Bo Bolɛ 1:16 - NYANMIƐN NDƐ'N 1998

¹⁶ Nyanmiɛn yili like sɔ'n dandan nnyɔn. Dan kpafuɛ'n wo lɛ wia nun. Kaan'n kusu o lɛ kɔnguɛ. Kpɛkuun ɔ yili nzraama mun.

Bo Bolɛ 1:16 ပူးပေါင်းရင်းမြစ်များ

Bo Bolɛ 1:15

Man like sɔ'm bɔ be o nglo lɔ'n be kpaja asiɛ'n su.» Ndɛ ng'ɔ kannin'n yoli su.

Zɔb I Nyrɛnnɛn Wunlɛ 31:26

Kɛ n ´wun kɛ wia'n ɔ kpaja klanman'n, annzɛ kɛ n ´wun kɛ anglo'n i nantilɛ'n ɔ yo nyɛnmɛn'n,

Zɔb I Nyrɛnnɛn Wunlɛ 38:7

blɛ bɔ aliɛ njɛnniɛn su nzraama'm be ´to kwlalɛ jue likawlɛ'n, bɔ min anz'm be ´kpan aklunjuɛ kpanlɛ nin-ɔn?

Jue Mun 148:3

Wia nin anglo'n, amun `mɛnmɛn i. Nzraama bɔ amun kpaja'n, amun kwlaa an `mɛnmɛn i.

Jue Mun 148:5

Man ninnge sɔ'm be manman Anannganman, afin ɔ fɛli i nuan nun ndɛ'n yɛ ɔ fa yili be-ɔ.

Jue Mun 19:6

Nglɛmun kɛ ɔ fin lɔ ɔ ´ba sa'n, i like b'ɔ fɛ i'n, yɛlɛ yasua bɔ ɔ'a ja bla uflɛ bɔ ɔ'a fin i atɔnvlɛ sua'n nun ɔ'a fite'n. Ɔ ti kɛ sran yakpafuɛ bɔ i klun ɔ'a jɔ kpa bɔ ɔ'a fɛ i atin'n sa.

Jue Mun 74:16

Wia'n nun nin kɔnguɛ'n be ti wɔ liɛ, afin wɔ yɛ a yili anglo nin wia nin-ɔn.

Jue Mun 8:3

A fa ba kanngan mun nin ba nɔnman'm be nɛn'n yɛ a fa yi ɔ́ wun nglo nyannyannyan-an. A yo man ɔ kpɔfuɛ'm bé nyin gua ase, kpɛkuun be nin be nga be waan be ´tu be klunngbɔ'n be kwla-man bé wun keje kun mlɔnmlɔn .

Ezai 13:10

Nglo lɔ nzraama'm be su kpaja-man kun. Kɛ wia'n ɔ fite cɛ'n, kpɛkuun ɔ'a nuan, yɛ anglo'n ɔ su ta-man kun .

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 45:7

N yi lika b'ɔ kpaja weiin'n, yɛ n yi aosin tuun'n. N yo man sran'm bé wun jɔ be fɔuun, yɛ n kunngba'n n yo man nyrɛnnɛn'n ɔ ba be su. M bɔbɔ min Anannganman, min yɛ n yo ninnge sɔ'm be kwlakwla-a.

Zeremi 31:35

Anannganman'n wan yoo: «?Wan yɛ ɔ yili wia'n kɛ ɔ `kpaja lika'n nun nin-ɔn? ?Wan yɛ ɔ sieli kɛ anglo nin nzraama'm be `ta kɔnguɛ nin-ɔn? ?Wan yɛ man jenvie nzue'n jaso b'ɔ bo nin-ɔn? Anannganman b'ɔ sie mɛn wunmuan nin-ɔn. Kɛ ɔ suan sɔ-ɔ.»

Abakik 3:11

Kɛ ɔ ta mma'm bɔ a to be'n be ´kɔ bɔ be ´kpa sin'n, bɔ wuun ɔ cua'm be ´bo mianmian be ´kɔ'n, kpɛkuun bi, wia nin anglo'n b'a jran .

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Matthieu 27:45

Kɛ wia'n jrannin'n, aosin'n wlali mɛn wunmuan'n nun lele fa juli nnɔsua wia nun.

1 Korɛntfuɛ Mun 15:41

Wia'n i klanman'n ti ngunmin, anglo'n i klanman'n ti ngunmin, yɛ nzraama'm be kusu be klanman'n ti ngunmin, kun nin kun be klanman'n ti-man kun.

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .