Amɔs 8:8 - NYANMIƐN NDƐ'N 1998

⁸ Sa sɔ'm be ti, asiɛ'n ɔ ´keje, i su tranfuɛ'm be kwlaa be wa tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su nglo kpɛkuun ɔ ´tɛ i wun ase kɛ Ezipt lɔ nzue ba dan'n sa.»

Amɔs 8:8 ပူးပေါင်းရင်းမြစ်များ

Jue Mun 18:7

Min nyrɛnnɛn blɛ sɔ nun'n, n kpan flɛli Anannganman'n. N flɛli min Nyanmiɛn'n, kpɛkuun ɔ o i sua'n nun lɔ ɔ tili min aniɛn'n. Ɔ sieli i su tili flɛlɛ bɔ n flɛli i'n.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 46:7

?Wan yɛ be ´fa Nil'n bɔ ɔ'a yi bɔ ɔ'a lele lika'n be ´fa sunnzun i-ɔ?

Zeremi 46:8

Ezipt bɔ ɔ'a yi lele kɛ Nil'n sa nin-ɔn. Ɔ ko se kɛ: «N ´yi bu gua, n ´lele mɛn mun. N ´saci klɔ mun nin be su tranfuɛ mun.» Eziptfuɛ'm be waan:

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Ndɛ Nga Nyanmiɛn I Nuan Ijɔfuɛ Oze Kannin'n 10:5

Samarifuɛ'm be yɛyɛ sika ɔkwlɛ nannin ba ng'ɔ o Bɛt-Avɛn lɔ'n. Samarifuɛ'm be yo bé wun aunnvuɛfuɛ amuɛn sɔ'n dunman nun, Be nga be tɔn bé wun suɛn kɛ be ti sraka yifuɛ'n, be sro i dan, be usu i nyrun. Sanngɛ nga be ´yo i lɛ'n ti ngbɛn. San ɔ ´tu lɛ.

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Naɔm 1:8

Sanngɛ i kpɔfuɛ'm be liɛ'n, kɛ nzue ba dan kun yi gua b'ɔ kata asiɛ'n su b'ɔ nunnun lika'n sa, ɔ wa nunnun be. Ɔ ´fa be kɔ aosin tuun'n nun.

Matthieu 24:30

Yɛ nzɔliɛ ng'ɔ kle kɛ m bɔ n kacili Sran'n n su ba'n, ɔ ´fite nyanmiɛn su lɔ, nvle-nvle'n kwlaa be ´bo awuyomo, be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, kɛ ɔ ´yo sɔ'n, min nyrun o ´yo nyannyan yɛ ɔ ´yo sro .