Bo Bolɛ 17:1 - NYANMIƐN NDƐ'N 1998

¹ Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 17:1 ပူးပေါင်းရင်းမြစ်များ

Bo Bolɛ 12:1

Anannganman seli Abram kɛ: «Jaso ɔ́ mɛn'n nun, jaso ɔ osufuɛ'm be afiɛn ɔ́ si i awlo'n nun kɔ mɛn nga n wa kle wɔ'n nun.

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 16:16

Kɛ Agar ´wu Ismaɛl'n, wuun Abram lɛ afuɛ ablaɔcuɛ-nin-nsiɛn.

Bo Bolɛ 18:1

Anannganman fiteli Abraam i nyrun Mamre i sɛni waka'm be bo lɛ wia fiaan kpa'n nun. Kɛ ɔ ´yo sɔ'n, wuun Abraam ti i tannin sua'n i anuan'n nun lɛ.

Bo Bolɛ 18:14

?Like kun wo lɛ bɔ i yolɛ ti kekle man Anannganman nin-ɔn? N se kɛ afuɛ ng'ɔ ´ba lɔ bikisa'n, kɛ m ´ba'n, wuun Sara ɔ'a wu ba yasua kun .»

Bo Bolɛ 24:40

I waan: ‹Anannganman bɔ i yɛ n su i'n, ɔ ´yi i anz'n kɛ ɔ ko sunman wɔ. Ɔ ´yo man a ´nanti ye, a ´fa min osu'n nun bla kun mín si i awlo'n nun a ´blɛ mín wa'n.

Bo Bolɛ 26:2

Anannganman fiteli i nyrun nan ɔ'a se i kɛ: «Nán kɔ Ezipt. Lika nga n wa kle wɔ lɛ'n, lɛ yɛ tran-an.

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Bo Bolɛ 35:11

Nyanmiɛn seli i kɛ: «Nyanmiɛn b'ɔ kwla like kwlaa yo'n yɛlɛ min. Wu ba kaka man ɔ osu'n ɔ trɛ ɔ kaci nvle wunmuan kun. I kpa'n ɔ ´kaci nvle sunman. Wɔ anunman sɔ'm be wie ´yo famiɛn.

Bo Bolɛ 43:14

Man Nyanmiɛn b'ɔ kwla like kwlaa yo'n, ɔ `lualua bian sɔ'n nan ɔ `si amun aunnvuɛ ɔ yaci amun niaan'n Simeɔn nin Bɛnzamɛn be nun nan be nin amun bla. N liɛ, min mma'm be yaci-man mín sa filɛ le, n lɛ-man ndɛ.»

Bo Bolɛ 46:3

Yɛ Nyanmiɛn seli kɛ: «Nyanmiɛn'n yɛlɛ min. Ɔ si i Nyanmiɛn'n yɛlɛ min. Nán srɛ kun wɔ Ezipt kɔlɛ nun. Lɔ yɛ n ´yo man ɔ osu'n ´kaci nvle dan-an.

Bo Bolɛ 48:15

Yɛ ɔ yrɛli i nuan klanman mannin Zozɛf-ɔ, ɔ seli kɛ: «Man Nyanmiɛn bɔ min nannan Abraam nin mín si Izaak be suli i'n, Nyanmiɛn b'ɔ niannin min su kɛ bua kankanfuɛ fa niɛn i bua'm be su sa lele yɛ ɔ'a fa ´ju yɛ'n,

Bo Bolɛ 48:3

Kpɛkuun ɔ seli Zozɛf kɛ: «Nyanmiɛn b'ɔ kwla like kwlaa yo'n fiteli min nyrun Liz lɔ, Kanaan mɛn'n nun lɔ, ɔ bo muae klanman mannin min.»

Bo Bolɛ 5:22

Kɛ Enɔk wuli Mɛtisela'n, ɔ dili afuɛ ya nsan ekun. Ɔ nin Nyanmiɛn be nantili klanman. I blɛ sɔ nun'n, ɔ wuli ba yasua wie mun nin ba bla wie mun ekun.

Bo Bolɛ 5:24

Enɔk nin Nyanmiɛn be nantili klanman kpɛkuun b'a wun-mɛn i kun, afin Nyanmiɛn fɛli i .

