Bo Bolɛ 16:2 - NYANMIƐN NDƐ'N 1998

² Le kun Sarai seli Abram kɛ: «Kɛ bɔ Anannganman man m'an wu-man min ku sɛ nun ba nin-ɔn, kɔ min afanniɛn bla i wun, sɛ ɔ ´wu ba yasua kun man min o.» Abram fali ndɛ nga Sarai kan kleli i'n su.

Bo Bolɛ 16:2 ပူးပေါင်းရင်းမြစ်များ

Bo Bolɛ 11:30

Sarai i klun ti kpan, ɔ wu-man ba.

Bo Bolɛ 17:16

M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»

Bo Bolɛ 18:10

Yɛ be nun kun seli i kɛ: «Afuɛ ng'ɔ ´ba lɔ bikisa'n, m ´ba wa ekun. Kɛ m ´ba'n, wuun ɔ́ yi Sara ɔ'a wu ba yasua kun.» Kɛ ɔ ´yo sɔ'n, wuun Sara o tannin sua'n i anuan'n nun lɛ Abraam i kɔminsin lɔ, kannzu ɔ tili.

Bo Bolɛ 19:31

Yɛ i wa bla kpɛnngbɛn'n seli i sinma'n kɛ: «E si yɛ ɔ'a yo kpɛnngbɛn yɛ, kusu yasua nun-man wa nan ɔ'a ja e kɛ be fa yo i lika'n kwlaa'n sa.

Bo Bolɛ 25:21

Rebeka i klun ti kpan, nan i wun Izaak ɔ'a srɛ Anannganman ɔ'a mɛn i. Anannganman tili i srɛwa'n nan Rebeka ɔ'a wunnzɛ nda nnyɔn.

Bo Bolɛ 3:12

Yasua'n tɛli i su kɛ: «Bla bɔ a fa sieli min wun wa'n, i yɛ ɔ mannin min wie yɛ n dili-ɔ.»

Bo Bolɛ 3:17

Yɛ ɔ seli yasua'n kusu kɛ: «Sa ti bɔ ɔ́ yi i aniɛn liɛ'n yɛ a tili'n, bɔ a dili waka mma nga n seli wɔ kɛ: ‹Nán di'n,› i ti asiɛ'n ´saci. A ´fɛ kpa nan w'a nyan ɔ́ nuan nun aliɛ. Ɔ ´yo sɔ lele yɛ a ´fa wu-ɔ.

Bo Bolɛ 30:22

Kpɛkuun Nyanmiɛn buli Rasɛl i akunndan, ɔ tili i srɛwa'n nan ɔ'a tike i klun'n.

Bo Bolɛ 30:6

Rasɛl seli kɛ: «Nyanmiɛn jin min sin. Ɔ tili min srɛlɛ'n ɔ man ɔ'a man min ba yasua kun.» Nan ɔ'a flɛ i Dan .

Jue Mun 127:3

Aja nga Anannganman fa man awlo kun'n, like ng'ɔ fa cɛ i'n, i ti nin i bo'n yɛlɛ be klun ba .

Ezipt Lɔ Tulɛ'n 21:4

Sɛ i min'n yɛ ɔ mɛnnin i bla'n, sɛ ɔ nin bla'n be wuli ba bla mun annzɛ ba yasua mun'n, bla'n bɔbɔ o, ba mun o, be `ka i min'n i sa nun, yɛ yasua'n i kunngba cenje yɛ ɔ wɔ-ɔ.

Rit I Wun Ndɛ 4:11

Be kwlaa nga be o lɛ'n, nin kpɛnngbɛn'm be ngba be waan: «Ɛɛn! Ɔ yoli e nyrun. Anannganman man bla nga ɔ'a wlu wɔ awlo nun yɛ'n ɔ yo kɛ Rasɛl nin Lea bɔ be nnyɔn'n be takali Izraɛl nvle'n sa. Yo sran dan Efrata nvle'n nun man ɔ dunman'n fu Bɛtleɛm wa .