Amɔs 8:11 - NYANMIƐN NDƐ'N 1998

¹¹ Anannganman'n waan: «Cɛn kun n wa to awe n ´yi mɛn'n su. Awe sɔ b'ɔ kun sran mun'n, nán kɛ awe-ɔ, nán nzuewe-ɔ. Anannganman i nuan ndɛ'n i tilɛ i awe yɛ ɔ ´kun be-ɔ.

Amɔs 8:11 ပူးပေါင်းရင်းမြစ်များ

2 Be Nyoliɛ 15:3

Kɛ Izraɛlfuɛ'm be nin Nyanmiɛn tili nun'n, bɔ b'a nyan-man Nyanmiɛn nyrun jranfuɛ b'ɔ kle be like'n, bɔ b'a ti-man Nyanmiɛn i mmla'n kun'n, i osu lali nun kpa.

Jue Mun 74:9

E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Nyanndra Mun 29:18

Blɛ nga Nyanmiɛn yi-man sa nglo kle-man sran'n, sran'm be yo ninnge sukusuku. Sran ng'ɔ fa Nyanmiɛn mmla'n su'n, i liɛ su ti ye !

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Ndɛ Nga Nyanmiɛn I Nuan Ijɔfuɛ Oze Kannin'n 2:3

Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Mise 3:6

i ti siɛn'n, aolia nun like ng'ɔ ´ba'n, amun lafi kɔnguɛ-ɔ, amun su wun-mɛn i kun. Amun su cɛn-man laliɛ kun, amun tɛ wun-man ase kun, amún ti nun ´si.»

Matthieu 9:36

Kɛ Jésus wunnin sran mun'n, be yoli i annvɔ, afin be ti afɛfuɛ yɛlɛ kɛ b'a bo je kɛ bua bɔ be lɛ-man sunianfuɛ'n sa .

1 Samiɛl 28:15

Samiɛl usɛli i kɛ: «?Ɔ yo sɛ ti yɛ man a fa min fiteli bɔ a kle min yalɛ sa-a?» Sail waan: «Min akunndan'n ɔ'a sanngan dan. Filistifuɛ'm be nin mín su kun alɛ, kpɛkuun Nyanmiɛn nin min nun-man nun kun. N usɛ i sa-a, ɔ tɛ-man su. Ɔ fɛ-mɛn i ngaliɛ wlɛ-mɛn i nuan ijɔfuɛ'm bé nuan ɔ man-man min kun, kusu ɔ kan-man ndɛ kle-man min laliɛ kun, i ti yɛ n flɛ wɔ nan a `kan like ng'ɔ fata kɛ n yo'n kle min-ɔn.»

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.

1 Samiɛl 3:1

Samiɛl kan'n wo Eli sa nun, ɔ su Anannganman. I blɛ sɔ nun'n, Anannganman ijɔ-man kplakpla kle-man sran, yɛ kusu ɔ fa-man aolia nun like kle-man sran kplakpla.