Bo Bolɛ 2:8 - NYANMIƐN NDƐ'N 1998

⁸ Kpɛkuun Anannganman Nyanmiɛn dili fie Edɛni wia afiliɛ lɔ lika'n nun, nan ɔ'a fa sran b'ɔ yili'n ɔ'a sie i lɔ.

Bo Bolɛ 2:8 ပူးပေါင်းရင်းမြစ်များ

Bo Bolɛ 13:10

Lɔt mɛnnin i nyin'n su. Ɔ wunnin kɛ Zurdɛn lika kpɛkplɛkpɛ'n ɔ ti nzue bo lika. Kɛ ɔ ´yo sɔ'n, wuun Anannganman nian nunnun-man Sodɔm nin Gomɔr. Kɛ ɔ fɛ i lika sɔ'n nun lele b'ɔ fa ju Zɔar'n, lika'n ti klanman kɛ Anannganman i fie wie sa, i kunngba'n ɔ ti kɛ Ezipt lika'n sa.

Bo Bolɛ 3:23

Nan Anannganman Nyanmiɛn ɔ'a fuan sran'n Edɛni fie'n nun kɛ ɔ `ko di asiɛ bɔ i nun yɛ ɔ fin'n i su junman.

Bo Bolɛ 3:24

Kɛ Nyanmiɛn fuannin sran'n, ɔ fali anz nga be niɛn i ninnge'm be su mun fa sieli i Edɛni fie'n i wia afiliɛ lɔ. Kue sunman sin taaman o bé sa nun yɛ be fa sasa nguan waka nin-ɔn.

Bo Bolɛ 4:16

Yɛ Kaɛn jasoli Anannganman i wun lɛ ɔli mmua-a. Ɔ ko trannin Nɔd mɛn'n nun lɔ Edɛni fie'n i wia afiliɛ lɔ.

2 Famiɛn Mun 19:12

Kɛ famiɛn nga be dun mmua min nyrun'n be bubuli Gɔzan, nin Aran, nin Resɛf, nin Edɛnifuɛ'm be klɔ ng'ɔ ti be famiɛn klɔ'n, ɔ nin Tɛlasar, nvle sɔ'm be amuɛn'm b'a kwla sasa-man be.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezekiɛl 27:23

Aran klɔ'n nin Kane klɔ'n, nin Edɛni klɔ'n, nin Seba klɔ'n, nin Asiri, ɔ nin Kilmad klɔ'm be aata difuɛ'm be nin wɔ be di aata.

Ezekiɛl 28:13

A trannin Edɛni b'ɔ ti Nyanmiɛn i fie'n i nun, yɛ yɛbuɛ kpakpa'n kwlaa sin yiali wɔ: ribi, topaz, diaman, krizoliti, kornalin, zasp, safir, grenat, emɛrɔd. Like nga a wlali be'n be ti sika ɔkwlɛ. Kɛ be yili wɔ cɛ'n yɛ be siesieli be-ɔ .

Ezekiɛl 31:16

Blɛ bɔ n yoli bɔ waka sɔ'n ɔ tɔli b'ɔ toli be nga be o blɔlɔ lɔ'm be lɔ'n, nvle-nvle nga be tili i ngan'n be usuli sa tututu srɛ b'ɔ kunnin be'n ti. Blɔlɔ lɔ'n, Edɛni waka'm be kwlaa bɔ be ti waka nglanman, bɔ nzue o be su tititi tra Liban lɔ waka'm be kwlaa'n, be klun jɔli.

Ezekiɛl 31:18

?Edɛni waka'm be nun'n onin yɛ ɔ nin wɔ anyrunnyan'n nin ɔ dan'n be sɛ-ɔ? Ɔ nin i sɔ ngba'n, be ´fa wɔ nin Edɛni waka mun be ´jra amun asiɛ'n i bo kpa lɔ. A wa la be nga b'a wla-man be klɛn'n nin be nga alɛ dili be'n be afiɛn. Nian, sa ng'ɔ wa ju Ezipt famiɛn'n nin Eziptfuɛ'm be kwlaa be su'n yɛ ɔ o lɛ-ɔ.» Anannganman Nyanmiɛn'n yɛ ɔ kan sɔ-ɔ.

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.