Bo Bolɛ 17:8 - NYANMIƐN NDƐ'N 1998

⁸ N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 17:8 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 13:17

Jaso, ko kpla lika sɔ'n i tɛnndɛn nun'n nin i ngbinngbin nun'n nian, afin n ´fa man wɔ.»

Bo Bolɛ 23:4

I waan: «N ti aofuɛ yɛ m'an sike amun wun wa yɛ. I ti n ´srɛ amun, an `man min asiɛ nan n sie mín yi i saka'n.»

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 28:4

Man ɔ fa muae ng'ɔ mannin Abraam'n i wie man wɔ nin ɔ osu'n. Man mɛn nga a ti nun aofuɛ yɛ'n, bɔ Nyanmiɛn fa mannin Abraam'n ɔ `yo ɔ liɛ.»

Bo Bolɛ 35:27

Zakɔb juli i si Izaak i wun Mamre lɔ. Mamre'n wo Kirzat-Arba nga i dunman uflɛ'n yɛlɛ Ebrɔn'n i wun lɔ. Abraam nin Izaak be trannin lɔ laa.

Bo Bolɛ 36:7

Afin be ninnge'm be sɔnnin dan, be tran likawlɛ-ɔ ɔ yo-man ye. Be nnɛn'm be ti lika nga be o nun'n ɔ ju-man be.

Bo Bolɛ 37:1

Zakɔb trannin i si i tranwlɛ laa'n nun Kanaan mɛn'n nun lɔ.

Bo Bolɛ 48:4

Ɔ seli min kɛ: «N wa man wɔ ba nin anunman kpanngban, n ´yo man ɔ osu'n ɔ ´trɛ dan kpa, kpɛkuun n ´fa mɛn nga m ´man ɔ osu'n kɛ ɔ `fa yo i liɛ titi .»

2 Samiɛl 23:5

Kɛ Nyanmiɛn nin min awlo'n be nanti sɔ-ɔ. Ɔ tali min nda kun b'ɔ lɛ-man awieliɛ. Nda sɔ'n ti weiin, i bɔbɔ ɔ nian su. Ɔ de min, like kwlaa nga n kunndɛ'n, ɔ yo man min.

1 Be Nyoliɛ 16:18

Ɔ seli kɛ: «N ´fa Kanaan mɛn'n m ´man wɔ, ɔ ´yo kɛ wɔ aja sa .»

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Jue Mun 105:11

Ɔ seli be kɛ: «N ´fa Kanaan mɛn'n m ´man amun. Ɔ ti amun aja like yɛ amun nyɛnnin i-ɔ.»

Jue Mun 105:9

Ɔ kan kleli Abraam, ɔ kan kleli Izaak.

Ezipt Lɔ Tulɛ'n 13:11

Moiz seli ekun kɛ: «Kɛ Anannganman ko fa amun ko wɔ Kanaan mɛn'n nun b'ɔ ko fa ko man amun kɛ ɔ fa boli i kasiɛ kleli amun nannan mun ɔ nin amun bɔbɔ'n sa'n,

Ezipt Lɔ Tulɛ'n 21:6

i min'n `fa Nyanmiɛn yo i lalofuɛ, ɔ `fa sran'n mantan anuan'n annzɛ anuan'n i waka'n. Kpɛkuun ɔ `fiti i su'n nin tulie. Kɛ ɔ fin lɛ'n, sran sɔ'n ´su i tititi.

Ezipt Lɔ Tulɛ'n 29:45

N wa tran Izraɛlfuɛ'm be afiɛn, n ´yo be Nyanmiɛn.

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Ezipt Lɔ Tulɛ'n 40:15

Fa ngo gua bé ti su kɛ a fa guali bé si i ti liɛ'n su'n sa. Yɛ be wa yo min nyrun jranfuɛ mun, be ´di min junman'n. Ngo sɔ bɔ a ´fa gua bé ti su'n ti, be nin bé osu nunfuɛ'm be wa yo min nyrun jranfuɛ tititi, ɔ lɛ-man kpɛ bo.»

Ezipt Lɔ Tulɛ'n 6:4

E nin be e trali aenguɛ. N tali be nda kɛ Kanaan mɛn nga be trannin nun laa kɛ aofuɛ mun sa'n, n ´fa man be.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 31:1

Anannganman waan: «I blɛ sɔ nun'n, n wa yo Izraɛl awlobo'm be kwlakwla be Nyanmiɛn. Be kusu be ´yo min sran.»

Ezekiɛl 11:20

kɛ ɔ ´yo nan amu'an fa min mmla bɔ n fa mannin amun be su'n ti. Amun ´kaci min sran, yɛ n ´yo amun Nyanmiɛn.

