Amɔs 9:14 - NYANMIƐN NDƐ'N 1998

¹⁴ Min sran nga be trali be lomuɛn'n, n ´fa be n ´sa bé sin. Be klɔ bɔ be bubuli be'n, be ´kplan be uflɛ be ´tran su ekun. Be ´ta vinyi be ´nɔn i nzan'n. Be ´di fie be ´di be su ninnge.

Amɔs 9:14 ပူးပေါင်းရင်းမြစ်များ

Jue Mun 107:37

Be di fie'm be ta be su vinyi, ɔ su kpanngban.

Jue Mun 53:6

Nian, be bɔ laa be si-man like nga be flɛ i srɛ'n, be su usu sa tututu. Nyanmiɛn wa sanngan be bɔ be kɔ kɛ be nin wɔ be ´ko kun'n be nun. Ɔ ´gua bé nyin ase, afin ɔ yili be blo.

Ezai 60:4

Nian-nian sin yia nun, nian, ɔ mma'm be kwlaa b'a yia be su ba ɔ́ sin. Ɔ mma yasua'm be fin mmua lɔ be su ba, sran'm be fa ɔ mma bla mun bé sa su yɛ be ba-a.

Ezai 61:4

Be ´kplan lika nvuɛn'm be uflɛ, be ´yo lalafuɛ sua nga be sacili mun'n ekun, be ´kplan klɔ'm bɔ be bubuli ɔ'a cɛ'n be uflɛ.

Ezai 65:21

Sɛ min sran'm be kplan sua'n, be ´tran be nun, sɛ be ta vinyi'n, be ´di i su mma.

Zeremi 12:15

Sanngɛ kɛ n ko tu be n ko wɔ'n, i sin n wa si be aunnvuɛ. N ´fa be n sa be sin be lika kunngun mun nin mɛn kunngun'm be nun.

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 23:8

sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 24:6

N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zeremi 31:28

Kɛ n niannin nun m buli bé bo, bɔ n tuli be bo kɛ waka sa'n, bɔ n nunnunnin be, n kunnin be bɔ n yoli sa kekle'n, yɛ n wa nian nun n ´kplan be yɛ n ´ta be-ɔ.» Anannganman'n yɛ ɔ kan sɔ-ɔ.

Zeremi 31:5

A wa ta vinyi Samari oka'm be su ekun. Vinyi tafuɛ'm be ta-a, be di i su mma.

Zeremi 32:15

Nan Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹Be ´to sua nin fie lika, ɔ nin vinyi fie mɛn ng'ɔ o yɛ'n nun wa ekun.› »

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Ezekiɛl 16:53

Sodɔm kanga mun nin i wa bla'm be kanga mun, n ´fa n sa be sin be mɛn'n nun. N ´fa Samari nin i wa bla'm be kanga mun n ´sa be sin be mɛn'n nun. Yɛ ɔ kanga liɛ'm be ´tran be nun wie

Ezekiɛl 28:26

Be ´tran lɛ fɔuun, be ´kplan sua yɛ be ´ta vinyi. Be ´tran lɛ fɔuun, yɛlɛ kɛ be nga be yoli be finfin'n, n wa tu be fɔ. Yɛ be wa si jrɛiin kɛ min yɛ n ti Anannganman be Nyanmiɛn nin-ɔn.› »

Ezekiɛl 37:21

Se be kɛ Anannganman Nyanmiɛn wan yoo: ‹Amun `nian, n ´fa Izraɛlfuɛ mun nvle-nvle nga be ɔli be nun'n be nun, n ´kan be m bo nun, yɛ n ´fa be m ba be mɛn'n nun.

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Amɔs 5:11

Amun di be nga be lɛ-man wie'n be lufle. Be ble kan nga be kpɛ'n, kpɛkuun amu'an ko de wie bé sa nun. I sɔ'n ti, sua kpakpa nga an kplannin'n, an su tran-man be nun. Amun anwlɛn su vinyi nga an tali'n, bɔ be su mma fɛfɛ'n, amun su nɔn-man vinyi sɔ'm be su mma'n be nzue wie.

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»

Sofoni 2:7

I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .