Amɔs 9:12 - NYANMIƐN NDƐ'N 1998

¹² Kpɛkuun asiɛ ng'ɔ ti Edɔmfuɛ'm be liɛ laa'n nin ng'ɔ ti nvle kun nga'm be liɛ laa'n, ɔ nin ng'ɔ ti m bɔbɔ min liɛ laa'n, be ´yo Izraɛlfuɛ'm be liɛ. M bɔbɔ min Anannganman'n, min yɛ n kan sɔ-ɔ. Min bɔ n kan'n, min kusu min yɛ n ´yo m ´man amun-ɔn .»

Amɔs 9:12 ပူးပေါင်းရင်းမြစ်များ

Bo Bolɛ 27:29

Man nvle wie'm be nunfuɛ'm be su wɔ, man mɛn wie'm be nunfuɛ'm be koto ɔ bo. Sie ɔ niaan mun. Man ɔ́ nin i mma'm be koto ɔ bo. Sran ng'ɔ bo wɔ sannzan'n, man nyrɛnnɛn tɔ i su. Sran ng'ɔ yra wɔ nguan'n, Nyanmiɛn man i wun sa `yo ye.

Bo Bolɛ 27:37

Izaak seli Ezau kɛ: «?Ɔ bɔbɔ nian, n seli kɛ i yɛ ɔ ´sie wɔ-ɔ, n fɛli i niaan'm be kwlaa n yoli i sufuɛ. N fali ble'n nin nzan'n, m mɛnnin i. ?Nguɛ cɛ yɛ n ´yo man wɔ ekun b'ɔ ´yo ye-ɔ, mín wa?»

Jue Mun 60:8

Nyanmiɛn o i sua b'ɔ ti saun'n nun lɔ i waan: «Min yɛ n kwla-a. N ´cɛ Sisɛm klɔ'n nun, n ´sunnzun Sikɔt b'ɔ ti kongo lika'n.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 43:7

Be nga n dunman'n wo be su'n, be kwlaa nga n yili be'n, bɔ m boli be n jrɛli i wa'n, bɔ n yoli be kɛ be manman min'n, amun `fa be sa bé sin `bla.› »

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

Ezai 65:1

Be nga b'a usa-man like fi'n, n yoli sa'm mannin be. Be nga b'a fa-man bé wun a mantan-man min'n, n yili mín wun nglo n kleli be. Nvle kun wie b'ɔ o lɛ'n, bɔ n dunman nun-man i nunfuɛ'm be su'n, n seli be kɛ: «Min yɛ, n su ba.»

Zeremi 14:9

?Ɔ yo sɛ ti yɛ a yo kɛ sran b'ɔ kwlɛ-mɛn i wun kan sa sɔ-ɔ? ?Ɔ yo sɛ ti yɛ a yo kɛ sonja b'ɔ de sran-an ɔ yo-man ye sa nin-ɔn? Kusu wuun a nin ye yɛ e o wa-a, Anannganman. E o ɔ dunman nun. Nán yi ye ase.»

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.