Amɔs 8:5 - NYANMIƐN NDƐ'N 1998

⁵ An ko se kɛ: «Man anglo le kun'n wie sɔ nan e `nyan e ble'n i atɛ yowlɛ. Man wunmiɛn-delɛ-cɛn'n sin ndɛndɛ nan e `tike e tanngannin'm be su!» An kpɛ suliɛ'm be su, an kpɛ jayɛbuɛ'm be su. An mian toe'm be nun be fa di sran'm be lufle.

Amɔs 8:5 ပူးပေါင်းရင်းမြစ်များ

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

Ezipt Lɔ Tulɛ'n 31:13

«Kan kle Izraɛlfuɛ'm be kɛ yoo: Amun `bu wunmiɛn-delɛ-cɛn i akunndan nan amun `nian su. Afin blɛ kwlaa nun'n, wunmiɛn-delɛ-cɛn sɔ'n yɛ ɔ wa yo aenguɛ nga e nin amun nin amun osu'n nunfuɛ mun e trali'n i nzɔliɛ-ɔ. I sɔ nun'n sran'm be ´si kɛ min Anannganman yɛ n fali amun kɛ amun `yo min nvle-ɔ.

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 16:11

Jayɛbuɛ nin toe bɔ be ti sɛsɛ'n, be jɔ Anannganman klun. Jayɛbuɛ nga be o pata nun'n i kwlaa ti kɛ i sa nuan like sa.

Nyanndra Mun 20:23

Jayɛbuɛ nga be ti-man nanwlɛ'n, be ti-man Anannganman liɛ'n su. Anannganman klo-man toe nga be fa di ndrunmun'n.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Ndɛ Nga Nyanmiɛn I Nuan Ijɔfuɛ Oze Kannin'n 12:7

‹Sa ɔ sin bla min sin. Yo sa kpa, yo sran ndɛnman sufuɛ. Nán yaci min b'ɔ n ti ɔ Nyanmiɛn'n min su lafilɛ.›

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Saun Yolɛ 19:36

man amun toe mun nin amun ja yɛbuɛ mun, ɔ nin amun ninnge'm be suliɛ mun be di nanwlɛ. Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun m bali nin-ɔn.

Zakari 5:6

Yɛ n usɛli i kɛ: «?Nguɛ yɛlɛ sɔ'n?» I waan: «Gbogbo-ɔ. Mɛn'n nun sa tɛ'n kwlaa nga be yoli'n wo nun.»

Zakari 5:8

Anz'n waan: «Klunwi'n i nzɔliɛ-ɔ.» Kpɛkuun yɛ ɔ su i bo yili i gbogbo'n nun, yɛ ɔ fɛli i tre'n katali su-ɔ.

Malasi 1:13

Amun se ekun kɛ yoo: ‹I kwlaa nga ti afɛ.› Amun yo min finfin, m bɔbɔ min Anannganman bɔ n sie mɛn wunmuan'n, amun ko wua nnɛn mun, wie kusu-ɔ amun fa nnɛn nga bé ja ti buwa, ɔ nin nnɛn tukpacɛfuɛ mun yɛ amun fa man min-ɔn. ?N sɔ nun-ɔn ɔ yo ye?»

Kalɛ 10:10

Amun aklunjuɛ cɛn'm be nun'n, bɔ yɛlɛ amun cɛn dilɛ mun nin amun anglo le kun cɛn dilɛ mun'n, kɛ amun ´yi tɛ nga be yrɛ be nnɛn'n kɔlikɔli'n nin bo kun yolɛ i su tɛ'n, amun `bo awɛ'n. I sɔ'n nun yɛ mín wla ´kpɛn amún su-ɔ. Min yɛ n ti Anannganman amun Nyanmiɛn nin-ɔn.»

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.

1 Samiɛl 20:5

David seli Zonatan kɛ: «Ainman ti anglo le kun. Ɔ fata kɛ e nin famiɛn'n e di like, sanngɛ man min atin man n wɔ lika kun. N ´ko fia bo nun lɔ lele nnɔsua.