Bo Bolɛ 1:1 - NYANMIƐN NDƐ'N 1998

¹ Kɛ mɛn'n bo i bo'n, Nyanmiɛn yili nglo nin asiɛ'n .

Bo Bolɛ 1:1 ပူးပေါင်းရင်းမြစ်များ

2 Famiɛn Mun 19:15

I sin Ezekias srɛli Anannganman seli kɛ: «Anannganman, Izraɛl Nyanmiɛn, wɔ yɛ a ti anz'm be su kpɛn nin-ɔn. Wɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

1 Be Nyoliɛ 16:26

afin mɛn'n nunfuɛ'm be amuɛn'm be ti ato ninnge mun. Anannganman yɛ ɔ yili nglo lɔ nin-ɔn.

2 Be Nyoliɛ 2:11

N la Anannganman b'ɔ ti Izraɛl Nyanmiɛn'n, b'ɔ yili nglo nin asiɛ'n i ase, afin ɔ man famiɛn David wuli ba kun b'ɔ lɛ akunndan, b'ɔ si ngwlɛlɛ, b'ɔ si sa, b'ɔ wa kplan sua kun man Anannganman, b'ɔ wa kplɛn i bɔbɔ i famiɛn sua kun.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Zɔb I Nyrɛnnɛn Wunlɛ 26:13

Kɛ i nuan nun aunngban'n fita sa'n, nyanmiɛn'n su yo sɔ weiin! Ɔ wɔli wuo b'ɔ su wanndi'n i like boli nun i bue kun lɔ .

Zɔb I Nyrɛnnɛn Wunlɛ 38:4

?Blɛ nga bɔ n ´wla asiɛ'n i bo ase'n, wuun a o nin? Sɛ a ´wun i nanwlɛ'n kan-an, kan kle min man n nian.

Zɔb I Nyrɛnnɛn Wunlɛ 9:8

I ngunmin yɛ ɔ fali nyanmiɛn'n ɔ sɛli i nglo lɔ kɛ bɛ sa-a. Ɔ nanti jenvie'n i nzue ng'ɔ jaso nglo kendengleiin'n su.

Jue Mun 102:25

I osu ti n seli kɛ: «Min Nyanmiɛn, wɔ bɔ nán ndɛ sa yɛ a o lɛ'n, nán yo man n wu min gbanflɛn nun.»

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Jue Mun 104:30

Sɛ a fa be wunmiɛn sɔ'n man be ekun'n, kpɛkuun b'a sa bé sin be osu'n nun, yɛ a kaci asiɛ'n su ninnge'm be uflɛ.

Jue Mun 115:15

Man Anannganman b'ɔ yili nyanmiɛn'n b'ɔ la nglo lɔ plaii'n nin asiɛ'n, ɔ yo amun wun sa ye.

Jue Mun 121:2

N tɛ su kɛ: Min ukalɛ'n ɔ fin Anannganman b'ɔ yili nyanmiɛn b'ɔ la nglo lɔ plaii'n nin asiɛ'n.

Jue Mun 124:8

E ukalɛ'n ɔ fin Anannganman b'ɔ yili nglo lɔ nin asiɛ'n.

Jue Mun 134:3

Man Anannganman b'ɔ tran Siɔn lɔ'n, b'ɔ boli nyanmiɛn'n b'ɔ la nglo lɔ plaii'n nin asiɛ'n ɔ yo ɔ liɛ ye!

Jue Mun 136:5

I yɛ i ngwlɛlɛ'n ti ɔ yili nyanmiɛn'n b'ɔ la nglo lɔ plaii nin-ɔn, afin i klun-ufue'n wo lɛ tititi.

Jue Mun 146:6

Anannganman yɛ ɔ boli nyanmiɛn'n b'ɔ la nglo lɔ plaii'n nin asiɛ nin-ɔn. Jenvie'n nin i nun ninnge'n kwlaa i yɛ ɔ yili be-ɔ. Ɔ di nanwlɛ tititi.

