Amɔs 7:12 - NYANMIƐN NDƐ'N 1998

¹² Nan Amazia ɔ'a se Amɔs kɛ: «Aolia nun ninnge wunfuɛ, jaso wa kɔ Zida mɛn'n nun lɔ. Lɔ liɛ'n, a ´kwla fa Nyanmiɛn nuan ijɔlɛ a ´fa nyan ɔ́ nuan nun aliɛ di.

Amɔs 7:12 ပူးပေါင်းရင်းမြစ်များ

2 Be Nyoliɛ 16:10

Aza fali ya jeliwafuɛ'n wun. Ɔ wlɛli i bisua, afin ndɛ'n b'ɔ kan kleli i'n, ɔ kunnin i ya dan. I blɛ kunngba sɔ nun'n, Aza kleli i mɛn'n nunfuɛ wie'm be yalɛ kpa.

Ezai 30:10

Be se jeliwafuɛ'm be kɛ: «Amún ti nun ase wunlɛ'n ti ngbɛn.» Be kan kle be nga be wun aolia nun sa'm be kɛ: «Nán amun kan sa nanwlɛ bɔ amun wun be'n kle ye. Amun `kan ato ndɛ mun kle ye. Amun kan ndɛ b'ɔ yo be su nun nɛnkɛn-nɛnkɛn'n.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Amɔs 2:12

«Sanngɛ kpɛkuun amu'an man be nga be tali nda kɛ be yo min liɛ klonglo'm be nzan b'a nɔn. An tannin Nyanmiɛn nuan ijɔfuɛ'm be atin kɛ nán be kan mín nuan ndɛ'n kun.

Amɔs 7:11

Afin ɔ bɔbɔ nian ndɛ ng'ɔ kan be'n. I waan: ‹Be ´kun Zeroboam kpɛkuun be ´tra Izraɛlfuɛ'm be lomuɛn be fa be ´jaso be mɛn liɛ'n nun be ´kɔ mɛn uflɛ nun mmua kpa.› »

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Matthieu 8:34

I sɔ'n ti, klɔfuɛ'm be kwlaa be fite ɔli Jésus atin kpalɛ. Kɛ be nin i yiali'n, be srɛli i kpa kɛ ɔ jao be mɛn'n nun.

JÉSUS-CHRIST I DYASIN FE'N BO LUC KLELI'N 13:31

Le kunngba sɔ'n, Farizifuɛ wie'm be wa seli Jésus kɛ: «Erɔd waan ɔ nyan wɔ-ɔ ɔ ´kun wɔ, i sɔ'n ti'n, jao wa.»

Sa nga bé yôli'n 16:39

Be ko kpatali be, nan b'a yaci be nun, be srɛli be kɛ be jao be klɔ'n su.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

1 Korɛntfuɛ Mun 2:14

Klɔ Sran'n b'ɔ o sa'n, ɔ fa-man Nyanmiɛn Wawɛ ninnge'm bé su, afin be ti i nyrun sinnzin like, ɔ kwla wun-man be wlɛ mlɔnmlɔn, afin san Nyanmiɛn Wawɛ'n yɛ ɔ kle sran yɛ man ɔ wun be wafa'n i wlɛ-ɔ.

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

1 Samiɛl 2:36

Wɔ awlo nun sran ng'ɔ ka lɛ'n, ɔ wa koto i bo, ɔ ´srɛ i sika mma kan nin kpaun sin kan. Ɔ ´se i kɛ tɛ yilɛ i nun junman ng'ɔ o lɛ'n, ɔ mɛn i wie man ɔ di nan ɔ nyɛn i nuan nun like di.› »

1 Samiɛl 9:9

Sail waan: «Man e wɔ e!» Yɛ be fali klɔ nga Nyanmiɛn nuan ijɔfuɛ'n wo su'n i atin nin-ɔn. Kɛ be ´fu klɔ'n i kpɔlɛ'n, talua'm be fin klɔ nun lɔ be su kɔ nzue nun. Yɛ be usali be kɛ: «?Jeliwafuɛ'n wo lɛ?» (Laa, Izraɛl lɔ sɛ be ´ko wun Nyanmiɛn nuan ijɔfuɛ'n i wun'n, be se kɛ e ko wun Jeliwafuɛ'n wun, afin laa be flɛ Nyanmiɛn nuan ijɔfuɛ'n kɛ Jeliwafuɛ.)