Amɔs 7:8 - NYANMIƐN NDƐ'N 1998

⁸ Ɔ usa min kɛ: «?Amɔs, nguɛ yɛ a wun i-ɔ?» N tɛli i su kɛ: «N wun nyanman kun, sunmun wo i nuan.» Yɛ Anannganman'n waan: «N su nian min mɛn'n sɛ ɔ ti tinngɛwa sein o. Afin sa tɛ nga i nunfuɛ'm be yo be'n, n su yaci n cɛ-man be.

Amɔs 7:8 ပူးပေါင်းရင်းမြစ်များ

2 Famiɛn Mun 21:13

N wa nunnun Zerizalɛm kɛ n fa nunnunnin Samari nin Akab i awlo'n sa. N wa utu Zerizalɛm'n nyin ase kɛ kpongbo bɔ be wunnzin nun wie kpɛkuun be utu i nyin ase'n sa.

Ezai 28:17

Sɛ n kwla ´se'n, min nyanman nga n ´fa sunnzun like'n yɛlɛ sa i nuan su yolɛ'n, yɛ min nyanman bɔ sunmun wo i nuan, bɔ n nian su bɔ man kɛ n ´kplan talɛ'n ɔ yo seiin'n, yɛlɛ mmla'n.» Sɛ e fa ato'n e sunnzun fiawlɛ'n e `se kɛ nzraama bɔ kɛ nzue ´tɔ'n ɔ gua'n, ɔ ´saci i. Sɛ e fa gblɛ'n e sunnzun sua'n, e se kɛ nzue'n ɔ sonji wlu nun'n, ɔ ´yi.

Ezai 34:11

Nzue nun anunman bɔ be tra jue sie be konvi bo'n nin jukunin'm be yɛ be ´fɛ i sɔ lika liɛ nin-ɔn. Akpatue mun nin kɔkɔkuankuan'm be ´tran nun. Nyanman kan'n nin nyanman bɔ sunmun wo i nuan'n, lika'n bɔ Anannganman ɔ ´saci i'n ti'n, ɔ ´fa be ´fa sunnzun.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Ngwlɛ Yilɛ 2:8

Anannganman guguli kɛ ɔ ´bubu Zerizalɛm wun talɛ'n. Kɛ ɔ sunnzunnin i nin nyanman'n, b'ɔ boli Izraɛl'n bubulɛ'n bo'n, ɔ kɛli i ja nun bubuli i ngba. Klɔ'n i wun talɛ wafa nnyɔn'n, kɛ be wun be be sa'n, b'a wun-man like nga be fali be'n kun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 1:6

Gɔmɛr wunnzɛli ekun, ɔ wuli ba bla kun. Yɛ Anannganman'n seli Oze kɛ: «Flɛ i kɛ Nsi-man-be-aunnvuɛ, yɛlɛ kɛ n su si-man Izraɛlfuɛ'm be aunnvuɛ kun, n su yaci-man bé wun sa n cɛ-man be kun.

Amɔs 7:7

Anannganman yili sa ng'ɔ o yɛ'n i nglo kleli min ekun. I bɔbɔ jin talɛ kun su, nyanman kun wo i sa nun, sunmun wo i nuan .

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Zakari 4:10

?Sua yɛ'n, kɛ be ´bo i kplanlɛ bo'n, sran wie'm b'a yi-man bé nyin saa, yɛ b'a sri-mɛn i kplanfuɛ mun? Sanngɛ cɛn nga be ´wun kɛ Zorobabɛl su kplan sua sɔ'n ´kɔ'n, be klun ´jɔ. Nan yoo, kannin nso nga a wun i lɛ'n, Anannganman'n i nyinma mun-ɔn. Ɔ fa wlan asiɛ wunmuan'n su .

Zakari 4:2

Ɔ usa min kɛ: «?Nguɛ yɛ a wun i-ɔ?» Yɛ n waan: «Kannin siewlɛ b'ɔ ti sika ɔkwlɛ yɛ n wun i-ɔ. Kannin sɛ kun wo i ti su nglo, kpɛkuun kannin nso jinjin i ti su nglo lɔ wie, i kannin nzue sinsinwlɛ'n ti nso .

Zakari 5:2

Kpɛkuun anz'n usali min kɛ: «?Nguɛ yɛ a wun i-ɔ?» Min waan: «N wun fluwa kun b'ɔ ti nyɔnnyɔnwa. N wun kɛ aunngban'n su fa tu sin nglo. I tɛnndɛn nun'n ti mɛtri blu yɛ i tɛtrɛ nun'n ti mɛtri nnun.»