Bo Bolɛ 16:4 - NYANMIƐN NDƐ'N 1998

⁴ Abram nin Agar be sili sua, kpɛkuun Agar wunnzɛli. Kɛ b'ɔ ´nian-an ɔ'a wunnzɛ'n ti, siɛn'n, ɔ yo i min bla'n i finfin.

Bo Bolɛ 16:4 ပူးပေါင်းရင်းမြစ်များ

Bo Bolɛ 16:3

Ɔ man Sarai fɛli i Ezipt afanniɛn bla Agar mɛnnin i wun Abram kɛ ɔ fa yo i yi. Kɛ ɔ ´yo sɔ'n, wuun Abram ɔ'a di Kanaan mɛn'n nun lɔ afuɛ blu.

Bo Bolɛ 16:5

Yɛ Sarai seli Abram kɛ: «Fiaan nga be ´yo min lɛ'n, e sran nnyɔn'n yɛ be ´yo e lɛ-ɔ. M bɔbɔ min yɛ n fali min afanniɛn bla'n m mannin wɔ kɛ amun si sua nan ɔ `wunnzɛ-ɔ, kpɛkuun ɔ bu-man min like fi kun. Man Anannganman bɔbɔ di e nin wɔ e sran nnyɔn'n ye afiɛn jɔlɛ.»

Bo Bolɛ 19:31

Yɛ i wa bla kpɛnngbɛn'n seli i sinma'n kɛ: «E si yɛ ɔ'a yo kpɛnngbɛn yɛ, kusu yasua nun-man wa nan ɔ'a ja e kɛ be fa yo i lika'n kwlaa'n sa.

Bo Bolɛ 21:9

Le kun Sara ´nian-an, Agar b'ɔ fin Ezipt'n i wa ng'ɔ nin Abraam be wuli i'n ɔ su to i wa Izaak i mma.

Bo Bolɛ 30:4

Yɛ ɔ fɛli i afanniɛn bla Bila mannin Zakɔb-ɔ. Zakɔb nin i be sili sua,

2 Samiɛl 6:16

Kɛ be ´fa Anannganman i alaka'n ´ju David Klɔ lɛ'n, wuun Sail i wa bla Mikal jin fenɛtri'n nun lɔ, i nyin ta be. Ɔ ´nian-an, famiɛn David yɛ ɔ su si able ´tu kpɛn Anannganman nyrun yɛ, ɔ yoli i tɛ nan ɔ'a yo i finfin.

1 Korɛntfuɛ Mun 4:6

Aniaan mun, kɛ n ´kan ndɛ sɔ'n, m bo min nin Apolɔs e dunman n fa kle amun sa nzɔliɛ, min waan an `nian e liɛ'n su an yo, yɛ ndɛ nga be klɛli'n, an `fa su. Nán an bu i kɛ sran kun ti kpa tra sran kun, bɔ an ´fɛ i di amún nuan-an.