Amɔs 8:10 - NYANMIƐN NDƐ'N 1998

¹⁰ Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Amɔs 8:10 ပူးပေါင်းရင်းမြစ်များ

Bo Bolɛ 21:16

Kpɛkuun ɔ ko trannin klɛ nun. Ɔ nin ba'n be afiɛn'n ti kɛ ta nga be to'n i juwlɛ kun sa, afin i waan: «Nán mín wa'n wu min nyrun,» ɔ ko trannin klɛ nun yɛ ɔ sun-ɔn.

Zɔb I Nyrɛnnɛn Wunlɛ 20:23

Kɛ ɔ ´di like'n, wuun Nyanmiɛn i ya'n ɔ'a jaso i wun. Ɔ man nyrɛnnɛn'n ɔ ´tɔ i su kɛ nzue yɛ ɔ su tɔ sa .

Zɔb I Nyrɛnnɛn Wunlɛ 3:5

Man aosin tritri kpa'n ɔ di i sɔ cɛn liɛ'n, man wie'n i aosin tuun'n ɔ di i wie, yɛ man nyanmiɛn ble'n ɔ kɛtɛ i su. Sɛ ɔ ti sran'n, wuun n ´se kɛ man sa kekleekle'm be tɔ i su yɛ be `kun i srɛ.

Zɔb I Nyrɛnnɛn Wunlɛ 30:31

Sɛ jue mun yɛ m bo be min jru'n i su siɛn nin-ɔn. Min blo'n i nɛn'n ɔ ti kɛ be nga be sun'n be liɛ'n sa.

Ezai 3:24

Ninnge kplɔwa'm be nvan'n ɔ ´sin parfɛn'n i bɔnlɛ'n i osu. Be ´fa nyanman be ´yo bé bo kplo. Be su yo-man bé ti'm be kun , be ´yi be treketreke. Be su wla-man cɛn dilɛ tralɛ kun, bajɛ tralɛ yɛ be ´wla-a. Be wunnɛn'n su nzɔliɛ'm be su yo-man nyɛnmɛn kun, be ´yo kɛ sin osu sa.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 48:37

B'a kpu bé ti'm be su tɔɔn! B'a yi be akanza mun wauun! B'a bobo bé sa'm bé wun kannin sa nán sa yolɛ-ɔ. Bajɛ tralɛ'n wo be wun sɛsɛsɛ.

Zeremi 6:26

«Min sran mun, an `wla bajɛ tralɛ. An `la kondo ndutre nun. An `yo sɛ kɛ amun wa klikli'n ɔ'a wu sa. An `to sɛ jue ng'ɔ kle sunlɛ kpa'n, yɛlɛ kɛ like sacifuɛ'n su wa fu amun nun ɔ ´tɔ amun su.»

Ngwlɛ Yilɛ 5:15

E si-man like nga be flɛ i aklunjuɛ'n kun. Y'a yaci able'm be silɛ. Y'a yo sɛnvuɛ mun siɛn'n.

Ezekiɛl 7:18

Be ´wla bajɛ tralɛ, yɛ srɛ'n ´kun be kpo. Be kwlaa be ´wun nyannzuɛn. Be kwlaa be ´yi bé ti'n.

Ezekiɛl 7:2

«Klɔ sran, ndɛ nga bɔ min Anannganman Nyanmiɛn n kan kle Izraɛl asiɛ'n su fuɛ mun'n yɛ: ‹Awieliɛ'n yɛ, awieliɛ ɔ'a wie mɛn'n i bue nnan'n kwlaa.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Ndɛ Nga Nyanmiɛn I Nuan Ijɔfuɛ Oze Kannin'n 2:13

N ´yo man i aklunjuɛ'n ɔ ´wie, ɔ su di-man cɛn kun. I anglo le kun o, i wunmiɛn-delɛ-cɛn o, ɔ nin cɛn uflɛ mun'n ɔ su di-man be kun.

Zoɛl 1:8

Amun `la kondo kɛ talua kan wie b'ɔ o sɛ nun, b'ɔ su sun i wun b'ɔ jɛli i-ɔ, ɔ'a cɛ-man bɔ ɔ'a saci i sa nun'n sa.

Saun Yolɛ 13:40

Sɛ sran kun i ti ndrɛ'n tutu nan i ti'n kpa'n, ɔ nun-man nun kɛ be se kɛ fiɛn yɛ ɔ'a kɛn i-ɔ. Fiɛn nun-mɛn i wun.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Amɔs 5:23

Nán n ti amun jue tolɛ kun! An `yaci sanngo'm be bolɛ man n ti sa!

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.