Bo Bolɛ 10:5 - NYANMIƐN NDƐ'N 1998

⁵ Be bo mma mun yɛ be ko trannin mɛn nga be o jenvie'n nuan'm be nun nin-ɔn. Kɛ be ´tran'n, be trantrannin nvle-nvle nin akpasua-akpasua.

Bo Bolɛ 10:5 ပူးပေါင်းရင်းမြစ်များ

Bo Bolɛ 10:20

Kam i bo mma mun yɛ be o lɛ-ɔ. Be trannin akpasua-akpasua nin nvle-nvle bé mɛn'm be nun sɛsɛsɛ.

Bo Bolɛ 10:25

Ebɛr wuli ba yasua nnyɔn: be flɛ kun Pelɛg (nun titilɛ). Sa ti bɔ be flɛ i sɔ'n yɛlɛ kɛ i blɛ su yɛ asiɛ'n sufuɛ'm be titili nun-ɔn. I niaan'n suan Zɔktan.

Bo Bolɛ 10:32

Noe i mma'm be akpasua-akpasua'n kɛ be afiliɛ nin be nvle'n be ti'n yɛ ɔ o lɛ-ɔ. Kɛ anannganman su nzue'n tɔ sinnin'n, nvle-nvle nga b'a trɛ asiɛ'n su yɛ'n, be fin be .

Bo Bolɛ 10:4

Zavan wuli Elisa, nin Tarsis, nin Kitim yɛ Dɔdanim.

Bo Bolɛ 10:6

Kam wuli Kis, nin Mizraim, nin Pit yɛ Kanaan.

Bo Bolɛ 9:19

Noe i mma nsan mun be osufuɛ mun yɛ be wa trɛli asiɛ wunmuan'n su-ɔ.

Ɛstɛr 10:1

Famiɛn Asieris man i nvlefuɛ nga be tran jenvie nuan'n nin be nga be o i asiɛ wunmuan'n su'n be dili plɔtrɔ junman.

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 24:15

Amun `manman Anannganman wia afiliɛ lika'm be nun. Amun `manman Anannganman b'ɔ ti Izraɛl Nyanmiɛn'n lika nga be o jenvie'n i nuan'n be nun.

Ezai 40:15

Be `nian, nvle-nvle'm be nunfuɛ'm be kwlaa be ti kɛ nzue b'ɔ fin so kun nun kpɛn kpɔ'n sa. Be ti kɛ ndutre kan yɛ ɔ o toe'n su sa. Be `nian, lika nga be o jenvie nuan'n be ti kɛ ndutre kan b'ɔ jaso'n sa.

Ezai 41:5

Be nga be tran jenvie nuan mmua mmua lɔ'n, be wun i, yɛ srɛ kun be. Be nga be wo asiɛ'n i awieliɛ lɔ'n, be ba, be wunnge wa ɔ nin usulɛ.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 59:18

Kɛ sran kun i nyoliɛ'n ti ju'n, ɔ ´mɛn i nuan like, ɔ ´fa ya yɛ ɔ nin be nga be nun-mɛn i sin'n be ´yia nun. Like ng'ɔ nin i kpɔfuɛ mun fata'n, ɔ ´fa man be. Be nga be tran jenvie nuan mmua mmua lɔ'n, ɔ man be kusu be like liɛ'n ng'ɔ nin be fata'n.

Ezai 60:9

Be nga be tran jenvie'n nuan mmua mmua lɔ'n, bɔ be lafi min su'n, be yɛ be ba-a. Tarsis lɔ mmeli'm be dun mmua be nyrun, be sua ɔ mma bɔ be o mmua mmua lɔ'n mun ba. Be jɛtɛ ufue'n nin be sika ɔkwlɛ'n wo mmeli sɔ'm be nun wie. Be ba Anannganman ɔ Nyanmiɛn'n i manmanlɛ, afin ɔ yo man a nyan nyrun.

Zeremi 2:10

An `wɔ Kitimfuɛ'm bɔ be tran nzue'n i afiɛn lɔ'n bé wun nian. An `sunman sran Kedar lɔ man be ko usa-usa lɔ be nian sɛ sa kɛ nga sa ɔ'a yo lɔ le'n.

Zeremi 25:22

N fa mannin Tir famiɛn mun, nin Sidɔnfuɛ'm be famiɛn mun, ɔ nin mɛn nga be o jenvie'n i bue kun lɔ'n be famiɛn mun.

Ezekiɛl 26:15

Anannganman Nyanmiɛn seli Tir kɛ: «Be nga be tran nzue nuan mmua-mmua lɔ'n, kɛ be ´ti kɛ w'a saci nan sran kpanngban kpa bɔ like yoli be'n be kplin klɔ'n i afiɛn'n, be ´usu.

Ezekiɛl 26:18

Siɛn'n be nga be tran jenvie'n nuan'n, be su usu i nunnunlɛ bɔ ɔ'a nunnun'n ti. Be nga be tran jenvie nuan mmua mmua lɔ'n i nunnunlɛ'n ndɛ'n ti, be wawɛ'n ɔ'a wanndi bé wun .› »

Daniɛl 11:18

I sin ɔ wa kpɛ i nyin lika nga be o jenvie'n i afiɛn lɔ'm be su. Ɔ wa kwla be nun kpanngban kpa, sanngɛ sonja'm be kpɛnngbɛn kun wa bu i bue, yɛ nzowa ng'ɔ kpɛli'n, be wa tannin i kalɛ be ´mɛn i.

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Mmla'n 32:8

Kɛ Nyanmiɛn b'ɔ o like kwlakwla ti su'n ɔ cɛcɛli asiɛ'n nun mannin nvle-nvle mun'n, ɔ klekleli be awɛ mun tɔuun . Ɔ niannin Izraɛlfuɛ'm be nuan'n su yɛ ɔ fa cɛcɛli be-ɔ.