Jue Mun 33:6

Anannganman i nuan nun ndɛ'n yɛ ɔ fa yili nyanmiɛn b'ɔ la nglo lɔ plaii nin-ɔn. I nuan b'ɔ ukeli i sa'n, kpɛkuun nzraama'm be fiteli .

Jue Mun 33:9

Afin ndɛ kwlaa ng'ɔ kan'n, san i su sa'n ɔ ´yo. Kɛ ɔ ko fin i nuan ko se kɛ man like sa yo'n, kpɛkuun like sɔ'n ɔ ka lɛ yo.

Jue Mun 8:3

A fa ba kanngan mun nin ba nɔnman'm be nɛn'n yɛ a fa yi ɔ́ wun nglo nyannyannyan-an. A yo man ɔ kpɔfuɛ'm bé nyin gua ase, kpɛkuun be nin be nga be waan be ´tu be klunngbɔ'n be kwla-man bé wun keje kun mlɔnmlɔn .

Jue Mun 8:4

Kɛ n nian nglo lɔ ninnge bɔ a yili be'n, kɛ n nian anglo nin nzraama bɔ a sieli be lɔ'n,

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Jue Mun 96:5

Afin nvle-nvlefuɛ'm be amuɛn'm be ti ato ninnge mun. Anannganman yɛ ɔ yili nglo lɔ nin-ɔn.

Ezipt Lɔ Tulɛ'n 20:11

Afin n fali cɛn ba nsiɛn yɛ n fa yili nglo'n, nin asiɛ'n, nin jenvie'n, ɔ nin ninnge nga be o lɛ'n be kwlaa-a, kpɛkuun cɛn ba nso'n su fuɛ'n, n fa deli wunmiɛn. I sɔ'n ti yɛ m bɔbɔ min Anannganman n yrali min nuan klanman kɛ cɛn sɔ'n `yo kpa, yɛ n klo kɛ ɔ `yo min liɛ klonglo nin-ɔn.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Nyanndra Mun 16:4

Kɛ Anannganman ´yo like kun sa'n ɔ lɛ bo. Klunwifuɛ mun bɔbɔ, jɔlɛ dilɛ cɛn'n nun b'ɔ ´kle be nun'n, ɔ bu i akunndan sie.

Nyanndra Mun 3:19

Akunndan'n yɛ Anannganman fa yili asiɛ nin-ɔn. Ngwlɛlɛ'n yɛ ɔ fa yoli nyanmiɛn su lɔ nin-ɔn .

Akunndanfuɛ'n 12:1

Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Ezai 37:16

«Anannganman b'ɔ sie mɛn wunmuan'n, Izraɛl Nyanmiɛn, wɔ yɛ a ti anz nga be nian ɔ ninnge'm be su'n be su kpɛn nin-ɔn. Ɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

Ezai 40:21

?Amun si-man sɔ? ?B'a kan kle-man amun? ?B'a se-man amun i bobolɛ'n nun? ?Amu'an wun-man mɛn'n i bo ase wlalɛ'n i wun ndɛ'n i wlɛ ?

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 40:28

?Amun si-man sɔ? ?B'a kan kle-man amun? Anannganman Nyanmiɛn b'ɔ ti adudua'n yɛ ɔ yili asiɛ'n kɛ ɔ fɛ i bue kun su lele fa ju i bue kun su lɔ nin-ɔn. I wunmiɛn'n wie-man, ɔ fɛ-man. Be kwla wun-mɛn i ngwlɛlɛ'n i bo.

Ezai 42:5

Sran ng'ɔ yili nyanmiɛn'n b'ɔ la nglo lɔ plaii'n, b'ɔ tinngɛli nun kɛ bɛ sa'n, b'ɔ yili asiɛ'n nin i su ijre, nin waka mun'n, b'ɔ mannin i su sran'm be nguan'n, b'ɔ mannin i su sran'm be wunmiɛn'n, Nyanmiɛn b'ɔ ti Anannganman'n, ɔ kan kle sran ng'ɔ kpɛli i'n kɛ:

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 51:13

Anannganman b'ɔ yili amun'n, b'ɔ tinngɛli nglo lɔ ng'ɔ la plaii'n nun kɛ bɛ sa'n, b'ɔ wlali asiɛ'n i bo ase'n, amún wla fi i su. Cɛn kwlaa amun usu, srɛ b'ɔ kun amun be nga be tin amun su'n be ya bɔ be fa'n ti, ɔ waan be su wa nunnun amun sa! ?Sanngɛ be ya sɔ'n bɔ be fa'n, ɔ yo nzu ye?

