Amɔs 8:3 - NYANMIƐN NDƐ'N 1998

³ Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Amɔs 8:3 ပူးပေါင်းရင်းမြစ်များ

Jue Mun 39:9

De min sa tɛtɛ nga n yoli'n i kwlaa nun. Nán yaci min sinnglinfuɛ'm bé sa nun man be yo min finfin.

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Zeremi 22:18

I sɔ'n ti Zozias b'ɔ ti Zozakim i wa'n, b'ɔ ti Zida famiɛn'n, i wun ndɛ bɔ Anannganman kan'n yɛ. I waan: «Be su yo-mɛn i sɛ. Be su sun-man kɛ: ‹Min niaan bian nin o we!› ‹Min niaan bla nin o we!› Be su sun-mɛn i kɛ: ‹Min min nin o we!› ‹Min famiɛn nin o we!›

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Zoɛl 1:11

Fie difuɛ'm bé wun ɔ'a fɔ, vinyi fie difuɛ'm be su fɛfɛ. Ble nin ɔrz bɔ b'a saci'n ti be su fɛfɛ. Like nga afuɛ nuan'n yiali bɔ be nyɛnnin i fie su lɔ'n, i sɔ like'n kwlaa sacili.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:5

Nzannunmunfuɛ mun, an `tinnge nan amun `sun! Nzan nɔnfuɛ mun, amun ngba an `koko, afin vinyi mma nzue'n ɔ'a wie. Amun su nyan-man nzan lɔflɛ be ko nɔn-mɛn i kun.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Amɔs 5:16

I sɔ'n ti min Anannganman bɔ n sie mɛn wunmuan'n n wan yoo: «Gua'n su, ɔ ti fɛfɛlɛ'n cɛ yɛ be fɛfɛ-ɔ. Klɔ nun akpɔ'm be nun'n, sran'm be ´kpankpan be ´se kɛ: ‹Ɔo! ?Nguɛ nyrɛnnɛn ndɛ liɛ yɛlɛ nga?› Be ´flɛ fie su junman difuɛ mun sɛ bo. Kpɛkuun be nga be si ngwlɛ yi kpa'n, be ´ko flɛ be kɛ be wa sun.

Amɔs 5:23

Nán n ti amun jue tolɛ kun! An `yaci sanngo'm be bolɛ man n ti sa!

Amɔs 6:4

Amu'an tinngɛ amún wun famiɛn li'm be su cɛ. Amu'an la bia ndɛnndɛn'm be nun yɛ bua nga b'a kpɛ cro'n nin nannin nga b'a lo lɛklɛɛ'n, yɛ an di-ɔ.

Amɔs 6:5

An ´bo sanngo'n, wuun an ´kpankpan be ´to jue. David sɔnnzɔnlɛ ti able silɛ ninnge uflɛ mun yɛ amun kpɛ be ba-a.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Naɔm 3:3

Nnɛn kpanngɔ su fufuɛ'm be kpɛ alɛ ba, tokofi'm be bo sa mianmianmian. Cua'm be kpa sin, be nga b'a tɔ'n be tru lika'n kwlaa nun, fuɛn'm be tian be wiengu su, be kwla-man be ka, bé ja kpla fuɛn'm be su.

Sofoni 1:7

An `muan amún nuan Anannganman Nyanmiɛn nyrun, Anannganman'n i ya cɛn'n ɔ'a mantan koko. Anannganman'n ɔ'a siesie tɛ yilɛ'n, be nga ɔ ko flɛ be'n, ɔ'a yo be saun .