Bo Bolɛ 12:3 - NYANMIƐN NDƐ'N 1998

³ Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Bo Bolɛ 12:3 ပူးပေါင်းရင်းမြစ်များ

Bo Bolɛ 18:18

Afin i osu'n ɔ wa trɛ dan yɛ ɔ ´nyan kwlalɛ. Abraam dunman nun yɛ n ´yo asiɛ'n su nvle'm be kwlaa be ye-ɔ.

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Bo Bolɛ 22:18

Mín nuan ndɛ bɔ a fali'n ti, n ´sin wɔ anunman'm be nun n ´yo asiɛ'n su nvle-nvle'm be kwlaa be ye .»

Bo Bolɛ 24:35

Anannganman yoli man min min sɔ'n ɔ'a yo anyanbeunfuɛ. Ɔ mɛnnin i bua nin boli nin nannin, nin sika nin sika ɔkwlɛ, nin sran mun, yasua mun o, bla mun o, nin nyɔnngɔnmɛn mun, ɔ nin aflunmun mun.

Bo Bolɛ 25:11

Kɛ Abraam wuli'n, Nyanmiɛn yoli i wa Izaak i kpa. Izaak trannin Lasai-Rɔi gbo'n wun lɛ.

Bo Bolɛ 26:29

Nan i ti, ta e nda kɛ a su yo-man e tɛ, afin y'a yo-man wɔ tɛ, sa kpa cɛ yɛ e yoli wɔ-ɔ. Kɛ a ´kɔ'n, e yacili ɔ nun a ɔli fɔuun. Yɛ Anannganman kusu ɔ'a man wɔ muae klanman yɛ.»

Bo Bolɛ 26:4

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ.

Bo Bolɛ 27:29

Man nvle wie'm be nunfuɛ'm be su wɔ, man mɛn wie'm be nunfuɛ'm be koto ɔ bo. Sie ɔ niaan mun. Man ɔ́ nin i mma'm be koto ɔ bo. Sran ng'ɔ bo wɔ sannzan'n, man nyrɛnnɛn tɔ i su. Sran ng'ɔ yra wɔ nguan'n, Nyanmiɛn man i wun sa `yo ye.

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 30:27

Laban waan: «Mín sin ninnge'm be waan wɔ ti yɛ Anannganman yo man min ninnge'm be yo ye-ɔ. Ɔ man srɛlɛ yɛ n ´srɛ wɔ-ɔ,

Bo Bolɛ 30:30

Kɛ m ´ba'n, wuun ɔ nnɛn'm be ti kaan sa, yɛ b'a trɛ lɛ-ɔ. Kɛ ɔ fin cɛn bɔ mín ja tiali wɔ awlo wa'n, Anannganman ɔ'a yo ɔ ninnge'm be ye dan. ?Yɛ nan cɛn onin yɛ n ´di junman m man mín yi nin min mma mun-ɔn?»

Bo Bolɛ 39:5

Kɛ Ezipt bian'n yoli sɔ'n, Anannganman kali lɛ yoli i awlo'n kpa Zozɛf ti. Anannganman yoli bian sɔ'n i ye i ninnge'm be kwlaa be nun, i awlo'n nun o, i fie'm be su o.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Ezipt Lɔ Tulɛ'n 23:22

Sɛ amún nyin yi i kpa'n, nan amun yo like nga n se amun kɛ amun yo'n, amun kpɔfuɛ'm be ´yo min kpɔfuɛ wie, yɛ e nin be nga be nin amun be kun alɛ'n e ´kun.

Kalɛ 24:9

Be ti kɛ asɔmɔli mun sa, be koto, kpɛkuun b'a la. ?Wan yɛ ɔ kwla mian be kɛ be jaso-ɔ? Izraɛlfuɛ mun, man sran ng'ɔ yra amun nguan'n ɔ nyan muae klanman, yɛ sran ng'ɔ bo amun sannzan'n, man nyrɛnnɛn tɔ i su .› »

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Rɔmfuɛ Mun 4:11

Nyanmiɛn dun mmua buli i sran kpa i su b'ɔ lafi'n ti, i sin yɛ be wlɛli i klɛn-ɔn. Ɔ fa klɛn wlalɛ sɔ'n sieli Abraam nzɔliɛ b'ɔ ti like nga ɔ'a dun mmua yo i'n i lalofuɛ. Be kwlaa nga kannzɛ b'a wla-man be klɛn'n, ɔ bu be kusu be sran kpa wie'n, i su bɔ be lafi'n ti'n, ɔ yoli sɔ nan Abraam yo bé si.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

Galasifuɛ Mun 3:16

Nyanmiɛn seli Abraam kɛ ɔ ´yo like wie mɛn i nin i osufuɛ kun. Ɔ'a se-mɛn i kɛ ɔ ´yo mɛn i nin i osufuɛ mun. Nán sran kpanngban ndɛ yɛ ɔ kan-an, sanngɛ kɛ ɔ se kɛ ɔ nin wɔ osufuɛ kun, ɔ kan sran kun ndɛ. Sran sɔ'n yɛlɛ Krist .

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Galasifuɛ Mun 3:8

Yɛ be boli su Nyanmiɛn Ndɛ nga be klɛli'n nun kɛ cɛn wie be nga be ti-man Zuif bɔ be lafi Nyanmiɛn su'n, ɔ ´bu be sran kpa, ɔ man ɔ boli ndɛ fɛ sɔ'n su kleli Abraam, ɔ seli i kɛ: «Ɔ ti'n, n ´yo nvle-nvle'm be kwlaa be nunfuɛ'm be ye .»

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.