Ezekiɛl 33:24

«Klɔ sran, nian, ndɛ nga be nga be kali klɔ nvuɛn-nvuɛn'm be nun Izraɛl mɛn'n nun lɔ'n be kan'n yɛ. Be se kɛ: ‹Abraam i ba kunngba, sanngɛ i ngunmin i liɛ yɛlɛ mɛn nga kwlaa. E nga bɔ e sɔnnin yɛ'n, e yɛ be fa mɛn be mannin ye-ɔ.›

Saun Yolɛ 14:34

«Kanaan mɛn'n yɛ n wa fa man amun lɛ-ɔ. Blɛ nga amun ko tran lɔ ko wie'n, nan sɛ amun wun kɛ m'an fa senzeble m'an to a yi amun sua'n kun nun'n,

Saun Yolɛ 16:34

I sɔ mmla liɛ'n, amun `nanti su titi. Amun `fa su nan afuɛ nuan kun nun'n, sa tɛ nga amun Izraɛlfuɛ mun amun yoli'n, n ´kan bo nun nan n ´yaci n cɛ amun.» Aarɔn niannin ndɛ nga Anannganman kan kleli Moiz'n i kwlakwla su yoli!

Saun Yolɛ 26:12

E nin amun e ´nanti. N ´yo amun Nyanmiɛn, yɛ amun kusu amun ´yo min sran.

Zakari 8:8

N ´ko fa be lɔ m ´ba nan be wa tran Zerizalɛm. Be ´yo min nvle nunfuɛ, yɛ min kusu n ´yo be Nyanmiɛn. N ´nian be su klun-ufue su klanman.»

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Kalɛ 25:13

Aenguɛ sɔ'n, ɔ ti kɛ e nin i nin i osu'n nunfuɛ'm be kwlaa yɛ e trali-ɔ. Ɔ ´yo man be ´yo min nyrun jranfuɛ manndimaan. Afin i wun mantanlɛ ng'ɔ fa mantan min Nyanmiɛn'n, ɔ yili i nglo weiin. Ɔ ti kɛ ɔ kpatali Izraɛlfuɛ'm bé ti, ɔ man n yacili.»

Kalɛ 27:12

Anannganman seli Moiz kɛ: «Fu Abarim oka nga su nan nian mɛn nga n su fa man Izraɛlfuɛ mun'n.

Sa nga bé yôli'n 7:5

Ɔ'a mɛn-mɛn i asiɛ bɔ kaan sa mɛn sɔ'n nun b'ɔ tran su-ɔ. Kɛ ɔ nian nyan-man ba'n, ɔ seli i kɛ ɔ ´fa mɛn sɔ'n mɛn i nin i anunman mun .

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Mmla'n 26:18

Ndɛkɛn'n, amun kusu amu'an ta nda kɛ amun ´yo i nvle klonglonglo kɛ ɔ fa kannin'n sa, nan amun ´fɛ i mmla'm bé su.

Mmla'n 29:13

Aenguɛ sɔ'n, nán ɔ nin amun kunngba yɛ ɔ ´tra-a, nda ng'ɔ ta'n, nán amun kunngba yɛ ɔ ´ta amun-ɔn.

Mmla'n 32:49

«Fu Abarim'm be oka nga be flɛ i Nɛbo'n, b'ɔ o Moabfuɛ'm be mɛn'n nun Zeriko ndɛnman'n i su. Fu su nan nian Kanaan mɛn'n bɔ m'an fa man Izraɛlfuɛ mun kɛ be fa yo be liɛ'n.

Mmla'n 32:8

Kɛ Nyanmiɛn b'ɔ o like kwlakwla ti su'n ɔ cɛcɛli asiɛ'n nun mannin nvle-nvle mun'n, ɔ klekleli be awɛ mun tɔuun . Ɔ niannin Izraɛlfuɛ'm be nuan'n su yɛ ɔ fa cɛcɛli be-ɔ.

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.

Hébreu 9:15

I sɔ'n ti yɛ Krist ti aenguɛ uflɛ nga Nyanmiɛn waan ɔ nin sran'm be tra i nun jranfuɛ nin-ɔn. I wulɛ b'ɔ wuli'n ti'n, be nga be fa aenguɛ klikli nga Nyanmiɛn ɔ nin sran'm be ´trali'n su, bɔ be yo sa tɛ'n, ɔ de be i su saɛ'n nun. Ɔ man be nga Nyanmiɛn flɛli be'n, be ´nyan like kpakpa ng'ɔ wie-man mlɔnmlɔn bɔ i waan ɔ ´fa man be'n.

Zozie 1:2

«Min sufuɛ Moiz yɛ ɔ'a wu yɛ. I ti, siesie ɔ wun nan a nin Izraɛl nvle'n amun `kpɛ Zurdɛn nzue'n b'ɔ o yɛ'n, amun `wɔ mɛn nga n su wa fa man Izraɛlfuɛ mun'n i nun.

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .