Bo Bolɛ 22:2 - NYANMIƐN NDƐ'N 1998

² Yɛ Nyanmiɛn'n seli i kɛ: «Ɔ wa Izaak b'ɔ ti ɔ́ wa kunngba'n bɔ a klo i kpa'n, fɛ i kɔ Moriza mɛn'n nun lɔ ko yi tɛ nga be yrɛ i nnɛn'n kɔlikɔli'n man min. N ´kle wɔ oka nga a ´yi tɛ sɔ'n su'n.»

Bo Bolɛ 22:2 ပူးပေါင်းရင်းမြစ်များ

Bo Bolɛ 17:19

Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn.

Bo Bolɛ 21:12

Sanngɛ Nyanmiɛn seli i kɛ: «Wɔ afanniɛn bla'n nin i wa yasua'n be ti nán koko. Ndɛ nga Sara kɛnnin i lɛ'n yɛ yo-ɔ. Afin osu nga n kɛnnin i kɛ m ´man wɔ'n ɔ fin Izaak.

Bo Bolɛ 21:3

Abraam tɔnnin ba nga Sara wuli i'n i dunman kɛ Izaak.

Bo Bolɛ 22:12

Yɛ anz'n seli kɛ: «Nán ɔ́ sa'n kan ba'n, nán yo i sa fi, afin m'an wun kɛ ɔ́ nyin yi min sakpa. Kɛ n seli wɔ kɛ a fa ɔ́ wa ba kunngba cenje'n man min'n, w'a kaci-man ɔ́ nuan.»

Bo Bolɛ 22:16

Ɔ seli i kɛ: «Ɔ nyin b'ɔ yi min'n ti'n, ɔ́ wa ba kunngba bɔ n srɛli wɔ'n, w'a se-man kɛ a man-man min,

Bo Bolɛ 22:3

Yɛ Abraam ´jaso nglɛmun ndɛ yɛ ɔ ´fa aflunmun i su tranlɛ like'n ɔ ´fa sie i su-ɔ. Ɔ fɛli i sufuɛ'm be nun nnyɔn nin i wa Izaak. Yɛ ɔ ´kpaci yie ng'ɔ ko yi tɛ'n su nin-ɔn. Yɛ ɔ ´fa lika nga Nyanmiɛn kleli i'n i atin nin-ɔn.

Bo Bolɛ 22:9

Be ko juli lika nga Nyanmiɛn kleli'n nun. Abraam siesieli Nyanmiɛn sɔwlɛ kun, ɔ fali yie'n siesieli su, kpɛkuun ɔ cili i wa Izaak yili i Nyanmiɛn sɔwlɛ'n su yie'n su.

Bo Bolɛ 8:20

Noe kplannin Nyanmiɛn i sɔwlɛ kun mɛnnin i. Ɔ fali nnɛn nga be di'n be nun kunngun fa yili tɛ nga be yra be nnɛn'n kɔlikɔli'n mannin Anannganman.

2 Famiɛn Mun 3:27

Yɛ ɔ fɛli i wa yasua klikli'n b'ɔ ti i aja difuɛ'n, ɔ fa yili tɛ nga be yrɛ i nnɛn'n kɔlikɔli nin-ɔn. Klɔ'n i wun talɛ'n i ti su nglo yɛ ɔ yili tɛ sɔ nin-ɔn. Izraɛlfuɛ'm be fali ya dan kpa, nan b'a jaso be nanmue'n nun b'a ɔ bé mɛn'n nun.

2 Be Nyoliɛ 3:1

Salomɔn boli Anannganman i sua'n kplanlɛ bo Moriza oka'n b'ɔ o Zerizalɛm lɛ'n su. Lɛ yɛ Anannganman fɛli i wun kleli Salomɔn i si David laa nin-ɔn. Lɛ yɛ David siesieli lika Ɔrnan b'ɔ ti Zɛbisfuɛ'n i asiɛ'n su nin-ɔn .

Mise 6:7

?Bua nene kaka yɛ Anannganman kunndɛ-ɔ? ?Ngo kaka yɛ Anannganman kunndɛ-ɔ? ?Nyin kekle bɔ e yoli i su, ɔ nin sa tɛ bɔ e yoli'n ti e `fa e klun ba klikli nga e wuli be'n e `mɛn i nan ɔ'a guɛ i ya'n i ase?»

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Hébreu 11:17

Nyanmiɛn su bɔ Abraam lafi'n ti yɛ kɛ ɔ kɛn i niannin'n ɔ fa Izaak mɛnnin i nin-ɔn. Sa nga Nyanmiɛn seli kɛ ɔ ´yo'n, Abraam yɛ ɔ seli i kɛ ɔ ´yo mɛn i-ɔ. Sanngɛ ɔ fɛ i wa kunngba cɛ'n mɛnnin i .

Jɔlɛ Difuɛ Mun 11:31

kɛ n fin Amɔnfuɛ'm be mɛn'n nun lɔ m ´ba bɔ n klun ti jɔwa'n, sran ng'ɔ dun mmua fin min awlo'n nun lɔ fite ba min atin kpalɛ'n, ɔ ´yo ɔ liɛ mlɔnmlɔn. N ´fɛ i yi tɛ bɔ be yrɛ i nnɛn kɔlikɔli'n m ´man wɔ.»

Jɔlɛ Difuɛ Mun 11:39

Kɛ anglo nnyɔn'n wieli'n, ɔ sɛli i sin i si awlo lɔ, nan nda nga i si tali'n ɔ'a yo i nuan like'n. I blɛ sɔ nun'n, wuun ɔ nin yasua nian la-man le. Sa sɔ'n ɔ kacili Izraɛlfuɛ'm be nzuɛn. Afuɛ'n kwlaa kɛ i blɛ'n ko ju'n, Izraɛl talua'm be ko di Galaad bian'n i wa bla'n i ti cɛn. Be di i le nnan.