Amɔs 9:1 - NYANMIƐN NDƐ'N 1998

¹ N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Amɔs 9:1 ပူးပေါင်းရင်းမြစ်များ

2 Be Nyoliɛ 18:18

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be o i fama su nin i bɛ su. Amun `tie ndɛ ng'ɔ kannin'n.

Jue Mun 68:21

Nyanmiɛn'n yɛ man e nyan e ti-ɔ. Anannganman Nyanmiɛn'n ɔ si kɛ ɔ ko yo nan y'a fin wie'n i nuan nun y'a fite'n.

Jue Mun 68:22

Nanwlɛ, Nyanmiɛn ´bo i kpɔfuɛ'm bé ti awa'n, ɔ ´bo be bɔ be yo sa tɛ'n bé ti bɔ ndrɛ kpanngban o su'n.

Ezai 30:16

Amun waan: ‹E kplin-man su, e ´fu e nnɛn kpanngɔ'm be su e ´wanndi e kɔ.› Ɔ ´yo sɔ bɔ le, sanngɛ amun su kɔ-man sa ngbɛn, san be ´fuan amun yɛ amun ´wanndi kɔ-ɔ. Amun waan: ‹E ´fu e nnɛn kpanngɔ nga bé ja nun yo mmlɛ'n be su yɛ e ´kɔ-ɔ.› Ɔ ti sɔ, sanngɛ be bɔ be ´fuan amun'n, be wa kwla wanndi tra amun.

Ezai 6:1

Afuɛ nga bɔ famiɛn Ozias wuli nun'n, n wunnin Anannganman, ɔ ti famiɛn bia kun b'ɔ ti nglo-nglo kpa'n su. I tralɛ dan'n i nuan'n ɔ bubu gua asiɛ wun yɛ ɔ yi i sua dan'n .

Zeremi 11:11

I sɔ'n ti Anannganman'n wan yoo: «Nyrɛnnɛn nga n wa fa yi be su'n, be su kwla fin-man nun fite-man. Sɛ be kpan flɛ min-ɔn, m ´bu min sukpɔ nun waka.

Zeremi 42:16

alɛ bɔ yɛ amun sro i'n, ɔ ´kun amun Ezipt mɛn'n nun lɔ. Awe bɔ amun sro i'n, ɔ ´nyan amun Ezipt mɛn'n nun lɔ, amun ´wu lɔ.

Zeremi 48:44

«Sran ng'ɔ wanndi nan sa sroesroe'n ɔ'a nyɛn-mɛn i'n ɔ ´tɔ kunman'n nun. Sran ng'ɔ fin kunman'n nun fite'n, ɔ ´tɔ zɔ'n nun. Blɛ nga e nin Moab e wa yia nun'n, sa nga bɔ m man ɔ ´tɔ i su'n yɛ ɔ o lɛ-ɔ.» Anannganman'n yɛ ɔ kan sɔ-ɔ.

Ezekiɛl 1:28

Lika ng'ɔ kpaja weiin ng'ɔ sin yiɛ i'n, ɔ ti kɛ nyanngondin b'ɔ fite nzue tɔlɛ cɛn'n nun'n sa. Nyanmiɛn i nyannyan'n yɛ ɔ o lɛ-ɔ . Kɛ n wunnin i sɔ'n, n tɔli yɛ n utuli mín nyin ase. Kpɛkuun n tili sran kun i nɛn.

Ezekiɛl 10:4

Nyanmiɛn i nyrun nyannyan'n fɛli i anz sɔ'm be su lɔ bali Nyanmiɛn i sua'n i anuan'n nyrun lɛ. Kpɛkuun sin wɛnsrɛn'n yili Nyanmiɛn i sua'n, yɛ Anannganman'n i nyrun nyannyan'n kpajali awlo'n nun-ɔn .

Ezekiɛl 15:7

E nin be e wa yia nun. Be bu i kɛ b'a fin sin'n nun b'a fite, sanngɛ sin yɛ ɔ wa di be-ɔ. Kɛ e nin be e ko yia nun sɔ'n, kpɛkuun amun wa si jrɛiin kɛ min yɛ n ti Anannganman nin-ɔn.

Ezekiɛl 9:2

N ´nian-an, sran nsiɛn yɛ be fin nglo lɔ anuan dan'n i atin liɛ'n nun lɔ be su ba yɛ, be abɔlɛ yolɛ ninnge'm be o bé sa nun sɛsɛsɛ. Sran kun o be nun, i wun tralɛ liɛ'n ti lɛn, fluwa klɛlɛ like kun wo kplo ng'ɔ ci i bo'n su. Be wa jrannin Nyanmiɛn sɔwlɛ bɔ aaba yɛ be fa yoli'n i wun lɛ.

