Bo Bolɛ 2:9 - NYANMIƐN NDƐ'N 1998

⁹ Anannganman Nyanmiɛn yoli man waka nga be wun be-ɔ, be ko klo be'n, bɔ kusu be mma'm be yo fɛ'n, be fifili lɔ. Nguan waka'n, ɔ nin sa tɛ nin sa kpa'n be silɛ waka'n be o fie'n i afiɛn .

Bo Bolɛ 2:9 ပူးပေါင်းရင်းမြစ်များ

Bo Bolɛ 2:17

Sanngɛ sa kpa'n nin sa tɛ'n be silɛ waka'n i mma liɛ'n, nán di i li. Sɛ a di'n, san wulɛ cɛ yɛ a ´wu-ɔ.»

Bo Bolɛ 3:22

Anannganman Nyanmiɛn seli kɛ: «Sran yɛ ɔ'a yo kɛ e sa yɛ afin ɔ si sa tɛ'n nin sa kpa'n. Nán e mɛn i atin kɛ ɔ ti nguan waka'n i mma'n wie di, ɔ yo sɔ-ɔ, ɔ ko tran nguan nun titi .»

Bo Bolɛ 3:24

Kɛ Nyanmiɛn fuannin sran'n, ɔ fali anz nga be niɛn i ninnge'm be su mun fa sieli i Edɛni fie'n i wia afiliɛ lɔ. Kue sunman sin taaman o bé sa nun yɛ be fa sasa nguan waka nin-ɔn.

Bo Bolɛ 3:3

Sanngɛ waka ng'ɔ jin fie'n i afiɛn'n, i su mma liɛ'n yɛ Nyanmiɛn'n seli e kɛ nán e di-ɔ. I kpa'n bɔ ɔ seli e kɛ nán e kɛn i. Sɛ ɔ yo sɔ-ɔ, e ´wu.»

Bo Bolɛ 3:5

Nyanmiɛn bɔbɔ si kɛ cɛn nga amun di'n, amún nyin ´ti. Amun ´yo kɛ i bɔbɔ sa, amun ´si sa kpa'n nin sa tɛ'n.»

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Nyanndra Mun 3:18

Be nga be nyɛn i'n, ɔ man be nguan.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

Ezekiɛl 31:16

Blɛ bɔ n yoli bɔ waka sɔ'n ɔ tɔli b'ɔ toli be nga be o blɔlɔ lɔ'm be lɔ'n, nvle-nvle nga be tili i ngan'n be usuli sa tututu srɛ b'ɔ kunnin be'n ti. Blɔlɔ lɔ'n, Edɛni waka'm be kwlaa bɔ be ti waka nglanman, bɔ nzue o be su tititi tra Liban lɔ waka'm be kwlaa'n, be klun jɔli.

Ezekiɛl 31:18

?Edɛni waka'm be nun'n onin yɛ ɔ nin wɔ anyrunnyan'n nin ɔ dan'n be sɛ-ɔ? Ɔ nin i sɔ ngba'n, be ´fa wɔ nin Edɛni waka mun be ´jra amun asiɛ'n i bo kpa lɔ. A wa la be nga b'a wla-man be klɛn'n nin be nga alɛ dili be'n be afiɛn. Nian, sa ng'ɔ wa ju Ezipt famiɛn'n nin Eziptfuɛ'm be kwlaa be su'n yɛ ɔ o lɛ-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 47:12

Nzue'n i bue nnyɔn'm be su'n, waka nga be su mma'm be ´fifi. Be nnya'n su wu-man kee le, yɛ be mma su wie-man su le. Anglo kwlaa nun be ´su mma uflɛ yɛlɛ kɛ bé bo nzue'n ɔ fin Nyanmiɛn lika'n nun. Yɛ i mma'm be ´kaci aliɛ, yɛ i nnya'm be ´kaci ayre .»

Jean 6:48

M bɔbɔ n ti kpaun b'ɔ man nguan.

1 Korɛntfuɛ Mun 8:1

Nga b'ɔ ti amuɛn nnɛn'n i ndɛ liɛ'n, e si kɛ e kwlaa e si i. Sanngɛ sa silɛ sɔ'n man sran tu i wun, sanngɛ sran klolɛ'n ɔ man sran yo sran.

Mmla'n 6:25

Sɛ e fa Anannganman e Nyanmiɛn'n i mmla sɔ mun sie'n kɛ ɔ kan kleli e sa'n, ɔ ´wun kɛ e nanti seiin i nyrun.»

Sa nglô yile 2:7

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n. Sran ng'ɔ kwla'n, waka b'ɔ man nguan b'ɔ o Nyanmiɛn fie'n su lɔ'n, n ´yo man ɔ ´di i mma .› »

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !

Sa nglô yile 22:2

Ɔ la klɔ'n i gua'n i afiɛn. Waka b'ɔ man nguan'n be jinjin i bue nnyɔn'n su. Afuɛ kun nun be su kpɛ blu-nin-nnyɔn, anglo kwlaa be su. Be nnya'n yɛ man nvle-nvlefuɛ'm be yo juejue-ɔ .