Amɔs 7:15 - NYANMIƐN NDƐ'N 1998

¹⁵ Anannganman'n yɛ ɔ ko fali min nnɛn'm bé sin lɔ yɛ ɔ seli min kɛ n wa kan i nuan su ndɛ kle Izraɛlfuɛ mun-ɔn.

Amɔs 7:15 ပူးပေါင်းရင်းမြစ်များ

2 Samiɛl 7:8

«I ti kan kle min sufuɛ David kɛ: ‹Anannganman b'ɔ sie mɛn wunmuan'n i waan: N ko fali wɔ aawlɛ flɛnnɛn'n nun bua'm bé sin kɛ a `dun mmua min nvle'n bɔ yɛlɛ Izraɛl'n i nyrun.

1 Famiɛn Mun 19:19

Yɛ Eli fɛ i lɛ ɔli-ɔ. Ɔ ´ko to Safat i wa Elize-ɔ, ɔ su tu kacɛ. Nannin nnyɔn-nnyɔn fa blu-nin-nnyɔn be wo i nyrun. Ɔ o be fa blu-nin-nnyɔn su'n be wun lɛ. Eli sinnin i wun lɔ, kpɛkuun ɔ fɛli i tralɛ dan'n guɛli i su kɛ ɔ yo nan ɔ'a su i su'n ti.

Zeremi 1:7

Yɛ Anannganman'n seli min kɛ: «Nán se kɛ a ti bakan, sran nga n sunman wɔ bé sin'n, kɔ be kwlaa bé sin. Ndɛ kwlaa nga n waan a `kan'n, kan.

Zeremi 26:12

Yɛ Zeremi seli famiɛn i awlo lɔ sran dandan mun nin sran nga be o lɛ'm be kwlaa kɛ: «Anannganman'n yɛ ɔ sunmannin min kɛ n `kan sua nga nin klɔ nga bé wun ndɛ nga an tili i lɛ nin-ɔn.

Amɔs 3:8

?Kɛ asɔmɔli kun tian sa'n, wan yɛ ɔ se kɛ ɔ bo-man bli-ɔ? ?Sɛ Anannganman Nyanmiɛn'n fa ndɛ wlɛ i sran kun nuan'n, ɔ lɛ atin se kɛ ɔ kan-man?

Matthieu 9:9

Kɛ Jésus fin lɛ ɔli i nyrun lɔ kan'n, ɔ wunnin bian kun be flɛ i kɛ Matie, ɔ de gua bo sika, ɔ ti i junman diwlɛ lɛ. Jésus seli i kɛ: «Bla wa su n su.» Yɛ ɔ jao wa suli i su-ɔ.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 4:20

nanwlɛ, e kwla yaci-man like nga e wunnin i'n nin ndɛ nga e tili'n i kanlɛ.»

Sa nga bé yôli'n 5:20

«An `wɔ ko jran Nyanmiɛn i sua'n nun lɔ, an `kan nguan nga i ndɛ'n kwlaa kle sran mun.»

1 Samiɛl 10:11

Kɛ be nga be si i laa'n be wunnin kɛ ɔ nin Nyanmiɛn nuan ijɔfuɛ'm be su kan Nyanmiɛn nuan ndɛ'n, be usa kɛ: «?Nguɛ yɛ ɔ yo Kis i wa nin-ɔn? ?Sail o Nyanmiɛn nuan ijɔfuɛ'm be nun wie?»