Amɔs 6:8 - NYANMIƐN NDƐ'N 1998

⁸ Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 6:8 ပူးပေါင်းရင်းမြစ်များ

Bo Bolɛ 22:16

Ɔ seli i kɛ: «Ɔ nyin b'ɔ yi min'n ti'n, ɔ́ wa ba kunngba bɔ n srɛli wɔ'n, w'a se-man kɛ a man-man min,

Jue Mun 106:40

Anannganman kusu wa fali ya dan kpa i nvlefuɛ sɔ'm bé wun. I sran sɔ'm bɔ be ti kɛ i anyanbeun like sa'n, bé wun wa yoli i tɛ.

Jue Mun 47:4

Ɔ kwlali nvle wie'm be nunfuɛ mun mannin ye, ɔ man e tiali mɛn wie'm be nunfuɛ'm be su.

Jue Mun 50:12

Sɛ bɔ awe kun min'n, n su kan kle-man amun, afin asiɛ'n nin i su ninnge'n kwlaa ti min liɛ .

Jue Mun 78:59

Kɛ Nyanmiɛn wunnin i sɔ'n, ɔ fali ya, Izraɛlfuɛ'm bé wun yoli i tɛ.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Zeremi 12:8

Min nvlefuɛ'm be wa kacili kɛ asɔmɔli bɔ be o blo lɔ'n sa. B'a triki min kɔmin su, ɔ man min konvi tuli be su.

Zeremi 22:14

A ko se kɛ: ‹N klo kɛ n ´kplan sua dan kun bɔ i nglo lɔ sua ba'm be ´yo dandan.› A kpɛkpɛ i fenɛtri, a fa sɛdri waka sɛsɛ talɛ wun sɛsɛsɛ kpɛn lɔ. A kɛn i ayre ɔkwlɛ youun.

Zeremi 22:5

Sanngɛ sɛ amu'an tie-man ndɛ nga'n, min Anannganman'n min waan: «N kan m bɔbɔ min ti, famiɛn sua nga ´nunnun.»

Zeremi 44:26

Ndɛ nga Anannganman'n kusu kan'n yɛ ɔ o yɛ. Amun kwlaa amun `sie amún su tie. I waan: N kan m bɔbɔ min Nyanmiɛn kpli'n min ti kɛ yoo: amun Zidafuɛ nga amun wo Ezipt wa yɛ'n, nán amun fa min dunman be ta nda kɛ n kan Anannganman Nyanmiɛn kpli'n kun.

Zeremi 49:13

Anannganman waan: «Se kɛ sɛ, n kan m bɔbɔ min Anannganman'n ti: Bɔzra klɔ'n ɔ ´nunnun mlɔnmlɔn, be su wun-man like kun b'ɔ fɛ i-ɔ. Be ´saci kɛ likɛ. Be ´fɛ i dunman'n be ´fa bo sannzan. I asa'n su klɔ'm be kusu be ´nunnun mlɔnmlɔn.»

Zeremi 51:14

Anannganman b'ɔ sie mɛn wunmuan'n ɔ tali i bɔbɔ i wun nda. I wan yoo: ‹Sran nga be wa ju gua ɔ su'n, nán sa yolɛ-ɔ. A wun be sa-a, ɔ waan lalo mun-ɔn.› Be yɛ be ´bo sro be ´gua ɔ wun nin-ɔn.

Ngwlɛ Yilɛ 2:5

E Min'n ɔ yoli i wun kɛ e kpɔfuɛ sa, ɔ yoli man Izraɛl'n ɔ'a bubu flɛnnɛnnɛn. I mɛn'n nun sua nglanman'm b'a bubu flɛnnɛnnɛn. Ɔ sacili be klɔ nga be sisili be wun'n. Ɔ yoli man be tili sunlɛ nin ngwlɛ yilɛ Zida mɛn nun'n.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ndɛ Nga Nyanmiɛn I Nuan Ijɔfuɛ Oze Kannin'n 11:6

Alɛ'n ´yri be klɔ'm be su, ɔ ´saci klɔ wun anuan mun, ɔ ´di klɔ su sran mun. Be akunndan nga be jajali'n ti alɛ'n ´di be.

Saun Yolɛ 26:11

E nin amun e wa tran lɛ, n su kaci-man n sin n si-man amun.

Saun Yolɛ 26:30

Amún wun tɛ bɔ ´yo min'n ti'n, n ´saci amun sraka yiwlɛ lika bɔ be o kpɔlɛ'm be su'n, m ´bubu amun ansans yrawlɛ mun, kpɛkuun sran nga be wu'n be fuɛn'n, n ´fa be n ko tian amun amuɛn'm bé su.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:11

I sɔ'n ti Samarifuɛ mun, Anannganman Nyanmiɛn'n wan yoo: «Amun kpɔfuɛ'm be wa sin yia amun mɛn'n, be ´bubu talɛ ng'ɔ si amun klɔ wun'n, be ´fɛn amún sua kpakpa'm be nun ninnge mun.»

Amɔs 4:2

Anannganman Nyanmiɛn'n ta nda se kɛ: «Min nzuɛn nin klɔ sran liɛ'n ti-man kun. I ti cɛn kun wa ju bɔ i sɔ cɛn liɛ nun'n, be wa cuɛn amun nin amun mma'm be ase kɛ jue bɔ b'a fɛ kowa nun'n sa .

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Amɔs 8:7

Mɛn nga Zakɔb i anunman Izraɛlfuɛ'm be fa nyinman-nyinman bé wun'n ti, Anannganman wan yoo: «Izraɛlfuɛ'm be aeliɛ'n, mín wla su fi-mɛn i le.

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Mmla'n 32:19

Kɛ Anannganman wunnin kɛ i wa yasua mun, nin i wa bla sɔ'm be fɔkɔ i anwlɛn'n, kpɛkuun bé wun ɔ yoli i tɛ.