Bo Bolɛ 2:3 - NYANMIƐN NDƐ'N 1998

³ Nyanmiɛn fali cɛn sɔ'n yoli wunmiɛn-delɛ-cɛn, ɔ sieli i ngunmin. Afin cɛn sɔ'n nun yɛ ɔ yacili mɛn'n i yilɛ junman'n dilɛ yɛ ɔ deli wunmiɛn-ɔn .

Bo Bolɛ 2:3 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Bo Bolɛ 2:2

Kɛ cɛn nso'n ´ju'n, wuun Nyanmiɛn ɔ'a wie junman'n kwlakwla di. Ɔ man cɛn nso su'n ɔ deli wunmiɛn .

Bo Bolɛ 2:4

Nglo nin asiɛ'n be yilɛ'n i wun ndɛ yɛ ɔ o lɛ-ɔ. Kɛ Anannganman Nyanmiɛn ´yi nglo nin asiɛ'n,

Neemi 9:14

Wɔ man ɔ sufuɛ Moiz kleli be wunmiɛn-delɛ-cɛn* b'ɔ ti wɔ liɛ'n, nin ɔ ndɛ mun, nin wɔ atin klelɛ mmla mun.

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezipt Lɔ Tulɛ'n 34:21

Amun `di junman cɛn ba nsiɛn, sanngɛ amun `fa cɛn nso su'n de wunmiɛn. Kannzɛ junman dilɛ blɛ o, sɛ kacɛ tulɛ blɛ o, sɛ ble kpɛlɛ blɛ o, amun `yo i sɔ.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Marc 2:27

I sin Jésus seli be ekun kɛ: «Be sie wunmiɛn-delɛ-cɛn'n mannin sran, nán wunmiɛn-delɛ-cɛn'n ti yɛ sran o lɛ-ɔ .»

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .