Amɔs 8:6 - NYANMIƐN NDƐ'N 1998

⁶ An yo ble'n nin i wla'n i atɛ sran'm bé sa nun. An fa be bɔ be lɛ-man like'n be kaci amun kanga. Sɛ amun ngbabua nnyɔn cɛ kalɛ o yalɛfuɛ nin sran ng'ɔ lɛ-man like'n be su, nan be kwla yi-man'n, an fa be sɔfuɛ mun yo amun kanga.

Amɔs 8:6 ပူးပေါင်းရင်းမြစ်များ

Neemi 5:8

Kɛ e yiali'n, n seli be kɛ: «?Kɛ ɔ o yɛ'n, sɛ amun bo amun niaan'm be bosia'n, bɔ be wa yi'n, amun yo man be su i bo? Amun `nian, e niaan Zuif nga be yoli bé wun atɛ aofuɛ'm bé sa nun'n, e miannin e nyin nan e bɔbɔ y'a kpɔ bé ti. ?Yɛ amun bɔbɔ yɛ amun yo amun bɔbɔ amun niaan'm be atɛ e ngunmin-ngunmin é sa nun-ɔn?» Be gua lɛ be wun-man kun kan-man.

Ezekiɛl 22:12

Ɔ lɔ'n, be tua sran kalɛ kɛ ɔ ko kun sran. Kɛ be bo sran bosia'n, be kwla-man i asubo'n nun. Be bo be wiengu'm be akpo be fa nyan bé wun. Yɛ min liɛ'n bé wla fi min su mlɔnmlɔnmlɔn. Nga n wunnin i'n yɛ ɔ o lɛ-ɔ.› » Anannganman Nyanmiɛn'n yɛ ɔ kan sɔ-ɔ.

Zoɛl 3:3

N ´yo abonuan sa mun nyanmiɛn su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 8:4

Amun bɔ an tɛ tia mɛn'n nun aunnvuɛfuɛ'm be su bɔ amun waan nán amún nyinma wun be nga be lɛ-man nyrun mɛn nun'n, an `tie ndɛ ng'ɔ o yɛ'n:

Zakari 5:6

Yɛ n usɛli i kɛ: «?Nguɛ yɛlɛ sɔ'n?» I waan: «Gbogbo-ɔ. Mɛn'n nun sa tɛ'n kwlaa nga be yoli'n wo nun.»