Bo Bolɛ 13:8 - NYANMIƐN NDƐ'N 1998

⁸ Ɔ man Abram seli Lɔt kɛ: «E nin wɔ e kpaci-man. Ɔ fata-man kɛ ndɛ tran min nin wɔ ye afiɛn, yɛ ɔ fata-man kusu kɛ ndɛ tran min nnɛn kankanfuɛ'm be nin wɔ liɛ'm be afiɛn.

Bo Bolɛ 13:8 ပူးပေါင်းရင်းမြစ်များ

Bo Bolɛ 13:9

Nian, lika'n yɛ ɔ la lɛ-ɔ, man e tran ngunmin-ngunmin. Sɛ bɛ su yɛ a kɔ'n, n ´kɔ n liɛ fama su, sɛ kusu fama su yɛ a kɔ'n, n ´kɔ n liɛ bɛ su.»

Bo Bolɛ 14:14

Kɛ Abram tili i kɛ b'a trɛ i niaan wa'n b'a wɔ'n, ɔ fɛli i sufuɛ nga be wuli be i awlo'n nun'n be nun sran ya nsan nin sran blu-nin-mɔcuɛ. Ɔ wlali bé sa nun alɛ ninnge, yɛ be suli bé su lele be juli Dan.

Bo Bolɛ 45:24

Yɛ ɔ mannin be atin be ɔli-ɔ. Ɔ seli be kɛ: «Nán an kpɛ ndɛ atin'n nun.»

Bo Bolɛ 46:34

an `tɛ su kɛ: ‹Kɛ ɔ fɛ i e kaan nun lele b'ɔ ´fa ju andɛ'n, e ti nnɛn tafuɛ kɛ é si'm be sa.› I liɛ'n kpɛkuun an ´tran Gozɛn mɛn'n nun. Afin Eziptfuɛ'm be nin boli nin bua tafuɛ'm be tran-man likawlɛ, ɔ ti be ciliɛ.»

Jue Mun 133:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Nanwlɛ, kɛ aniaan'm be tran likawlɛ'n i sɔ'n ti kpa, ɔ yo nyɛnmɛn.

Ezipt Lɔ Tulɛ'n 2:13

Kɛ i aliɛ cɛnnin b'ɔ ´kɔ Ebre'm bé wun lɔ ekun'n, ɔ ´nian-an, be nun nnyɔn be su di utre. Ɔ usali sran nga i ndɛ liɛ'n yo-man fɛ'n kɛ: «?Ɔ yo sɛ ti yɛ a bo ɔ niaan nin-ɔn?»

Nyanndra Mun 15:1

Sɛ sran fa ya kan ndɛ tɛ kle wɔ nan a tɛ i su amanniɛn su'n, i ya'n ɔ jɔ. Jɔlɛ tɛ'n ɔ klɔklɔ ya.

Nyanndra Mun 15:18

Sran ng'ɔ fa ya ndɛndɛ'n ɔ klɔklɔ utre. Sran nga kusu bɔ i anwlɛn'n ti wɛtɛɛ'n ɔ tra utre.

Nyanndra Mun 20:3

Sa'n i klanman'n yɛlɛ kɛ sɛ be ´si akplowa'n, yi ɔ́ wun nun, nán si wie. San sinnglinfuɛ'm be kunngba cenje yɛ be fa bé ti be tin nun-ɔn.

Matthieu 5:9

Be nga be ti ndɛ siesiefuɛ'n, be liɛ su ti ye, afin Nyanmiɛn wa flɛ be i mma mun!

Sa nga bé yôli'n 7:26

Kɛ i aliɛ cɛnnin'n, ɔ ´fite be su-ɔ, be ngunmin-ngunmin be nun nnyɔn be su di utre, i waan ɔ ´kpata be. Ɔ seli be kɛ: ‹?An ti niaan, nguɛ ti yɛ an di utre-ɔ?›

Rɔmfuɛ Mun 12:10

An `klo amun wun kpa kɛ sran nin i niaan sa, an `bu amun wiengu sran.

Filipfuɛ Mun 2:14

Like kwlaa nga amun ´yo'n, nán an ijɔ amun konviabo, nán an kaci amún nuan,

1 Tɛsalonikfuɛ Mun 4:9

Amun niaan klolɛ ndɛ liɛ'n, e bo-man wɛ klɛ-man amun i su fluwa, afin Nyanmiɛn bɔbɔ kleli amun kɛ an klo amun wun.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Hébreu 13:1

An `klo amun wun kpa kɛ sran nin i niaan sa tititi.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:17

An `bu sran'm be kwlaa be sran, an `klo amun niaan Kristfuɛ mun, man amún nyin yi Nyanmiɛn, an `bu famiɛn'n i sran.

1 Piɛr 3:8

Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.

1 Piɛr 4:8

Sa ng'ɔ ti dan trɛ i ngba'n yɛlɛ kɛ an `klo amún wun, afin sran ng'ɔ klo sran'n, ɔ yaci sa tɛ kpanngban nga be yo i cɛ .

2 Piɛr 1:7

Kɛ an mantan Nyanmiɛn'n, an `yo amun niaan'm be kpa. Kɛ an yo be kpa'n, an `klo sran.

1 Jean 4:7

N sran kpa mun, man e klo e wun, afin sran klolɛ'n fin Nyanmiɛn. Sran kwlaa ng'ɔ klo sran'n, ɔ ti Nyanmiɛn wa, yɛ ɔ si Nyanmiɛn.

Jɔlɛ Difuɛ Mun 9:26

Ebɛd nin i wa Gaal, ɔ nin i niaan mun be wa trannin Sisɛm lɛ. Sisɛm kpɛnngbɛn'm be wa lafili i su.