Amɔs 7:17 - NYANMIƐN NDƐ'N 1998

¹⁷ I waan: ‹I sɔ nga a kɛn i lɛ'n ti'n, ɔ́ yi'n ɔ wa si tekle sin klɔ'n nun. Ɔ mma mmla mun o, yasua mun o, be ´kun be. Be ´fa nyanman be ´sunnzun ɔ fie'n be ´cɛ nun be ´fa. Ɔ bɔbɔ kusu, mɛn nga be su-man Nyanmiɛn nun'n, lɔ yɛ a ´ko wu-ɔ. Be wa tra Izraɛl nvle'n be ´fa, Izraɛlfuɛ'm be ´jaso be mɛn liɛ'n nun be ´kɔ mmua kpa.› »

Amɔs 7:17 ပူးပေါင်းရင်းမြစ်များ

2 Famiɛn Mun 17:6

Kɛ Oze yoli famiɛn'n, i afuɛ ngwlan'n su yɛ Salmanazar fali Samari klɔ nin-ɔn. Ɔ fali Izraɛlfuɛ mun ɔli Asiri. Ɔ man be trannin Ala. Klɔ sɔ'n wo Gɔzan lɔ nzue ba bɔ be flɛ i Kabɔr'n i nuan. Yɛ ɔ man wie'm be trannin Medifuɛ'm be klɔ'm bé su.

Jue Mun 78:55

Ɔ kannin nvle wie'm bé bo be nyrun nan ɔ'a cɛ lika'n ɔ'a man be kɛ ɔ `yo be liɛ titi. Ɔ fali Izraɛl nvle mun sieli i Kanaanfuɛ'm be lika'n nun.

Ezai 13:16

Sran wie'm be ´yi sran sɔ'n bé wa nɔnman'm be ase, be ´tiatia be su be bɔbɔ be nyrun lɛ, sran wie'm be nin sran sɔ'm bé yi mun be ´la kekle nun.

Ezai 22:18

Be ´kondo wɔ kɛ like kukluku wie sa, be ´fa wɔ kɔ mɛn tɛtrɛ kpa wie nun. Wɔ bɔ man ɔ Min'n i awlofuɛ'm bé nyin ɔ gua ase'n, lɔ yɛ a ´ko wu-ɔ, Lɔ yɛ awieliɛ'n ´wie ɔ kakaklolo nglanman-nglanman mun-ɔn.»

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 20:6

Wɔ Pasir, a nin wɔ awlofuɛ'm be kwlaa be ´tra amun lomuɛn be ´kɔ. A ´kɔ Babilɔni, a ´wu lɔ, be ´sie wɔ lɔ, a nin ɔ janvuɛ nga a kannin Nyanmiɛn nuan ndɛ ato kleli be mun.› »

Zeremi 28:12

Kɛ Nyanmiɛn nuan ijɔfuɛ Anania deli be kɔmin su waka ng'ɔ o Nyanmiɛn nuan ijɔfuɛ Zeremi i kɔmin su'n b'ɔ buli nun'n, Anannganman'n kannin ndɛ kleli Zeremi. Ɔ seli i kɛ:

Zeremi 28:16

I sɔ'n ti Anannganman'n wan yoo: ‹Ɔ mɛn'n nun tranlɛ wieli. Afuɛ ng'ɔ o yɛ nun'n, a ´wu. Yɛlɛ kɛ a su sran'm bé bo kɛ be `yo nyin kekle Anannganman'n su.› »

Zeremi 29:21

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɔlaza i wa Akab nin Maazeza i wa Sedesias bɔ be tɔn bé wun suɛn kɛ be ijɔ mín nuan'n, bé wun ndɛ bɔ n kan'n yɛ: ‹An `nian, n ´fa be n ´wla Babilɔni famiɛn Nɛbikadnɛzar sa nun, ɔ ´kun be amun nyrun.

Zeremi 29:25

Afin Sɛmaɛza sili i wue nun klɛli fluwa ko mannin sran nga be o Zerizalɛm'n nin Nyanmiɛn nuan ijɔfuɛ Maazeza i wa Sofoni, ɔ nin Nyanmiɛn nyrun jranfuɛ mun kɛ:

Ngwlɛ Yilɛ 5:11

Be nin Siɔn lɔ bla mun be lali kekle nun. Be nin Zida klɔ'm bé su talua mun be lali kekle nun.

Ezekiɛl 4:13

Anannganman seli ekun kɛ: «Kɛ n wa kan be bo n ´gua nvle uflɛ wie'm be nun'n, kɛ be wa di aliɛ tɛtɛ kɛ nga sa .»

Ndɛ Nga Nyanmiɛn I Nuan Ijɔfuɛ Oze Kannin'n 9:3

Efraimfuɛ mun, amun su kwla ka-man Anannganman'n i mɛn'n nun. Amun ´sa be sin Ezipt lɔ, yɛ amun ko di aliɛ ng'ɔ ti fiɛn'n Nyanmiɛn nyrun. Asiri lɔ yɛ amun ko di i sɔ nin-ɔn .

Amɔs 6:7

Ɔ man n ´kan kle amun kɛ yoo: «Cɛn nga be ´tra sran'm be ´kɔ'n, amun yɛ be dun mmua tra amun-ɔn. Kpɛkuun cɛn dilɛ beblebe'n ´wie fuɛnfuɛ'm bé sa nun.»

Amɔs 7:11

Afin ɔ bɔbɔ nian ndɛ ng'ɔ kan be'n. I waan: ‹Be ´kun Zeroboam kpɛkuun be ´tra Izraɛlfuɛ'm be lomuɛn be fa be ´jaso be mɛn liɛ'n nun be ´kɔ mɛn uflɛ nun mmua kpa.› »

Amɔs 8:1

Anannganman Nyanmiɛn'n fali sa nga kleli min aolia nun ekun. Ɔ fali waka mma blowa gbogbo kun kleli min.

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Amɔs 9:8

Anannganman Nyanmiɛn b'ɔ sie mɛn wunmuan'n i nyin ta Izraɛl famiɛn'm be kwlaa bɔ sa tɛ'n yɛ ɔ ti be like yɛ be yo'n, ɔ ´nunnun be asiɛ'n su. Sanngɛ ɔ'a se-man kɛ ɔ ´nunnun Zakɔb anunman'm be ngba.

Mise 1:16

Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.