Bo Bolɛ 2:7 - NYANMIƐN NDƐ'N 1998

⁷ Kpɛkuun Anannganman Nyanmiɛn fali fa nan ɔ'a fa yi sran kun, yɛ ɔ fitali sran'n i bue'n nun yɛ sran'n deli wunmiɛn-ɔn , yɛ ɔ nyannin nguan-an.

Bo Bolɛ 2:7 ပူးပေါင်းရင်းမြစ်များ

Bo Bolɛ 1:27

Yɛ Nyanmiɛn yili sran'n kɛ i bɔbɔ sa-a. Ɔ yili i kɛ i bɔbɔ Nyanmiɛn'n sa. Ɔ yili yasua nin bla .

Bo Bolɛ 2:6

Nzue'n fin asiɛ'n bo, ɔ nyrɛn yɛ ɔ lualua asiɛ nin-ɔn.

Bo Bolɛ 3:19

Nvufle ´tu wɔ kpa nan w'a nyan ɔ́ nuan nun aliɛ w'a di. Ɔ ´yo sɔ lele nan w'a fa sa ɔ sin a kaci fa ekun, afin fa yɛ n fa yili wɔ-ɔ. A ti fa yɛ a wa sa ɔ sin a ´kaci fa ekun.»

Bo Bolɛ 3:23

Nan Anannganman Nyanmiɛn ɔ'a fuan sran'n Edɛni fie'n nun kɛ ɔ `ko di asiɛ bɔ i nun yɛ ɔ fin'n i su junman.

Bo Bolɛ 7:22

Like nga be de wunmiɛn bɔ be o asiɛ'n su be kwlaa be wuli.

Zɔb I Nyrɛnnɛn Wunlɛ 27:3

Kɛ Nyanmiɛn i nguan ng'ɔ fa wlali min nun'n ɔ tɛ o min nun'n, kɛ n tɛ de wunmiɛn'n,

Zɔb I Nyrɛnnɛn Wunlɛ 33:4

Nyanmiɛn fɛli i Wawɛ'n yɛ ɔ fa yili min-ɔn. Nyanmiɛn b'ɔ kwla like kwlaa yo'n i Wawɛ'n yɛ man n wo nguan nun-ɔn.

Zɔb I Nyrɛnnɛn Wunlɛ 33:6

Nyanmiɛn nyrun e nin wɔ e sɛ. Fa yɛ be fa yili min wie kɛ wɔ sa-a.

Zɔb I Nyrɛnnɛn Wunlɛ 4:19

yɛ ɔ waan klɔ sran mun bɔ be tran fa sua nun'n, bɔ ndutre nun yɛ be fin'n, bɔ be kwla wɛtɛ be kɛ kakaa wie sa'n!

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 103:14

Afin ɔ si like ng'ɔ fa yili ye'n. Ɔ o i klun, ɔ si kɛ fa yɛ ɔ fa yili ye-ɔ.

Nyanndra Mun 20:27

Wawɛ ng'ɔ o sran nun'n, ɔ ti kɛ Anannganman i kannin sa. Ɔ kpaja e klun lɔ longolongo'n kwlakwla nun .

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Akunndanfuɛ'n 3:7

Ɔ lɛ blɛ kun bɔ be fa titi be wun ninnge'm be nun-ɔn, yɛ ɔ lɛ blɛ kun bɔ be fa kpa be nun-ɔn. Ɔ lɛ blɛ kun bɔ be fa muan bé nuan-an, yɛ ɔ lɛ blɛ kun bɔ be fa ijɔ-ɔ .

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ezekiɛl 37:5

Anannganman Nyanmiɛn wan yoo: «N wa fa wawɛ kun n wla amun nun, yɛ amun ´nyan nguan ekun.

Ezekiɛl 37:6

N ´yo man amun nyan ndin, n ´yo man amun ´nyan nnɛn, amun ´nyan wunnɛn kplo, m ´man amun wawɛ, amun ´nyan nguan yɛ amun wa si jrɛiin kɛ min yɛ n ti Anannganman nin-ɔn.»

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Kalɛ 27:16

«Anannganman, ɔ bɔ a man like kwlaa nga a yili be'n be nguan'n, fa sran kun sie nvle'n i ti su.

Jean 20:22

Kɛ ɔ kannin ndɛ sɔ'n, ɔ fitali bé su nan ɔ'a se be kɛ: «An `sɔ Nyanmiɛn Wawɛ'n nun.»

Sa nga bé yôli'n 17:25

I b'ɔ man sran'm be kwlaa be nguan'n, b'ɔ man be wunmiɛn'n, b'ɔ man be like'n kwlaa'n, i sa mian-man like fi wun bɔ sɛ sran'm be su i'n be kwla yo mɛn i-ɔ .

Rɔmfuɛ Mun 9:20

?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

1 Korɛntfuɛ Mun 15:47

Fa yɛ Nyanmiɛn fa yili sran klikli nin-ɔn, ɔ man ɔ ti asiɛ'n su wafuɛ. Sran nnyɔn su'n fin nyanmiɛn su lɔ .

2 Korɛntfuɛ Mun 4:7

E bɔ e lɛ Nyanmiɛn ninnge kpakpa sɔ mun'n, e ti kɛ sɛ sa, ɔ man be wun i wlɛ kɛ e kwla yo-man like fi, sanngɛ Nyanmiɛn b'ɔ kwla like kwlaa yo'n yɛ ɔ yo sa-a.

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

1 Timote 2:13

Afin Adam yɛ Nyanmiɛn dun mmua yili i-ɔ, i sin yɛ ɔ yili Ɛv-ɔ ,

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.