Bo Bolɛ 22:1 - NYANMIƐN NDƐ'N 1998

¹ Kɛ ɔ yoli sɔ'n, Nyanmiɛn sali Abraam niannin. Ɔ flɛli Abraam. Abraam tɛli i su kɛ: «M'an sro!»

Bo Bolɛ 22:1 ပူးပေါင်းရင်းမြစ်များ

Hébreu 11:17

Nyanmiɛn su bɔ Abraam lafi'n ti yɛ kɛ ɔ kɛn i niannin'n ɔ fa Izaak mɛnnin i nin-ɔn. Sa nga Nyanmiɛn seli kɛ ɔ ´yo'n, Abraam yɛ ɔ seli i kɛ ɔ ´yo mɛn i-ɔ. Sanngɛ ɔ fɛ i wa kunngba cɛ'n mɛnnin i .

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

Jacques 2:21

?Kɛ e nannan Abraam fɛli i wa Izaak kɛ ɔ ´fa sɔ Nyanmiɛn'n, Nyanmiɛn a bu-mɛn i sran kpa i sa sɔ'n ti ?

1 Korɛntfuɛ Mun 10:13

Sa ng'ɔ tɔ amun su'n, nán amun ngunmin yɛ i kwlaa sɔ'n tɔ amun su-ɔ. E kwla fa é wla'n kwlaa guɛ i Nyanmiɛn su, afin ɔ kplin-man su kɛ sa ng'ɔ sɔn-man amun nun'n ɔ tɔ amun su. I sɔ'n ti'n, sɛ sa tɔ amun su'n, ɔ ´yo man ɔ sɔn amun nun yɛlɛ kɛ ɔ ´yo sa nga b'ɔ man an ´kwla fite nun'n.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Ezipt Lɔ Tulɛ'n 3:4

Kɛ Anannganman wunnin kɛ ɔ su kpɛ i wun nan ɔ ´nian'n, kpɛkuun ɔ o susrɛ'n nun lɔ ɔ'a flɛ i, i waan: «Moiz! Moiz!» Moiz tɛli i su kɛ: «Nannan!»

Bo Bolɛ 22:11

Yɛ Anannganman i anz'n wo nyanmiɛn su lɔ yɛ ɔ flɛli i-ɔ: «Abraam, Abraam!» Abraam waan: «M'an sro!»

Bo Bolɛ 22:7

Kpɛkuun yɛ Izaak flɛli i si Abraam-ɔ. Ɔ usɛli i kɛ: «?Sin'n yɛ, yie'n kusu yɛ ɔ o yɛ, yɛ bua nga e ´ko fa yi tɛ'n, ɔ o nin?»

Ezai 6:8

N tili Anannganman i aniɛn'n, ɔ usali kɛ: «?Wan yɛ n ´sunmɛn i-ɔ? ?Yɛ wan yɛ ɔ ´dun mmua e nyrun-ɔn? ?Wan yɛ ɔ ´ijɔ e nuan-an?» Nan m'an tɛ su kɛ: «Min-ɔn, sunman min.»

2 Be Nyoliɛ 32:31

I sɔ'n ti, kɛ Babilɔni famiɛn awlo lɔ sran dandan'm be sunmannin bé nuan ijɔfuɛ'm be kɛ be wa usɛ i abonuan sa ng'ɔ juli i mɛn'n nun'n i wun ndɛ'n, Nyanmiɛn yacili i ngunmin kɛ ɔ kan. Afin i waan ɔ ´sɛ i nian, nan ɔ ´si i klun lɔ sa'n ngba .

Ezipt Lɔ Tulɛ'n 16:4

Anannganman'n seli Moiz kɛ: «N wa yo nan kpaun ´fin nglo lɔ gua man amun. Cɛn kun sran'm be ko isa ng'ɔ ju bé cɛn kun dilɛ'n. N wa sa amun n nian sɛ amun ´fa min mmla'm bé su o, sɛ kusu amun su fa-man bé su o.

Mmla'n 13:3

sɛ sa ng'ɔ kannin'n ɔ ju sakpa'n, yɛ sɛ i ti i waan amun sɔ amuɛn bɔ amun si-man be laa'n nan amun su be'n,

Jɔlɛ Difuɛ Mun 2:22

N ´fa nvle sɔ mun n fa sa Izraɛlfuɛ mun n ´nian. Sɛ be ´fa Anannganman i atin kɛ be nannan'm be fali'n sa o.»

2 Samiɛl 24:1

Anannganman fali ya Izraɛlfuɛ'm bé wun ekun, ɔ man David cuɛnnin sa yili bé su. Anannganman suli i bo kɛ ɔ ka Izraɛlfuɛ mun nin Zidafuɛ mun.

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 21:11

Ndɛ sɔ'n ɔ'a yo-man Abraam fɛ mlɔnmlɔn, afin i wa yɛlɛ Ismaɛl.

Bo Bolɛ 37:13

Yɛ be si Izraɛl seli Zozɛf kɛ: «Ɔ niaan'm be ɔli nnɛn'm be kankanlɛ Sisɛm, n wa sunman wɔ bé sin.» Zozɛf waan: «Yoo, n tili!»

Bo Bolɛ 46:2

Kpɛkuun Nyanmiɛn kannin ndɛ aolia nun kleli i. Ɔ flɛli i, i waan: «Zakɔb! Zakɔb!» Zakɔb waan: «M'an sro!»

1 Samiɛl 3:4

Anannganman flɛli Samiɛl. Yɛ Samiɛl tɛli su kɛ: «Nannaan.»