Bo Bolɛ 11:7 - NYANMIƐN NDƐ'N 1998

⁷ Ɔ man e `wɔ e ko sanngan be aniɛn'n nun, nan nán be ti be wun aniɛn kun.»

Bo Bolɛ 11:7 ပူးပေါင်းရင်းမြစ်များ

Bo Bolɛ 1:26

Yɛ Nyanmiɛn seli kɛ: «E `yi sran kɛ e bɔbɔ sa cɛ, man ɔ fa e, man ɔ sie jenvie'n nun jue mun nin anunman nga be tu sin'n, nin klɔ nnɛn mun, nin asiɛ'n su nnɛn'm be kwlaa, ɔ nin nnɛn nga be cuɛn be wun ase'n mun .»

Bo Bolɛ 10:20

Kam i bo mma mun yɛ be o lɛ-ɔ. Be trannin akpasua-akpasua nin nvle-nvle bé mɛn'm be nun sɛsɛsɛ.

Bo Bolɛ 10:32

Noe i mma'm be akpasua-akpasua'n kɛ be afiliɛ nin be nvle'n be ti'n yɛ ɔ o lɛ-ɔ. Kɛ anannganman su nzue'n tɔ sinnin'n, nvle-nvle nga b'a trɛ asiɛ'n su yɛ'n, be fin be .

Bo Bolɛ 10:5

Be bo mma mun yɛ be ko trannin mɛn nga be o jenvie'n nuan'm be nun nin-ɔn. Kɛ be ´tran'n, be trantrannin nvle-nvle nin akpasua-akpasua.

Bo Bolɛ 11:5

Anannganman fin nglo lɔ jra niannin klɔ nin sua sɔ'n bɔ sran'm be su kplan'n.

Bo Bolɛ 3:22

Anannganman Nyanmiɛn seli kɛ: «Sran yɛ ɔ'a yo kɛ e sa yɛ afin ɔ si sa tɛ'n nin sa kpa'n. Nán e mɛn i atin kɛ ɔ ti nguan waka'n i mma'n wie di, ɔ yo sɔ-ɔ, ɔ ko tran nguan nun titi .»

Bo Bolɛ 42:23

Be si-man kɛ Zozɛf ti, afin sɛ ɔ ´kan ndɛ kle be'n, ɔ fa sran yɛ ɔ ijɔ i nuan-an.

Zɔb I Nyrɛnnɛn Wunlɛ 12:20

Be bɔ be si ijɔ kpa'n, ɔ yo man be si-man ijɔ kun. Ɔ de be bɔ bé ti ɔ'a bo je'n be ngwlɛlɛ'n bé sa nun.

Jue Mun 2:4

Kɛ be kɛn i sɔ'n, ɔ kle Anannganman i srilɛ. Ɔ o nyanmiɛn su lɔ ɔ to be mma.

Jue Mun 33:10

Anannganman saci nvle-nvlefuɛ'm bé sa nga be jaja mun. Be ninnge nga be bu be akunndan sie kɛ be ´yo'n, ɔ bu i bue.

Jue Mun 55:9

wuun n ´nyan aunngban dan b'ɔ ´fita'n i wun fiawlɛ kun icra'n.

Ezipt Lɔ Tulɛ'n 4:11

Anannganman usɛli i kɛ: «?Wan yɛ ɔ man sran'n i nuan kpa nin-ɔn? ?Wan yɛ ɔ yo man sran yo bobofuɛ annzɛ sutrefuɛ nin-ɔn? ?Wan yɛ ɔ yo man sran wun ase annzɛ ɔ yo anyansifuɛ nin-ɔn? ?Nán m bɔbɔ min Anannganman nin-ɔn?

Ezai 33:19

Amun su wun-man sran'm bɔ be sro-man sa'n be kun, bɔ be kan ndɛ-ɔ sran ti-man'n, bɔ be aniɛn'n fa-man aniɛn'n, bɔ i ti be kan-an sran ti-man'n.

Ezai 6:8

N tili Anannganman i aniɛn'n, ɔ usali kɛ: «?Wan yɛ n ´sunmɛn i-ɔ? ?Yɛ wan yɛ ɔ ´dun mmua e nyrun-ɔn? ?Wan yɛ ɔ ´ijɔ e nuan-an?» Nan m'an tɛ su kɛ: «Min-ɔn, sunman min.»

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

1 Korɛntfuɛ Mun 14:23

?I sɔ'n ti'n, sɛ asɔnunfuɛ'm be kwlaa be yia lika kun'n, bɔ sran'm be kwlaa be ijɔ aniɛn wie mun'n, sɛ sran bɔ be wun-man sa sɔ'n i wlɛ'n annzɛ sɛ sran bɔ be ti-man Kristfuɛ'n be ba anyia sɔ'n i bo'n, be se-man kɛ amún ti a saci?

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.