Amɔs 9:2 - NYANMIƐN NDƐ'N 1998

² Sɛ be kɔ lele be ju blɔlɔ lɔ'n, n ´ko fa be lɔ m ba. Sɛ be ko fia nyanmiɛn su lɔ'n, n ´ko fa be lɔ n ´jra.

Amɔs 9:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:6

Sɛ bɔ ɔ nyin to nyanmiɛn'n, sɛ i ti'n ɔ to nyanmiɛn ble'n bɔbɔ'n,

Zɔb I Nyrɛnnɛn Wunlɛ 22:13

I sɔ'n ti a se kɛ: «?Nyanmiɛn li nguɛ sa yɛ ɔ si i-ɔ? ?Ɔ di e jɔlɛ nyanmiɛn ble'n i bo wa-a ɔ yo ye?

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Zɔb I Nyrɛnnɛn Wunlɛ 26:6

Afin Nyanmiɛn wun blɔlɔ lɔ weiin. Like fi kata-man kunman dan bɔ be si-mɛn i bo'n su b'ɔ man ɔ wun-man lɔ-ɔ.

Zɔb I Nyrɛnnɛn Wunlɛ 34:22

Kannzɛ aosin'n dun sɛ, sɛ lika'n ti tuun sɛ, sɛ sa tɛ yofuɛ'm be fia nun'n, ɔ wun be.

Ezai 2:19

Anannganman i ya dan'n nin i nyrun b'ɔ yo sro'n ti'n, sran'm be wa wlu yɛbuɛ buɛ'm be nun, be ´fia kunman'm be nun asiɛ'n i bo lɔ, afin Anannganman ɔ wa jaso, ɔ ´wlanwlan asiɛ'n sufuɛ mun .

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Zeremi 51:53

Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.

Ezekiɛl 26:20

N ´fa wɔ n kɔ blɔlɔ lɔ a to be nga be wuli'n be lɔ. A wa ka mɛn ng'ɔ wo asiɛ'n i bo lɔ'n nun kɛ lalafuɛ klɔ nga be sacili'n sa, a wa to be nga be dun mmua be wuli ɔ nyrun'm be lɔ. A su kwla fite-man gua su wa kun. A su tran-man asiɛ nga sran'm be tran su wa'n su wie kun.

Ezekiɛl 31:14

Kɛ ɔ'a yo sɔ'n, i liɛ'n, waka nga be o nzue nuan'm be wie fi su nyin-man tɛnndɛn sa kun, yɛ i ti'n su tra-man waka kun nga'n mun. Sɛni waka bɔ be nyan nzue'n wie'n, be su kwla nyin-man ndɛnndɛn. Afin i sran o, i waka o, be kwlaa be ´wu, be ´kɔ asiɛ'n i bo lɔ be ´to be nga be la i bo lɔ'm be lɔ.› »

Abdias 1:4

Kannzɛ i li man a tu sin nglo mmua kɛ anunman nyin sa'n, man a ko yo ɔ́ sua'n nzraama'm be afiɛn lɔ'n, sanngɛ san n ´ti wɔ n ´yi wɔ ase. Min Anannganman yɛ n kɛn i sɔ n kle wɔ-ɔ.

JÉSUS-CHRIST I DYASIN FE'N BO LUC KLELI'N 10:18

Ɔ seli be kɛ: «N wunnin Satan ɔ fin nyanmiɛn su lɔ kɛ nyanmiɛn b'ɔ kpa sin'n sa, ɔ tɔli.