Bo Bolɛ 2:1 - NYANMIƐN NDƐ'N 1998

¹ Kɛ nglo nin asiɛ'n, ɔ nin be su ninnge'm be yilɛ'n yoli sa.

Bo Bolɛ 2:1 ပူးပေါင်းရင်းမြစ်များ

Bo Bolɛ 1:1

Kɛ mɛn'n bo i bo'n, Nyanmiɛn yili nglo nin asiɛ'n .

Bo Bolɛ 1:10

Nyanmiɛn flɛli lika kee'n kɛ asiɛ, ɔ flɛli nzue ng'ɔ kan boli nun'n kɛ jenvie. Nyanmiɛn wunnin kɛ i sɔ'n ti kpa.

Bo Bolɛ 2:4

Nglo nin asiɛ'n be yilɛ'n i wun ndɛ yɛ ɔ o lɛ-ɔ. Kɛ Anannganman Nyanmiɛn ´yi nglo nin asiɛ'n,

2 Famiɛn Mun 19:15

I sin Ezekias srɛli Anannganman seli kɛ: «Anannganman, Izraɛl Nyanmiɛn, wɔ yɛ a ti anz'm be su kpɛn nin-ɔn. Wɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

2 Be Nyoliɛ 2:12

Ajuin difuɛ kun yɛ n ´fa blɛ wɔ yɛ. Ɔ si junman kpa. Be flɛ i Iram-Abi.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Zɔb I Nyrɛnnɛn Wunlɛ 12:9

?Nnɛn'm be kwlaa nga be o lɛ'n, be nun kun wo lɛ b'ɔ si-man kɛ sa kwlaa ng'ɔ ju'n, ɔ fin Nyanmiɛn-ɔn?

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 146:6

Anannganman yɛ ɔ boli nyanmiɛn'n b'ɔ la nglo lɔ plaii'n nin asiɛ nin-ɔn. Jenvie'n nin i nun ninnge'n kwlaa i yɛ ɔ yili be-ɔ. Ɔ di nanwlɛ tititi.

Jue Mun 33:6

Anannganman i nuan nun ndɛ'n yɛ ɔ fa yili nyanmiɛn b'ɔ la nglo lɔ plaii nin-ɔn. I nuan b'ɔ ukeli i sa'n, kpɛkuun nzraama'm be fiteli .

Jue Mun 33:9

Afin ndɛ kwlaa ng'ɔ kan'n, san i su sa'n ɔ ´yo. Kɛ ɔ ko fin i nuan ko se kɛ man like sa yo'n, kpɛkuun like sɔ'n ɔ ka lɛ yo.

Ezipt Lɔ Tulɛ'n 20:11

Afin n fali cɛn ba nsiɛn yɛ n fa yili nglo'n, nin asiɛ'n, nin jenvie'n, ɔ nin ninnge nga be o lɛ'n be kwlaa-a, kpɛkuun cɛn ba nso'n su fuɛ'n, n fa deli wunmiɛn. I sɔ'n ti yɛ m bɔbɔ min Anannganman n yrali min nuan klanman kɛ cɛn sɔ'n `yo kpa, yɛ n klo kɛ ɔ `yo min liɛ klonglo nin-ɔn.

Ezipt Lɔ Tulɛ'n 31:17

Ɔ ti nzɔliɛ kun b'ɔ o e nin Izraɛlfuɛ mun ye afiɛn b'ɔ ´tran lɛ tititi. Afin min Anannganman, n fali cɛn ba nsiɛn yɛ n fa yili nglo'n nin asiɛ nin-ɔn, sanngɛ i cɛn ba nso'n su n jrannin min junman'n, yɛ n deli wunmiɛn.»

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Ezai 42:5

Sran ng'ɔ yili nyanmiɛn'n b'ɔ la nglo lɔ plaii'n, b'ɔ tinngɛli nun kɛ bɛ sa'n, b'ɔ yili asiɛ'n nin i su ijre, nin waka mun'n, b'ɔ mannin i su sran'm be nguan'n, b'ɔ mannin i su sran'm be wunmiɛn'n, Nyanmiɛn b'ɔ ti Anannganman'n, ɔ kan kle sran ng'ɔ kpɛli i'n kɛ:

Ezai 45:12

Min yɛ n yili asiɛ nin-ɔn. Min yɛ n yili i su sran mun-ɔn. Nyanmiɛn'n b'ɔ la nglo lɔ plaii'n, m bɔbɔ min yɛ n fali ń sa n tinngɛli nun-ɔn. Min yɛ n sie nzraama mun-ɔn.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 55:9

Kɛ nyanmiɛn'n b'ɔ la nglo lɔ plaii'n nin asiɛ'n be afiɛn'n fa ti nun fuun ju'n, i kunngba'n yɛ min atin'n bɔ n fa su'n nin amun liɛ'n be fa ti-ɔ, yɛ i kunngba'n yɛ min klun akunndan'n nin amun liɛ'n be fa ti-ɔ.

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Zeremi 10:12

I kwlalɛ b'ɔ kwla'n ɔ man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

JÉSUS-CHRIST I DYASIN FE'N BO LUC KLELI'N 2:13

Kpɛkuun Nyanmiɛn su lɔ sran akpi-ngbingbi'm be nun akpasua dan kun be wa ukali anz kun'n su, be manmannin Nyanmiɛn seli kɛ:

Sa nga bé yôli'n 4:24

Kɛ be tili'n, be kwlaa be mannin be nɛn'n su be seli Nyanmiɛn kɛ: «E Si, ɔ bɔ a yili nglo nin asiɛ'n, nin jenvie'n, ɔ nin ninnge'n kwlaa bɔ be o lɛ'n ,

Sa nga bé yôli'n 7:42

I sɔ'n ti Nyanmiɛn kaci i sin sili be, ɔ yacili be lɛ man be sɔli nyanmiɛn su lɔ ninnge mun. Afin be klɛli i Nyanmiɛn nuan ijɔfuɛ'm be fluwa'n nun kɛ: ‹?Izraɛlfuɛ mun, kɛ an wo aawlɛ flɛnnɛn nun lɔ afuɛ ablanan'n, min yɛ an mannin min nnɛn bɔ an cɛli min like nin-ɔn ?

Mmla'n 17:3

Atrɛkpa-a, ɔ ko sɔ amuɛn wie mun, ɔ ´koto bé bo, annzɛ ɔ ´koto wia, annzɛ anglo, annzɛ nzraama'm bé bo. Nán nga Anannganman kan kleli amun kɛ amun yo'n yɛ ɔ o lɛ-ɔ.

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Hébreu 4:3

Sanngɛ e bɔ e lafi i su'n, e wa wlu lika sɔ'n bɔ Nyanmiɛn kɛnnin i ndɛ i nun wie, ɔ se kɛ: «I sɔ'n ti n fali be wun ya kpa, nan m'an ta nda kɛ: Be su ju-man wunmiɛn delɛ lika nga m'an siesie'n nun lɔ'n mlɔnmlɔn .» Ɔ seli sɔ, sanngɛ kɛ ɔ yili mɛn'n yɛ i junman'n wieli-ɔ.