Bo Bolɛ 1:12 - NYANMIƐN NDƐ'N 1998

¹² Nnya-nnya mun nin waka'm be fin asiɛ'n nun be fifili. Nnya-nnya'm be kwlaa nga be fifi'n be lɛ be mma sɛsɛsɛ. Waka'm be kwlaa nga be fifi'n be mma'm be lɛ be klun mma sɛsɛsɛ. Nyanmiɛn wunnin kɛ i sɔ'n ti kpa.

Bo Bolɛ 1:12 ပူးပေါင်းရင်းမြစ်များ

Bo Bolɛ 1:11

Yɛ Nyanmiɛn seli kɛ: «Man nnya-nnya mun nin waka'm be fifi asiɛ'n su. Man nnya-nnya sɔ'm be su mma. Man be mma'n kwla fifi yɛ man waka wafa-wafa kwlaa be kusu be su mma sɛsɛsɛ yɛ man be mma sɔ'm be kwlaa be nyan be klun ba liɛ b'ɔ kwla fifi.» Ndɛ ng'ɔ kannin'n yoli su.

Bo Bolɛ 1:13

Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsan su'n yɛ ɔ o lɛ-ɔ.

Jue Mun 104:14

Wɔ yɛ man ijre nga klɔ nnɛn'm be ko didi'n ɔ fu-ɔ. Ɔ kunngba'n wɔ yɛ man ninnge nga sran'm be ta'n be fɛfɛ-ɔ. Wɔ man be nyan ninnge be fie'm be su di.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Marc 4:28

Asiɛ'n bɔbɔ yo i kpa, ɔ fifi, i sin ɔ wlɔ, kpɛkuun ɔ nɔn nzue kpa.

JÉSUS-CHRIST I DYASIN FE'N BO LUC KLELI'N 6:44

Afin kɛ waka kun ti'n, yɛ i mma'n ti-ɔ. Be ti-man figie mma owie-owie nun yɛ be ti-man vinyi mma flɔn su.

2 Korɛntfuɛ Mun 9:10

Nyanmiɛn b'ɔ man awie guafuɛ'n i awie b'ɔ gua'n, b'ɔ man sran nuan nun aliɛ'n , i kunngba'n ɔ ´man amun like nga amun ´fa yo aklunye'n, ɔ man ɔ ´yo kpanngban, yɛ amun agualiɛ'n ɔ ´gua amun kpa.

Galasifuɛ Mun 6:7

Nán an laka amun wun. Be kwla yo-man Nyanmiɛn finfin, afin like nga sran kun lua'n yɛ ɔ ti-ɔ.

Hébreu 6:7

Afin lika nga nzue ta lɛ tɔ'n, b'ɔ yo like nga be yo i su'n i ye'n, b'ɔ man be nga be yo like sɔ'n be nyan wie'n, Nyanmiɛn man lika sɔ'n yo ye kpa.