Bo Bolɛ 6:9

Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

1 Famiɛn Mun 2:4

Kpɛkuun Anannganman ɔ wa yia ndɛ ng'ɔ kan kleli min'n i nuan. Ɔ seli min kɛ: ‹Sɛ ɔ osu nunfuɛ'm be nanti kɛ ɔ fata'n sa'n, sɛ be nian nanwlɛ'n su be nanti'n, sɛ be fa be wla'n kwlaa gua min su'n, yɛ sɛ be akunndan'n kwlaa tran min su'n, ɔ osu'n nun sran su tu-man Izraɛl famiɛn bia'n su le.›

1 Famiɛn Mun 3:6

Salomɔn waan: «Kɛ a ko yo mín si David b'ɔ ti ɔ sufuɛ'n i kpa'n yɛ a yoli-ɔ. Yɛ i kusu ɔ yoli sran nanwlɛfuɛ, i nantilɛ'n yoli sɛsɛ, ɔ'a fɔn-man wɔ atin'n su. Ɔ man a kpɔci-mɛn i, a mɛnnin i ba yasua kun b'ɔ su di i aja kɛ e ´se yɛ'n.

1 Famiɛn Mun 8:25

Anannganman, Izraɛl Nyanmiɛn, yia ndɛ nga a kan kleli min si David b'ɔ ti ɔ sufuɛ'n i nuan. A seli i kɛ: ‹Sɛ ɔ osu nunfuɛ'm be nanti min atin'n su klanman kɛ a fa nantili'n sa'n, sɛ be fa min mmla su kɛ wɔ sa'n, ɔ osu nun sran su tu-man Izraɛl famiɛn bia'n su le.›

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 11:7

?Ɔ kpa'n, a kwla si Nyanmiɛn i bo ndɛ mun? ?Nyanmiɛn b'ɔ kwla like kwlaa yo'n i dan'n i wafa b'ɔ ti'n, a kwla wun i wlɛ?

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Jue Mun 116:9

Asiɛ nga a fa mannin be nga bé nyin o su mun'n kɛ be tran su'n, n tɛ o su ɔ dunman nun ti.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Nyanndra Mun 10:9

Sran nanwlɛfuɛ'n, ɔ o i o lɛ bɔ diin cɛ! Sran nga kusu bɔ i atin'n ti-man ndɛnman su'n, sɛ ɔ fia-a, san wunlɛ cɛ yɛ be ´wun i-ɔ.

Ezai 38:3

ɔ seli i kɛ: «Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Kalɛ 11:23

Anannganman tɛli i su kɛ: «?A bu i kɛ wuun n su kwla-man ndɛ nga n kannin'n i yo? Tran lɛ nian, sɛ nga n kɛn i lɛ'n ɔ ´yo su o, sɛ kusu ɔ su yo-man su o .»

Kalɛ 24:16

Min bɔ Nyanmiɛn kɛn i nuan su ndɛ mun kle min b'ɔ tike aolia nun ninnge'm bé su kle min'n, bɔ kpɛkuun n kwla wun nvialiɛ nun sa mun'n, afin kɛ n su i'n, ɔ yi i wun nglo kle min, ndɛ nga n kan'n yɛ ɔ o yɛ:

Matthieu 19:26

Jésus niannin be nan ɔ'a se be kɛ: «Sa sɔ'n, sran kwlɛ-mɛn i yo, sanngɛ Nyanmiɛn kwla sa'n kwlaa yo .»

Matthieu 5:48

I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Sa nga bé yôli'n 23:1

Pɔl niannin jɔlɛ difuɛ mun siin, yɛ ɔ seli kɛ: «Nja mun, min nzuɛn'n ti kpa Nyanmiɛn nyrun lele yɛ ɔ'a fa ju ndɛ yɛ, ɔ man n klun ti-man min.»

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Efɛzfuɛ Mun 3:20

Kɛ e wun sa nga Nyanmiɛn yo man ye'n, ɔ man e si kɛ ɔ kwla yo sa dan tra like nga e srɛ i kɛ ɔ yo'n i kwlaa, ɔ nin like nga e bu i akunndan'n i kwlaa.

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 18:13

Amun liɛ'n, amun `nanti Anannganman amun Nyanmiɛn'n i atin'n su seiin.

Mmla'n 30:20

Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Hébreu 12:28

I sɔ'n ti, man e yo Nyanmiɛn mo, afin e ´nyan mɛn b'ɔ keje-man'n. Man e su Nyanmiɛn i wafa ng'ɔ jɔ i klun'n srolɛ bɔ e sro i'n nin sran bɔ e bu i'n ti,

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.