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Zeremi 10:12

I kwlalɛ b'ɔ kwla'n ɔ man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zeremi 51:15

I kwlalɛ b'ɔ kwla'n man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

Marc 13:19

Afin blɛ sɔ'n wa yo nyrɛnnɛn blɛ kun bɔ kɛ ɔ fin lalaa bɔ Nyanmiɛn yili mɛn'n lele b'ɔ ´fa ju ndɛ'n, i wunsu nian yo-man le, yɛ i wunsu su yo-man kun le .

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Sa nga bé yôli'n 4:24

Kɛ be tili'n, be kwlaa be mannin be nɛn'n su be seli Nyanmiɛn kɛ: «E Si, ɔ bɔ a yili nglo nin asiɛ'n, nin jenvie'n, ɔ nin ninnge'n kwlaa bɔ be o lɛ'n ,

Rɔmfuɛ Mun 11:36

Ninnge nga be o lɛ'n, be kwlaa be fin i, i yɛ man be o lɛ-ɔ, yɛ i dunman nun yɛ be o lɛ-ɔ. Man e yi i ayɛ tititi. Man ɔ yo sɔ!

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Hébreu 1:10

Yɛ ɔ kɛnnin i ekun kɛ: «Nannan, kɛ ɔ fin lalafuɛ nun'n, wɔ yɛ a yili asiɛ nin-ɔn, yɛ ɔ sa nuan like yɛlɛ nyanmiɛn b'ɔ la nglo lɔ plaii.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.

Hébreu 3:4

Afin sua nga be o lɛ'n, sran yɛ ɔ kplannin be kwlaa-a, sanngɛ Nyanmiɛn yɛ ɔ yili ninnge'n kwlaa-a.

2 Piɛr 3:5

Sa kun o lɛ bɔ be klo-man kɛ be bu i akunndan. Sa sɔ'n yɛlɛ kɛ lalafuɛ nun kɛ Nyanmiɛn kannin ndɛ kun'n, kpɛkuun asiɛ'n nin nyanmiɛn su lɔ'n be trannin lɛ. Asiɛ'n fin nzue'n nun yɛ ɔ fiteli-ɔ, ɔ o nzue i afiɛn.

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

Sa nglô yile 10:6

Ɔ seli kɛ: «N kan Nyanmiɛn b'ɔ ti anannganman'n, b'ɔ yili nyanmiɛn su lɔ'n nin ninnge nga be o lɔ'n be kwlaa, nin asiɛ'n nin ninnge nga be o su'n be kwlaa'n, nin jenvie'n nin ninnge nga be o nun'n be kwlaa'n, kɛ sɛ be minndɛ ekun'n, wuun nán min-ɔn!»

Sa nglô yile 14:7

Ɔ kpan se kɛ: «Man amún nyin yi Nyanmiɛn, an `mɛnmɛn i, afin sran'm be ndɛ bulɛ blɛ'n ɔ'a ju. I b'ɔ yili nyanmiɛn su lɔ'n, nin asiɛ'n, nin jenvie'n, ɔ nin nzue ti mun'n, an ´koto i bo!»

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:13

N ti Alfa nin Omega, n ti like'n kwlaa i klikli nin i awieliɛ, yɛ n ti sa'n kwlaa i bo bofuɛ nin i bo guafuɛ .

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :

Sa nglô yile 4:11

«E Min Nyanmiɛn, kɛ be ´yi wɔ ayɛ be ´manman wɔ bɔ be se kɛ a kwla sa'n kwlaa yo'n i su-ɔ, afin wɔ yɛ a yili like'n kwlaa-a, a klo kɛ a ´yi be ti yɛ a yili be-ɔ, yɛ ɔ ti yɛ be o lɛ-ɔ .»