n, amun kusu amun ´fa yo min nin min awlofuɛ mun e wie. Amun `kle min nzɔliɛ kun bɔ n kwla lafi su.

Jɔlɛ Difuɛ Mun 14:3

I si nin i nin be seli i kɛ: «Kpaa! ?Wɔ awlo nun bla nin ɔ nvle nun bla'm be wieli, yɛ Filistifuɛ'm bɔ be wla-man klɛn'n be bla yɛ a ´ko jɛ i-ɔ?» Samsɔn seli i si kɛ: «I yɛ n klo i-ɔ, jɛ i man min.»

1 Samiɛl 20:17

Zonatan man David tali nda kɛ ɔ ´klo i titi, afin Zonatan bɔbɔ klo David kɛ ɔ fa klo i bɔbɔ i wun'n sa.

1 Samiɛl 30:15

David seli i kɛ: «Yaci ko kle ye kan alɛ kunfuɛ sɔ'm be o'n.» Yɛ Eziptfuɛ'n seli i kɛ: «Sɛ a ta min nda Nyanmiɛn dunman nun kɛ a su kun-man min'n nan a su fa-man min ko wlɛ-mɛn min min i sa nun'n, n ´ko kle wɔ kan be o'n.»