Amɔs 6:7 - NYANMIƐN NDƐ'N 1998

⁷ Ɔ man n ´kan kle amun kɛ yoo: «Cɛn nga be ´tra sran'm be ´kɔ'n, amun yɛ be dun mmua tra amun-ɔn. Kpɛkuun cɛn dilɛ beblebe'n ´wie fuɛnfuɛ'm bé sa nun.»

Amɔs 6:7 ပူးပေါင်းရင်းမြစ်များ

Ɛstɛr 5:8

nannan, sɛ a wun min aunnvuɛ'n nan like nga n ´srɛ wɔ a ´man min'n, wuun ainman n ´tɔn like ekun. A nin Aman amun bla, n wa kan ndɛ sɔ'n kle wɔ.»

Ezai 21:4

N lɛ-man anwlɛn kun, srɛ'n ɔ'a kun min kpo. Min waan wuun kɔnguɛ min wun ɔ ´jɔ min fɔun kan, kpɛkuun kɛ aliɛ'n san'n, n klun yɛ ɔ titi min-ɔn.

Ezai 24:8

Klɛn bɔ be bo i aklunjuɛ'n ti'n, ɔ'a wie. Bo srolɛ'n i nganniɛn'n, ɔ'a kpɛ. Jru bɔ be bo'n bé wun kpaja be'n, ɔ'a jran.

Daniɛl 5:30

I kɔnguɛ kunngba sɔ nun'n be kunnin Bɛlsazar b'ɔ ti Babilɔni famiɛn'n.

Amɔs 4:3

Be ´fa amun sin klɔ'n i wun talɛ toklotoklo'm be nun, be ´fa amun kɔ amun nyrun ndɛnman su trelele be ´ko gua amun blo Ɛrmɔn oka bue liɛ'n su lɔ.» Anannganman'n yɛ ɔ kan sɔ kle amun-ɔn.

Amɔs 5:27

I sɔ'n ti, n ´yo man be wa tra amun be ´kɔ Damas sin mmua lɔ kpa.» Nyanmiɛn b'ɔ sie mɛn wunmuan'n, b'ɔ suan Anannganman'n yɛ ɔ kan sɔ kle amun-ɔn .

Amɔs 5:5

Nán amun wɔ Betɛl annzɛ Gilgal. Nán amun wɔ Beɛr-Seba Nyanmiɛn sua'n nun lɔ. Afin be wa tra Gilgalfuɛ mun be ´ko jra be mɛn uflɛ nun. Betɛl kusu ɔ wa nunnun mlɔnmlɔnmlɔn.»

Amɔs 7:11

Afin ɔ bɔbɔ nian ndɛ ng'ɔ kan be'n. I waan: ‹Be ´kun Zeroboam kpɛkuun be ´tra Izraɛlfuɛ'm be lomuɛn be fa be ´jaso be mɛn liɛ'n nun be ´kɔ mɛn uflɛ nun mmua kpa.› »

Amɔs 7:17

I waan: ‹I sɔ nga a kɛn i lɛ'n ti'n, ɔ́ yi'n ɔ wa si tekle sin klɔ'n nun. Ɔ mma mmla mun o, yasua mun o, be ´kun be. Be ´fa nyanman be ´sunnzun ɔ fie'n be ´cɛ nun be ´fa. Ɔ bɔbɔ kusu, mɛn nga be su-man Nyanmiɛn nun'n, lɔ yɛ a ´ko wu-ɔ. Be wa tra Izraɛl nvle'n be ´fa, Izraɛlfuɛ'm be ´jaso be mɛn liɛ'n nun be ´kɔ mmua kpa.› »

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 28:41

Amun ´wu ba yasua mun nin ba bla mun, sanngɛ be ´tra be, be ´fa be ´yo kanga, be su yo-man amun liɛ .