Bo Bolɛ 22:4 - NYANMIƐN NDƐ'N 1998

⁴ I le nsan'n su'n, Abraam ´mɛn i ti'n su-ɔ, lika'n yɛ ɔ o mmua lɔ-ɔ.

Bo Bolɛ 22:4 ပူးပေါင်းရင်းမြစ်များ

Bo Bolɛ 22:3

Yɛ Abraam ´jaso nglɛmun ndɛ yɛ ɔ ´fa aflunmun i su tranlɛ like'n ɔ ´fa sie i su-ɔ. Ɔ fɛli i sufuɛ'm be nun nnyɔn nin i wa Izaak. Yɛ ɔ ´kpaci yie ng'ɔ ko yi tɛ'n su nin-ɔn. Yɛ ɔ ´fa lika nga Nyanmiɛn kleli i'n i atin nin-ɔn.

Bo Bolɛ 22:5

Yɛ ɔ seli i sufuɛ'm be kɛ: «Amun nin aflunmun'n an `ka wa, e nin gbanflɛn'n e ´fu oka'n su lɔ e ´ko sɔ Nyanmiɛn e ´ba.»

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Ezipt Lɔ Tulɛ'n 15:22

Moiz fali Izraɛlfuɛ mun ndɛma jenvie su lɔ ɔli Sir aawlɛ flɛnnɛn'n i ndɛnman. Be nantili aawlɛ flɛnnɛn'n nun cɛn ba nsan, b'a nyan-man nzue b'a nɔn-man.

Ezipt Lɔ Tulɛ'n 19:11

Man be siesie bé wun be minndɛ ainman sin, afin cɛn sɔ'n nun n wa jra Sinai oka'n su sran'm be kwlaa be nyrun.

Ezipt Lɔ Tulɛ'n 19:15

I sin ɔ seli be kɛ: «Amun `siesie amun wun amun `minndɛ ainman. Nán amun nin amun yi'm be la nna tɛ.»

Ezipt Lɔ Tulɛ'n 5:3

Moiz nin Aarɔn be seli i kɛ: «Ebre'm be Nyanmiɛn'n, Anannganman e Nyanmiɛn'n fɛli i wun kleli ye. Man e cɛn nsan man e fa nanti e wɔ aawlɛ flɛnnɛn'n nun lɔ nan e ko yi tɛ e mɛn i. Sɛ ɔ'a yo-man sɔ'n, ɔ ´fa alɛ nin tukpacɛ bɔ sa ndɛndɛ wie nunnun ye.»

Ndɛ Nga Nyanmiɛn I Nuan Ijɔfuɛ Oze Kannin'n 6:2

Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .

Saun Yolɛ 7:17

Sɛ i wie ka lɛ ekun'n, i cɛn nsan su'n, be `guɛ i sin nun be `yrɛ i.

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 19:12

Man ɔ fa nzue sɔ'n wie fa kplo i wun fiɛn'n cɛn ba nsan'n su nin cɛn ba nso'n su, yɛ ɔ ´yo saun-ɔn. Sɛ ɔ'a kplo-mɛn i wun fiɛn'n cɛn ba nsan'n su'n nin cɛn ba nso'n su'n, ɔ su yo-man saun.

Kalɛ 19:19

Man sran b'ɔ ti saun'n ɔ tu sran ng'ɔ ti fiɛn'n i wun fiɛn'n, cɛn ba nsan'n su nin cɛn ba nso'n su. I sin, man sran ng'ɔ ti fiɛn'n ɔ kpu i tralɛ mun nan ɔ `wunnzin, kpɛkuun nnɔsua ɔ'a yo saun.

Kalɛ 31:19

Amun nun sran nga be kunnin sran'n annzɛ be kannin fuɛn'n, man be tran ngblaliɛ'n sin lɔ lele cɛn ba nso. Man be kplo be wun fiɛn cɛn ba nsan'n su nin cɛn ba nso'n su. Be nga amun trali be'n, bɔ b'a yo amun kanga'n, be kusu be `yo i sɔ'n wie.

Matthieu 17:23

Be man be ´kun min, yɛ i le nsan su n ´cɛn. I sɔ'n ti, bé wla boli dan kpa.

JÉSUS-CHRIST I DYASIN FE'N BO LUC KLELI'N 13:32

Yɛ ɔ seli be kɛ: «An `ko se gblɛfuɛ tɛ sɔ'n kɛ, ndɛ nin ainman n ´fuan asiɛ usu mun, yɛ n ´yo sran'm be juejue, i lɛ nsan su yɛ n ´wie n junman'n di-ɔ.

1 Korɛntfuɛ Mun 15:4

Be sieli i. Yɛ be klɛli i kɛ ɔ ´cɛn i le nsan su, ɔ man Nyanmiɛn cɛnnin i .

Zozie 1:11

be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»

1 Samiɛl 26:13

David kpɛli kongo'n, ɔ ko jrannin oka'n su nglo lɔ, ɔ nin Sail be afiɛn ti nun kpa lɔuun.