Amɔs 6:2 - NYANMIƐN NDƐ'N 1998

² Amun li an `wɔ Kalne lɔ be `ko nian sa ng'ɔ yoli lɔ'n, nan kɛ an fɛ i lɛ'n, amun `wɔ Amat klɔ dan'n su lɔ, nan an `kpɛn Filistifuɛ'm be klɔ Gat'n su lɔ. Amun wa wun kɛ i sɔ nvle liɛ'n nun'n, klɔ mun kanngan yɛ be ti-ɔ, sanngɛ amun kpa tra-man be.

Amɔs 6:2 ပူးပေါင်းရင်းမြစ်များ

Bo Bolɛ 10:10

Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

2 Samiɛl 8:9

Tɔi b'ɔ ti Amat famiɛn'n tili i kɛ David ɔ'a kwla Adadezɛr i alɛ kunfuɛ'm be ngba.

1 Famiɛn Mun 8:65

I blɛ kunngba sɔ nun'n, Salomɔn nin Izraɛlfuɛ'm be ngba be dili kpata'm be cɛn'n ekun. Sran'm b'a yia-man ngowa. Be fin bé mɛn'n i lika'n kwlakwla. Kɛ ɔ fɛ i Amat lɔ lele fa ju Ezipt nzue ba'n i nuan'n, lɔfuɛ be kwlaa be bali. Be kwlakwla be yiali Anannganman e Nyanmiɛn'n i nyrun cɛn nso, i sin be dili cɛn nso ekun. I ngba'n yoli cɛn blu nin nnan.

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

2 Famiɛn Mun 17:30

Be nga be fin Babilɔni'n, be yoli amuɛn nga be flɛ i Sikɔt-Bɛnɔt'n i nzɔliɛ. Kitafuɛ'm be yoli Nɛrgal i nzɔliɛ. Amatfuɛ'm be yoli Asima i nzɔliɛ.

2 Famiɛn Mun 18:34

?Sɛfarvaimfuɛ mun, nin Enafuɛ mun, ɔ nin Ivafuɛ'm be amuɛn'm be o nin ndɛ? ?Amuɛn sɔ'm be kwla deli Samari mín sa nun?

2 Famiɛn Mun 19:13

Bu sa ng'ɔ juli Amat, nin Arpad, nin Sɛfarvaim, nin Ena, ɔ nin Iva famiɛn'm bé su'n i akunndan.› »

2 Be Nyoliɛ 26:6

Ozias nin Filistifuɛ'm be ko kunnin. Ɔ sacili Gat, nin Zabne, ɔ nin Asdɔd be talɛ mun. Klɔ nga be mantan Asdɔd'n, ɔ sili wie'n be wun. Yɛ ɔ sili Filistifuɛ'm be klɔ wie'n bé wun.

Zeremi 49:23

«Amat nin Arpad be si-man wie se kun. Jasin nga be tili'n ti-man kpa. Srɛ'n ɔ'a kun be kpo. Be akunndan'n ɔ'a sanngan sa nán sa fi yolɛ-ɔ.

Naɔm 3:8

?Niniv, ɔ kpa tra No-Amɔn b'ɔ o Nil'n i sama'm be afiɛn'n, bɔ nzue sin yiɛ i'n, b'ɔ sin yiɛ kɛ b'a sisi i wun nin talɛ kekleke kpa wie sa'n?

1 Samiɛl 17:23

Kɛ bɔ David nin be ´koko yalɛ'n, kpɛkuun Goliat b'ɔ ti Filisti bian'n b'ɔ fin Gat'n, ɔ jasoli be nga'm be nun lɔ, ɔ wa jrannin be nyrun wa, kpɛkuun i safle ng'ɔ wɔ i titi'n, ɔ su wɔ i ekun. David tili.

1 Samiɛl 17:4

Yɛ sonja'n kun fin Filistifuɛ'm be afiɛn fiteli-ɔ, ɔ ko sin jrannin sonja akpasua nnyɔn'm be afiɛn'n nun. Be flɛ i kɛ Goliat, ɔ fin klɔ nga be flɛ i kɛ Gat'n su. I tɛnndɛn'n fuanfuan mɛtri nsan.

1 Samiɛl 5:10

Yɛ be fali Nyanmiɛn i alaka'n wɔli Ekrɔn-ɔn. Kɛ alaka'n juli Ekrɔn lɔ cɛ'n, lɔfuɛ'm be lɛ kpanlɛ. Be waan: «B'a fa Izraɛl Nyanmiɛn'n i alaka'n b'a ba nan ɔ wa kun ye ngba.»

1 Samiɛl 5:8

Asdɔdfuɛ'm be yiayiali Filistifuɛ'm be kpɛnngbɛn mun. Kɛ be bali'n, be usali be kɛ: «?E ´yo Izraɛl Nyanmiɛn'n i alaka'n sɛ?» Be tɛli be su kɛ: «Man be fa wɔ Gat.» Yɛ be fali Nyanmiɛn i alaka'n wɔli Gat-ɔ.