Bo Bolɛ 1:6 - NYANMIƐN NDƐ'N 1998

⁶ Yɛ Nyanmiɛn seli ekun kɛ: «Man nzue nnyɔn'm be afiɛn'n ti nun.»

Bo Bolɛ 1:6 ပူးပေါင်းရင်းမြစ်များ

Bo Bolɛ 1:14

Yɛ Nyanmiɛn'n seli kɛ: «Man like wie'm be tran nglo lɔ be kpaja nan ngbaciɛ tran wia nun'n nin kɔnguɛ'n be afiɛn. Man like sɔ'm be yo cɛn ɔ nin blɛ, ɔ nin afuɛ'm be nzɔliɛ.

Bo Bolɛ 1:20

Nyanmiɛn'n seli kɛ: «Man nnɛn nin jue kpanngban kpa be wlan sin nzue'n nun. Yɛ man anunman'm be tu nglo lɔ sin asiɛ'n su.»

Zɔb I Nyrɛnnɛn Wunlɛ 26:13

Kɛ i nuan nun aunngban'n fita sa'n, nyanmiɛn'n su yo sɔ weiin! Ɔ wɔli wuo b'ɔ su wanndi'n i like boli nun i bue kun lɔ .

Zɔb I Nyrɛnnɛn Wunlɛ 37:11

Nyanmiɛn man nzue'n i kpukpuwa b'ɔ ti flɔlɔ'n ɔ yi nyanmiɛn ble'n. Kpɛkuun ɔ man nyanmiɛn ble'n nin nyanmiɛn'n i sin b'ɔ kpa'n, be bo sanndi lika'n nun sɛsɛsɛ.

Zɔb I Nyrɛnnɛn Wunlɛ 37:18

kɛ Nyanmiɛn ɔ ´yi nglo lɔ lika'n a ukɛli i? Ɔ yoli i kekleke kɛ niannun bɔ b'a fa wlɛ i blalɛ wie nun'n sa.

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 148:4

Nyanmiɛn'n b'ɔ la nglo lɔ plaii'n, i nglo mmua kpa lɔ lika mun, amun `mɛnmɛn i. Nzue bɔ amun o nyanmiɛn'n b'ɔ la nglo lɔ plaii'n, i ti su nglo lɔ'n, an `mɛnmɛn i.

Jue Mun 150:1

An `manman Anannganman! An `manman Nyanmiɛn i bɔbɔ i sua'n nun! An `mɛnmɛn i nyanmiɛn su lɔ kan ɔ yi i kwlalɛ b'ɔ kwla'n i nglo lɔ'n!

Jue Mun 19:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 19:2

Kɛ a nian nyanmiɛn'n b'ɔ la nglo lɔ plaii'n, a wun Nyanmiɛn Kpli'n i nyrun b'ɔ lɛ i'n. Kɛ a nian nyanmiɛn'n b'ɔ la nglo lɔ plaii'n, a wun ninnge nga Nyanmiɛn yili be'n .

Jue Mun 33:6

Anannganman i nuan nun ndɛ'n yɛ ɔ fa yili nyanmiɛn b'ɔ la nglo lɔ plaii nin-ɔn. I nuan b'ɔ ukeli i sa'n, kpɛkuun nzraama'm be fiteli .

Jue Mun 33:9

Afin ndɛ kwlaa ng'ɔ kan'n, san i su sa'n ɔ ´yo. Kɛ ɔ ko fin i nuan ko se kɛ man like sa yo'n, kpɛkuun like sɔ'n ɔ ka lɛ yo.

Akunndanfuɛ'n 11:3

Kɛ nzue'n ko mlan'n, wuun ɔ su tɔ asiɛ'n su. Sɛ waka kun tɔli mɛn'n i ngua lɔ annzɛ nglo lɔ'n, kan ɔ tɔli lɛ'n, ɔ kɛ i osu'n nun lɛ.

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 51:15

I kwlalɛ b'ɔ kwla'n man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

2 Piɛr 3:5

Sa kun o lɛ bɔ be klo-man kɛ be bu i akunndan. Sa sɔ'n yɛlɛ kɛ lalafuɛ nun kɛ Nyanmiɛn kannin ndɛ kun'n, kpɛkuun asiɛ'n nin nyanmiɛn su lɔ'n be trannin lɛ. Asiɛ'n fin nzue'n nun yɛ ɔ fiteli-ɔ, ɔ o nzue i afiɛn.