Amɔs 3:14

Cɛn nga bɔ n jaso kɛ n ´tu Izraɛl fɔ'n, mín sa wa kan sraka yiwlɛ nga be o Betɛl lɔ'n mun. Like nga be ti kɛ nnɛn wɛ sa bɔ be o sraka yiwlɛ sɔ'm be cɔnjɔ'm be su'n, be ´bubu be ´gua asiɛ wun .

Amɔs 7:17

I waan: ‹I sɔ nga a kɛn i lɛ'n ti'n, ɔ́ yi'n ɔ wa si tekle sin klɔ'n nun. Ɔ mma mmla mun o, yasua mun o, be ´kun be. Be ´fa nyanman be ´sunnzun ɔ fie'n be ´cɛ nun be ´fa. Ɔ bɔbɔ kusu, mɛn nga be su-man Nyanmiɛn nun'n, lɔ yɛ a ´ko wu-ɔ. Be wa tra Izraɛl nvle'n be ´fa, Izraɛlfuɛ'm be ´jaso be mɛn liɛ'n nun be ´kɔ mmua kpa.› »

Amɔs 7:9

Izaak osufuɛ'm be sraka yiwlɛ lika nga be o kpɔlɛ kpɔlɛ'm be su'n, n ´saci be. M ´bubu be amuɛn sua'm be kwlaa. N ´fa alɛ n ´tua Izraɛl nvle'n i kalɛ.»

Abakik 3:13

Ɔ sran'm be delɛ yɛ a ´tiatia kɔ blɛblɛ lɛ-ɔ. Ɔ famiɛn bɔ a fa sieli'n, i delɛ yɛ a su kɔ lɛ-ɔ. A ´kun klunwifuɛ'm be famiɛn'n, kpɛkuun a ´nunnun i bo mma'm be kwlaa kpan.

Sofoni 1:12

Blɛ sɔ nun'n, n ´sɔ kannin n ´nian-nian Zerizalɛm i kɔtɔkakɔtɔka nin i longolongo'm be kwlaa be nun. Be bɔ be klun ti-man be, be o lɛ diin kɛ nzan bɔ ɔ'a klo ɔ'a jrɛn i bo'n sa. Be se be wun kɛ: ‹Man e ti sa ke! Anannganman su kwla yo-man like fi! Sa kpa o, sa tɛ o, ɔ kwla-man wie fi yo!› E nin be sɔfuɛ mun e wa yia nun.

Sofoni 2:14

Ɔ ´kaci klɔ nnɛn nin nnɛn wafa-wafa'n kwlakwla be tranwlɛ, ɔ liɛ akpatue'm be ´fɛ i sua'm bé ti buwlɛ lika'n be ´yo be lawlɛ. Sua'm be fenɛtri'm be nun yɛ anunman'm be ´kpan-an. Kɛ a kpɛn sua'm be anuan'm be nun sa'n, a ´wun kɛ ninnge'm b'a saci be tru lɛ. Sɛdri waka'm bé bo ´wie tu.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 1:32

Zan kɛnnin i ndɛ ekun kɛ: «N wunnin Nyanmiɛn Wawɛ'n, ɔ fin nyanmiɛn su lɔ kɛ auble sa, ɔ wa trɛnnin i su.»

Sa nga bé yôli'n 26:13

Nannan, kɛ n ´kɔ bɔ wia'n jrannin'n, n wunnin kɛ nyanmiɛn'n ɔ kpaja piaa guali min nin be bɔ be nin min kɔ'n e su, i kpajalɛ sɔ'n tra wia'n.

Zozie 10:18

Yɛ Zozie waan: «Amun `kondo yɛbuɛ dandan be sie i yɛbuɛ buɛ sɔ'n i anuan nun nan amun `sie sran lɛ man be nian su.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Sa nglô yile 8:3

Yɛ anz kun ekun wa jrannin Nyanmiɛn sɔwlɛ'n i wun lɛ, like bɔ be yra ansans nun b'ɔ ti sika ɔkwlɛ'n ɔ wo i sa nun. Be mɛnnin i ansans kpanngban kpa. Ansans sɔ'n nin yalɛ nga Nyanmiɛn sran'm be kwlaa be koko kle i'n, be wan ɔ `fa be man Nyanmiɛn. Be wan be `fa mɛn i ansans yrawlɛ b'ɔ ti sika ɔkwlɛ'n, b'ɔ o bia'n nyrun lɛ'n su .