Amɔs 9:7 - NYANMIƐN NDƐ'N 1998

⁷ «?Izraɛlfuɛ mun, an bu amun klun lɔ kɛ min waan amun kpa tra Etiopifuɛ mun? Nán wafa kunngba nga n fali amun Ezipt lɔ m bali'n, yɛ n fali Filistifuɛ mun Kaftɔr lɔ m bali-ɔ? ?Nɛ́n i kunngba'n yɛ n fali Sirifuɛ mun Kir lɔ m bali-ɔ?»

Amɔs 9:7 ပူးပေါင်းရင်းမြစ်များ

2 Famiɛn Mun 16:9

Asiri famiɛn'n kplinnin flɛlɛ bɔ Akaz flɛli i'n su. Ɔ ɔli Damas. Ɔ ko fali alɛ wlali lɔfuɛ'm be sin, ɔ kwlali be, yɛ ɔ trali be lomuɛn ɔli Kir, kpɛkuun ɔ kunnin Rɛzɛn.

2 Be Nyoliɛ 14:12

Aza nin i sran mun be suli be su lele juli Gerar. Etiopifuɛ nga alɛ dili be'n be sɔnnin kpa. Be nun kun sa ɔ'a nyɛn-mɛn i ti. Be kwlaa sɔ'm be nunnunnin sekeseke Anannganman nin i alɛ kunfuɛ'm be nyrun lɛ. Zidafuɛ'm be fali bé bo ninnge mun ɔli. Ninnge sɔ'm be ti kaka kpa.

2 Be Nyoliɛ 14:9

Aza nin i sran mun be ko buli i nyrun. Be jranjrannin Zɛfata kongo'n nun Maresa wun koko lɛ.

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezai 20:4

Asiri famiɛn'n ɔ ´fa Eziptfuɛ mun ko yo i kanga, ɔ ´fa Etiopifuɛ mun bé mɛn'n nun kɔ i liɛ nun lɔ. Ɔ ´fa gbanflɛn mun nin kpɛnngbɛn mun ´kɔ. Kɛ be ´kɔ sɔ'n bé wun ngbɛn be ja ngbɛn. Be wia sin'n ɔ ´fite su. Sa nga ɔ ´yo nyannzuɛn dan man Eziptfuɛ mun!

Ezai 22:6

Elam sonja'm b'a fa bé ta mun nin be ta mma mun. Sran'm be wo alɛ kakaklolo wie'm be nun, wie'm be o nnɛn kpanngɔ'm be su, be su ba. Sonja nga be fin Kir'n, be su yi be wue sasalɛ like mun fite.

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Zeremi 47:4

Filistifuɛ'm be mɛn'n i bolɛ yɛ ɔ'a ju-ɔ. Be bɔ be nin Tir nin Sidɔn bé bo ti kun'n, be nunnunlɛ yɛ ɔ'a ju-ɔ. N wa nunnun Filistifuɛ'm be mɛn'n. Kaftɔrfuɛ'm be onga kan'n be mɛn'n, n wa nunnun i.

Ndɛ Nga Nyanmiɛn I Nuan Ijɔfuɛ Oze Kannin'n 12:13

Zakɔb wanndi ɔli Mezopotami i nglo lɔ lika'n nun lɔ. Bla jalɛ ti Zakɔb b'ɔ suan Izraɛl ko yoli kanga. Bla dunman nun ti ɔ ko niannin nnɛn'm be su .

Amɔs 1:5

Gboklo nga be fa to Damas klɔ'n i anuan'n nun, n ´tu, kpɛkuun n ´nunnun Bikat-Avɛn lɔfuɛ mun nin famiɛn ng'ɔ sie Bɛt-Edɛni'n. Sirifuɛ'm be kusu be liɛ'n, be wa tra be ´kɔ Kir.» Anannganman'n yɛ ɔ kan sɔ kle amun-ɔn .

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Mmla'n 2:23

Avafuɛ'm be kusu bɔ be tran Gaza bue liɛ'n su'n, sran wie'm be fin Kaftɔr be wa nunnunnin be, nan b'a tran be osu.