Bo Bolɛ 2:2 - NYANMIƐN NDƐ'N 1998

² Kɛ cɛn nso'n ´ju'n, wuun Nyanmiɛn ɔ'a wie junman'n kwlakwla di. Ɔ man cɛn nso su'n ɔ deli wunmiɛn .

Bo Bolɛ 2:2 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Bo Bolɛ 2:3

Nyanmiɛn fali cɛn sɔ'n yoli wunmiɛn-delɛ-cɛn, ɔ sieli i ngunmin. Afin cɛn sɔ'n nun yɛ ɔ yacili mɛn'n i yilɛ junman'n dilɛ yɛ ɔ deli wunmiɛn-ɔn .

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezipt Lɔ Tulɛ'n 31:15

Man be fa cɛn ba nsiɛn be di junman, sanngɛ cɛn ba'n i nso su fuɛ'n, ɔ ti wunmiɛn-delɛ-cɛn. Ɔ ti min cɛn klonglo. Sran kwlaa ng'ɔ di junman cɛn sɔ nun'n, man be kun i.

Ezipt Lɔ Tulɛ'n 31:17

Ɔ ti nzɔliɛ kun b'ɔ o e nin Izraɛlfuɛ mun ye afiɛn b'ɔ ´tran lɛ tititi. Afin min Anannganman, n fali cɛn ba nsiɛn yɛ n fa yili nglo'n nin asiɛ nin-ɔn, sanngɛ i cɛn ba nso'n su n jrannin min junman'n, yɛ n deli wunmiɛn.»

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Jean 5:17

Sanngɛ Jésus seli be kɛ: «Cɛn kwlakwlakwla n Si di junman, n kusu n di junman.»

Mmla'n 5:14

Sanngɛ cɛn ba'n i nso sufuɛ'n, ɔ ti min Anannganman ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ o, sɛ ɔ́ wa yasua o, ɔ́ wa bla o, ɔ́ sa nun junman difuɛ yasua o, ɔ́ sa nun junman difuɛ bla o, ɔ nannin o, wɔ aflunmun o, ɔ nnɛn'm be kwlaa o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn. Man ɔ sa nun junman difuɛ, sɛ bla o, sɛ yasua o, be de wunmiɛn kɛ ɔ bɔbɔ sa.

Hébreu 4:10

Afin sran ng'ɔ wlu wunmiɛn delɛ lika nga Nyanmiɛn ɔ'a sie nun'n, ɔ yaci i junman'n de wunmiɛn kɛ Nyanmiɛn wieli i liɛ'n di b'ɔ deli wunmiɛn'n sa .

Hébreu 4:4

Afin be klɛli cɛn ba nso su'n i ndɛ Nyanmiɛn Ndɛ'n nun lika wie kɛ: «Kɛ Nyanmiɛn dili junman lele'n, i le nso su'n ɔ deli wunmiɛn .»