Bo Bolɛ 18:9 - NYANMIƐN NDƐ'N 1998

⁹ Nan b'a usɛ i kɛ: «?Ɔ yi Sara o nin?» Ɔ tɛli be su kɛ: «Ɔ o tannin sua'n nun lɔ.»

Bo Bolɛ 18:9 ပူးပေါင်းရင်းမြစ်များ

Bo Bolɛ 18:10

Yɛ be nun kun seli i kɛ: «Afuɛ ng'ɔ ´ba lɔ bikisa'n, m ´ba wa ekun. Kɛ m ´ba'n, wuun ɔ́ yi Sara ɔ'a wu ba yasua kun.» Kɛ ɔ ´yo sɔ'n, wuun Sara o tannin sua'n i anuan'n nun lɛ Abraam i kɔminsin lɔ, kannzu ɔ tili.

Bo Bolɛ 18:8

Kpɛkuun ɔ fali nɔnnɔn nga ɔ'a lafi'n nin nɔnnɔn mɔnnɛn, ɔ nin nnɛn bɔ be tɔnnin'n, nan ɔ'a fa man be. Abraam bɔbɔ jin bé wun waka'n bo lɛ. Yɛ be dili-ɔ.

Bo Bolɛ 24:67

Izaak sikeli Rebeka i nin Sara i tannin sua laa'n nun. Ɔ fɛ i yoli i yi. Izaak kloli i, ɔ man i nin i wie'n i ya'n wieli i klun, i wla fili i wun.

Bo Bolɛ 3:9

Yɛ Anannganman Nyanmiɛn ´flɛ yasua nin-ɔn, ɔ usɛli i kɛ: «?A o nin?»

Bo Bolɛ 31:33

Laban wluli Zakɔb i tannin sua'n nun, ɔ wluli Lea liɛ'n nin afanniɛn bla nnyɔn'm be liɛ'n nun, ɔ'a wun-man like fi. Ɔ fin Lea lɔ fiteli, ɔ wluli Rasɛl tannin sua liɛ'n nun.

Bo Bolɛ 4:9

Yɛ Anannganman usali Kaɛn kɛ: «?Ɔ niaan bian Abɛl o nin?» Kaɛn tɛli i su kɛ: «M'an wun-man kan ɔ ɔli-ɔ. ?I kpa'n min niaan b'ɔ ti'n, be waan min yɛ n ti i su nianfuɛ-ɔ?»

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.

Hébreu 11:9

I su b'ɔ lafi'n ti, ɔ ko trannin nvle nga i waan ɔ ´fa mɛn i'n nun kɛ aofuɛ sa. Ɔ nin Izaak nin Zakɔb bɔ be kusu be ´nyan like nga i waan ɔ ´fa mɛn i'n wie'n, be trannin tannin sua'n nun.