Bo Bolɛ 24:2 - NYANMIƐN NDƐ'N 1998

² Le kun, Abraam seli i sufuɛ'm be su kpɛnngbɛn b'ɔ niɛn i bo ninnge'm be su'n kɛ: «Fa ɔ́ sa'n wla min sɔwa'n bo,

Bo Bolɛ 24:2 ပူးပေါင်းရင်းမြစ်များ

Bo Bolɛ 15:2

Abram seli i kɛ: «Anannganman min Min, m'an wu-man ba. ?Nguɛ like cɛ yɛ a ´man min-ɔn? Min aja difuɛ'n yɛlɛ Eliezɛr b'ɔ fin Damas'n i kunngba. A man-man min ba, ɔ man min sufuɛ'n yɛ ɔ ´yo min aja difuɛ-ɔ.»

Bo Bolɛ 24:34

Yɛ bian'n fali ndɛ nan ɔ'a se kɛ: «Abraam i gbanflɛn yɛlɛ min.

Bo Bolɛ 24:37

Min min'n man n tɛli i nda kɛ n su fɛ-mɛn i tranwlɛ Kanaan lɔ bla n su mɛn-mɛn i wa'n.

Bo Bolɛ 44:1

Zozɛf seli i awlo'n i su nianfuɛ'n kɛ: «Gua minniɛn sɔ'm be bajɛ'm be nun aliɛ nga be sua-a ɔ yo ye'n, sanngɛ gua nun pɛ kpɛkuun fa be sika'n sie i bajɛ'm be nun.

Bo Bolɛ 47:29

Kɛ ɔ ´nian b'ɔ su wa wu'n, ɔ flɛli i wa Zozɛf, ɔ seli i kɛ: «Sɛ min ndɛ lo wɔ'n, yaci fa ɔ́ sa'n wla min sɔwa'n bo b'ɔ kle kɛ a su ta min nda kɛ a ´yo min ye nan a su yi-man min ase. Srɛlɛ yɛ n ´srɛ wɔ-ɔ, nán sie min Ezipt wa.

Bo Bolɛ 47:31

Zakɔb waan: «Ta min nda.» Nan Zozɛf ɔ'a tɛ i nda. Kpɛkuun Zakɔb kplɛnnin i ti ase i bɛ'n su kan i ti'n kaci lɔ'n, ɔ lali Zozɛf ase.

2 Samiɛl 12:17

I awlo'n nun kpɛnngbɛn'm be ko seli i kɛ ɔ mɛn i wun su, sanngɛ ɔ'a kplin-man su. Ɔ nin be ɔ'a di-man like likawlɛ.

1 Famiɛn Mun 16:9

I sonja'm bé su kpɛn ng'ɔ ti kakaklolo'm be bue kun su kpɛn'n cicili i wun sa. Be flɛ i kɛ Zimri. Ela o Tirza lɛ. Le kun ɔ ɔli Arsa b'ɔ ti i awlo'n i su nianfuɛ'n i awlo lɔ. Ɔ o lɛ ɔ ´nɔn nzan. Nzan'n ɔ'a ti i kpa.

1 Be Nyoliɛ 29:24

Famiɛn i awlo sran dandan mun nin sonja mun, ɔ nin David i mma'm be kwlaa be fali bé wun mannin Salomɔn, yɛ bé nyin yili i.

1 Timote 5:17

Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

Rit I Wun Ndɛ 2:6

Yasua'n tɛli i su kɛ: «Moab talua ng'ɔ nin Naomi fin Moab mɛn'n nun lɔ bali nin-ɔn.