Amɔs 6:6 - NYANMIƐN NDƐ'N 1998

⁶ Klowa kpakpa'm be nun yɛ amun nɔn nzan nin-ɔn. Nyanngo kpakpa ng'ɔ bɔn fannin'n yɛ an kpakpa-a, sanngɛ nyrɛnnɛn dan ng'ɔ su wa tɔ Zozɛf osu'n nunfuɛ'm be su'n, ɔ kle-man amun kokolɛ.

Amɔs 6:6 ပူးပေါင်းရင်းမြစ်များ

Bo Bolɛ 49:22

Zozɛf ti kɛ waka b'ɔ su mma'n sa. Ɔ ti kɛ waka b'ɔ fifi nzue ti'n nuan sa. I sama'm be fu lele tra talɛ'n su.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Ezai 5:12

Kɛ be ´bo jru'n, nin aluku'n, ɔ nin klɛn, ɔ nin blo'n, wuun be ´nɔn nzan'n be ´bo. Be nian-man sa nga n yo be'n, be nian-man junman nga n di be'n.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Jean 12:3

Mari fali nar ngo muɛn litri sin bɔ i gua'n ti kekle kpa'n guali Jésus ja'n su, ɔ fɛ i timuɛn'n nunnunnin. Parfɛn sɔ'n i fannin'n deli sua'n.

Rɔmfuɛ Mun 12:15

Sɛ sran kun i klun jɔ'n, man ɔ yo amun fɛ, sɛ sran kun ´sun'n, man ɔ yo amun annvɔ.

1 Korɛntfuɛ Mun 12:26

Sɛ e lika kun yo e ya'n, kpɛkuun e wunnɛn'n kwlaa yo e ya, yɛ sɛ be kannvun e lika kun'n, ɔ yo e fɛ kpa.

1 Timote 5:23

Ɔ ku'n nin tukpacɛ bɔ a tɔ i tikatika'n ti, nán nɔn nzue ngunmin kun, nɔn nzan kan.