Amɔs 6:4 - NYANMIƐN NDƐ'N 1998

⁴ Amu'an tinngɛ amún wun famiɛn li'm be su cɛ. Amu'an la bia ndɛnndɛn'm be nun yɛ bua nga b'a kpɛ cro'n nin nannin nga b'a lo lɛklɛɛ'n, yɛ an di-ɔ.

Amɔs 6:4 ပူးပေါင်းရင်းမြစ်များ

Bo Bolɛ 37:25

Kɛ be wa trannin ase bɔ be ´di like'n, be ´nian-an, Ismaɛlfuɛ wie'm be nin be nyɔnngɔnmɛn mun yɛ be fin Galaad mɛn'n nun b'a kpɛ aawlɛ flɛnnɛn'n yɛ be su sin kɔ Ezipt yɛ. Ayre fannin, nin kpakpalɛ ninnge, nin mir o nyɔnngɔnmɛn'm bé sin.

Ɛstɛr 1:6

Be fali nyanman ufue-ufue nin ɔkwlɛ-ɔkwlɛ be fa wlawlali jɛtɛ ufue nga'm be nun, yɛ be fa minndali sua ja wie'm be wun. Sua ja sɔ'm be ti yɛbuɛ kpa. Be fali lɛn tannin tanmue ufue-ufue nin ble nzue-nzue be fa sende-sendeli nyanman sɔ'm be su. Be fali bia ndɛnndɛnndɛn wie mun sieli i sua'n nun. Bia sɔ'm be ti sika ɔkwlɛ nin jɛtɛ ufue. Be wlali sua sɔ'n nun karo fanunfanun, ɔkwlɛ o nun, ufue o nun, ble tritri o nun.

Jue Mun 73:7

Be anyanbeun'n ti be bu-man sran nga'm be sran. Be klun akunndan be ti-man fiawa.

Ezai 22:13

Sanngɛ amun klun ti jɔwa, yɛ able yɛ amun si-ɔ. Amun kun nannin, amun kun bua, amun di nnɛn, yɛ amun nɔn nzan. Amun se kɛ: «Man e di like e nɔn nzan, afin sɛ ainman e wu'n wuun e liɛ a wie .»

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Zeremi 16:8

Kusu nán kɔ awlo nga be su di cɛn nun'n nun. Nán a nin sran mun be tran be di like be nɔn nzan lɛ.»

Ezekiɛl 16:49

Sa nga ɔ niaan bla Sodɔm yoli'n yɛ ɔ o yɛ: ɔ tu i wun. I ku yi titi. Alaje b'ɔ di'n ti, ɔ bu-man akunndan kun kɛ sa kwla tɔ i su. Ɔ'a uka-man yalɛfuɛ nin nyrɛnnɛnfuɛ mun. Sodɔm nin i mma mun yɛ be yo sɔ-ɔ.

Ezekiɛl 23:41

Ɔ kusu a trannin bia tɛnndɛn kun su. I nyrun lɛ tabli kun jin lɛ, min ansans nin min ngo'n a fa be sieli su.

Amɔs 3:12

Anannganman'n wan yoo: «Kɛ asɔmɔli tra bua kun'n, i nga bua kankanfuɛ'n kwla de i nuan nun'n, yɛlɛ bua'n i ja nnyɔn, wie kusu-ɔ i sukpɔ nnya'n i bue kan. Sa kunngba sɔ'n yɛ ɔ wa tɔ Izraɛlfuɛ nga be tran Samari'n be su-ɔ. Be bɔ be la bia ndɛnndɛn kpakpa'm be nun'n nin be bɔ be la bɛ fɔkunfɔkun'm be su'n, san be nun kaan sa yɛ be ´nyan bé ti-ɔ.»

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

Jacques 5:5

An di amun klun like, yɛ an di mɛn'n, ɔ man amu'an yo kɛ nnɛn bɔ ɔ'a lo kpa bɔ i kunlɛ a ju'n sa.