Amɔs 8:2 - NYANMIƐN NDƐ'N 1998

² Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Amɔs 8:2 ပူးပေါင်းရင်းမြစ်များ

Bo Bolɛ 6:13

Yɛ Nyanmiɛn seli Noe kɛ: «E nin sran mun e liɛ'n ɔ'a wie. Sa tɛtɛ nga b'a yo i asiɛ'n su'n ɔ'a sɔn ngboko. N wa nunnun be.

Ezai 28:4

Amun `nian, klɔ b'ɔ o kongo bɔ be yo nun like-ɔ ɔ yo ye'n i nglo'n, waka nyrɛ b'ɔ ɔ'a glɔ b'ɔ fa fɛfɛ i wun kɛ like kpa wie sa'n, be ´tiatia su. Samari klɔ'n ɔ ´yo kɛ figie mma b'ɔ blo ndɛ nun, bɔ sran ng'ɔ dun mmua wun i'n, ɔ ti, kpɛkuun ɔ kalɛ di i ndɛndɛ'n sa.

Zeremi 40:10

N wo min liɛ Mizpa wa. Babilɔnifuɛ nga be ´ba e mɛn'n nun wa'n, n wo wa n ´sɔ be nun. Amun kusu an `ko yi nzan nin ngo, an `ti waka mma mun, amun `fa be sie amun like siewlɛ'm be nun, nan an `tran klɔ nga an fali be'n be su.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ngwlɛ Yilɛ 4:18

Be nian e su. E lɛ-man atin e fite kɔ-man e klɔ. Kannzu e blɛ liɛ'n ɔ'a mantan, yɛ ɔ'a ju yɛ, awieliɛ'n ɔ'a wie ye!

Ezekiɛl 12:23

Se be kɛ: ‹Anannganman Nyanmiɛn'n wan yoo: N wa jran nyanndra sɔ'n, sran fi su bu-mɛn i Izraɛl mɛn'n nun kun.› Kɛn i asa-be-sin'n kle be. Se be kɛ: ‹Blɛ'n nga bɔ i nun yɛ aolia nun sa'm be su wa kpɛn su'n, ɔ'a mantan.

Ezekiɛl 29:8

I sɔ'n ti'n, ndɛ nga min Anannganman Nyanmiɛn n kan'n yɛ: N wa fa sonja wie mun bɔ alɛ ninnge o bé sa nun'n, be ´nunnun sran nin nnɛn mun.

Ezekiɛl 3:10

Ɔ kɛnnin ekun kɛ: «Ezekiɛl, fa ndɛ nga n ´kɛn i yɛ'n sie ɔ klun, fa ɔ́ su sie ndɛ'n nga n wa kɛn i yɛ'n kwlaa i bo.

Ezekiɛl 3:7

Sanngɛ Izraɛlfuɛ'm be liɛ'n, be su tie-man ɔ ndɛ'n, afin be kunndɛ-man kɛ be ´ti mín nuan nun ndɛ'n, yɛlɛ kɛ bé nyin su ti kekle, yɛ be nzuɛn'n ti tɛ.

Ezekiɛl 7:6

Awieliɛ cɛn'n su ba, awieliɛ'n su ba, sɛ ɔ ti sran'n wuun n ´se kɛ ɔ su tinnge, amun sacilɛ ti'n, nian ɔ o balɛ.

Ezekiɛl 8:12

Nyanmiɛn usali min kɛ: «?Klɔ sran, a wun like nga Izraɛl kpɛnngbɛn'm be fia bé sua ba nga be sie be amuɛn'm be nun'n be nun be yo'n? Afin be ndɛ nga be kan'n yɛ: ‹Anannganman wun-man ye, Anannganman'n nin i nvle'n be nun-man nun kun.› »

Ezekiɛl 8:17

Nyanmiɛn usali min kɛ: «?Klɔ sran, a wun i? ?Sa tɛ nga Zidafuɛ'm be yo i wa yɛ'n, ɔ kwla ju-man be sɔ? ?Ɔ fata kɛ be ko yo sa ukpo-ukpo mɛn'n i lika kwlaa nun nan be `fa fɔkɔ min anwlɛn ekun? Nian, be su fa nnya nɔnman be kɔ be bue nuan .

Ezekiɛl 8:6

Ɔ seli min ekun kɛ: «?Klɔ sran, a wun sa bɔ be su yo'n kpa? Izraɛlfuɛ'm be yo tete sa mun nan n jaso mín sua i wun lɛ n wɔ mmua. Sanngɛ a wa wun sa wie mun bɔ be ti tete ninnge kpa'n ekun.»

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Amɔs 7:8

Ɔ usa min kɛ: «?Amɔs, nguɛ yɛ a wun i-ɔ?» N tɛli i su kɛ: «N wun nyanman kun, sunmun wo i nuan.» Yɛ Anannganman'n waan: «N su nian min mɛn'n sɛ ɔ ti tinngɛwa sein o. Afin sa tɛ nga i nunfuɛ'm be yo be'n, n su yaci n cɛ-man be.

Amɔs 8:1

Anannganman Nyanmiɛn'n fali sa nga kleli min aolia nun ekun. Ɔ fali waka mma blowa gbogbo kun kleli min.

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Zakari 5:2

Kpɛkuun anz'n usali min kɛ: «?Nguɛ yɛ a wun i-ɔ?» Min waan: «N wun fluwa kun b'ɔ ti nyɔnnyɔnwa. N wun kɛ aunngban'n su fa tu sin nglo. I tɛnndɛn nun'n ti mɛtri blu yɛ i tɛtrɛ nun'n ti mɛtri nnun.»