Amɔs 6:3 - NYANMIƐN NDƐ'N 1998

³ An bu i kɛ an ´yo sɔ nan nyrɛnnɛn cɛn'n ɔ ´cuɛn kɔ i sin, sanngɛ kusu wuun sa kekle blɛ'n yɛ amun su mɛntɛn i-ɔ.

Amɔs 6:3 ပူးပေါင်းရင်းမြစ်များ

Jue Mun 94:20

Jɔlɛ difuɛ tɛtɛ nga be kle sran'm be nyrɛnnɛn, sanngɛ wuun mmla'n wo bé sa nun, a nin bé bo ti-man kun.

Akunndanfuɛ'n 8:11

Kɛ be ka-man bé ja nun lɛ be tu-man sran ng'ɔ yo sa tɛ'n i fɔ kɛ ɔ nin i fata'n sa'n, i ti yɛ sa tɛ yolɛ'n i akunndan'n wo sran'm be anwlɛn'n nun b'ɔ wie-man le nin-ɔn.

Ezai 47:7

A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.

Ezai 56:12

Be se kɛ: «Man e wɔ e ko kunndɛ nzan, man e nɔn nzan kekle mun nan ɔ `ti ye! Ainman'n, e ´yo kɛ ndɛkɛn sa'n ekun. Ng'ɔ ka lɛ bɔ e ´nɔn'n tɛ sɔn.»

Ngwlɛ Yilɛ 4:5

Sran nga b'a di aliɛ kpakpa'n lele ɔ'a ka be nun'n, a ´nian-an b'a glɔ awe'n dunman nun. Be nga bɔ kɛ ɔ fin be kaan nun lele sika ɔkwlɛ'n i nun yɛ be la kondo'n, a kɔ ´nian-an, be jin ofuɛ'n su be su kunndɛ like.

Ezekiɛl 12:22

«?Klɔ sran, Izraɛl mɛn'n i wun nyanndra nga an bu se kɛ: ‹Blɛ'n sin, kpɛkuun aolia nun sa'n wie fi kpɛn-man su'n,› i bo'n yɛlɛ sɛ?

Ezekiɛl 12:27

«Klɔ sran, nian, ndɛ nga Izraɛlfuɛ'm be kan'n yɛ: ‹Aolia nun ndɛ nga'm be su ju-man icra'n nun wa. Blɛ ng'ɔ ´ba mmua-mmua lɔ'n i nun ndɛ yɛ Ezekiɛl ´bo su lɛ-ɔ.›

Ezekiɛl 23:42

Sran kpanngban kpa be bali be wun lɛ. Be tili sran kpanngban nga be bu-man like fi ndɛ'n be ngan. Sran'm be kpanngban be fin aawlɛ flɛnnɛn'n i bue'n kwlaa su. Be fali nga'm bé wlali aniaan bla nnyɔn sɔ'm bé sa. Yɛ be fali famiɛn kle klanman wlali bé ti.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 5:18

Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Amɔs 9:10

Sran nga be yoli sa tɛ min nvle'n nun'n be kwlaa, ɔ nin be nga be se kɛ: ‹Sa yalɛ nga a kɛn i ndɛ kɛ ɔ'a mantan ye lɛ'n, ɔ su tɔ-man e su'n,› alɛ'n ´di be sɔfuɛ mun!»

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Matthieu 24:48

Sanngɛ sɛ ɔ ti junman difuɛ b'ɔ ti-man nanwlɛfuɛ b'ɔ bu akunndan kɛ

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»

Sa nglô yile 18:17

Dɔ kunngba su anyanbeun ninnge sɔ'm be kwlaa b'a saci.› Mmeli kanfuɛ nin be nga be kɔ lika mmeli nun'n be kwlaa, be nin mmeli nun junman difuɛ mun, nin be kwlaa nga jenvie'n su yɛ be nyan bé nuan nun aliɛ'n, be jran mmua lɔ .