Amɔs 6:5 - NYANMIƐN NDƐ'N 1998

⁵ An ´bo sanngo'n, wuun an ´kpankpan be ´to jue. David sɔnnzɔnlɛ ti able silɛ ninnge uflɛ mun yɛ amun kpɛ be ba-a.

Amɔs 6:5 ပူးပေါင်းရင်းမြစ်များ

Bo Bolɛ 31:27

?Nzu ti yɛ a laka min bɔ a fia bali, bɔ a kale-man min-ɔn? Sɛ ɔ ti kɛ a kaleli'n, wuun n guali amun atin'n, wuun e toli jue e boli klɛn nin jru'n, wuun e sili able yɛ m mannin wɔ atin-ɔn.

1 Be Nyoliɛ 15:16

David seli Levifuɛ'm be kpɛnngbɛn'm be kɛ be siesie be niaan jue tofuɛ'm be sɛsɛsɛ. I waan be kan kle be kɛ be fa be ngowa kanlɛ ninnge mun. Ɔ seli be kɛ be bo be jru mun, nin be aluku mun, ɔ nin be aaba ndɛ mun. I waan be bo i kekle kpa be fa yi be aklunjuɛ'n i nglo.

1 Be Nyoliɛ 23:5

Ɔ tili akpi nnan kɛ be yo anuan nun jranfuɛ, yɛ be akpi nnan (4.000) kun nga mun'n, i waan be `to jue manman Anannganman ɔ nin ngowa kanlɛ ninnge ng'ɔ yoli'n.

2 Be Nyoliɛ 29:26

Levifuɛ'm be trannin ase. Ngowa kanlɛ ninnge nga David man be yoli'n be o bé sa nun. Nyanmiɛn nyrun jranfuɛ'm be kusu, awɛ'm be o bé sa nun.

Akunndanfuɛ'n 2:8

Like nga be flɛ i sika ɔkwlɛ nin jɛtɛ ufue'n, n suali wie. N fali famiɛn mun nin mɛn'n su kpɛnngbɛn nga n sie be'n be kwlaa be anwlɛn su ninnge kpakpa'm be wie. N nyannin n klun klo jue tofuɛ bla nin yasua mun. Bla kaka jalɛ b'ɔ ti klɔ sran'm be aklunjuɛ like'n, n jali wie kpa liɛ su.

Ezai 5:12

Kɛ be ´bo jru'n, nin aluku'n, ɔ nin klɛn, ɔ nin blo'n, wuun be ´nɔn nzan'n be ´bo. Be nian-man sa nga n yo be'n, be nian-man junman nga n di be'n.

Ezekiɛl 26:13

N ´jran amun jue tolɛ mun. Be su ti-man jru bolɛ kun.

Amɔs 5:23

Nán n ti amun jue tolɛ kun! An `yaci sanngo'm be bolɛ man n ti sa!

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Sa nglô yile 18:22

Be su ti-man kɛ be su bo aluku, nin kete, nin awɛ, nin like nga be bo be'n be wie fi lɔ kun. Be su wun-man ajuin difuɛ fi lɔ kun . Be su ti-man like silɛ lɔ,