Amɔs 6:13 - NYANMIƐN NDƐ'N 1998

¹³ Lɔdɛbar klɔ bɔ be ti-man like fi bɔ an kwlɛli i'n ti, an su di i ti cɛn. An ko se kɛ yoo: «E lɛ wunmiɛn o, y'a fa Karnaim!»

Amɔs 6:13 ပူးပေါင်းရင်းမြစ်များ

2 Famiɛn Mun 13:25

Yɛ Zɔakaz i wa Zɔas fali klɔ nga Azaɛl i wa Bɛn-Adad, nin Zɔas i si Zɔakaz be ´kun alɛ b'ɔ deli i i sa nun'n. Zɔas kwlali i kpɛ nsan. Yɛ ɔ fali Izraɛl klɔ mun.

2 Famiɛn Mun 14:25

Izraɛl nvle'n nun lika nga be kpɔfuɛ'm be fali'n, b'ɔ fɛ i Amat wun lɛ lele fa ju jenvie b'ɔ ti njin nzue klakla'n i nuan'n, Zeroboam deli i ngba. Ɔ man ndɛ nga Anannganman b'ɔ ti Izraɛl Nyanmiɛn'n fa wlali Zonas b'ɔ ti i sufuɛ'n i nuan kɛ ɔ kan'n, ndɛ sɔ'n kpɛnnin su. Zonas fin Gat-Efɛr, i si yɛlɛ Amitai.

Zɔb I Nyrɛnnɛn Wunlɛ 31:25

Ninnge kpakpa kpanngban annzɛ ninnge wafa-wafa nga n nyannin be'n, nán be ti yɛ n klun'n ɔ jɔli-ɔ.

Zɔb I Nyrɛnnɛn Wunlɛ 31:29

?Kɛ sa tɔ min kpɔfuɛ'n i su'n, kɛ nyrɛnnɛn sa ɔ nyɛn i'n, n klun jɔ?

Zɔb I Nyrɛnnɛn Wunlɛ 8:14

Bé wun su bɔ be lafi'n, bɔ be bu i kɛ like su nyan-man be'n, i kwlaa sɔ'n ɔ'a yo ngbɛn siɛn'n. Be fiawlɛ bɔ be waan b'a nyɛn i'n, ɔ ti kɛ akɛndɛwa sua sa.

Zɔb I Nyrɛnnɛn Wunlɛ 8:15

Kɛ be waan be ´kisa bé sua'n su'n, kpɛkuun ɔ su keje. Kɛ be waan be ´tra nun'n, kpɛkuun ɔ'a bubu ɔ'a gua.

Jue Mun 2:2

Asiɛ'n su wa famiɛn'm b'a jaso. Bé bo ɔ'a yo kun Anannganman nin i sran ng'ɔ sieli i famiɛn'n bé wun.

Jue Mun 75:4

Sɛ asiɛ'n keje'n, yɛ sɛ i su tranfuɛ'm be usu'n, min yɛ n suan bé bo-ɔ.

Jue Mun 75:5

N se wun tufuɛ'm be kɛ: ‹Man wun tulɛ'n wie lɛ!› Yɛ be nga be bu-man min like fi'n, bɔ be bu-man min nuan ndɛ'n i like fi'n, be kusu n se be kɛ: ‹Amun `yaci amún wun dandan yolɛ'n.

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Ezai 7:1

Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Ezai 7:4

Se i kɛ: ‹Nán srɛ kun wɔ, tran diin, nán ɔ́ wla bo ɔ́ wun Rɛzɛn b'ɔ ti Sirifuɛ'n nin Rɛmalia i wa'n be ya bɔ b'a fa'n ti. Be ti kɛ yiendre nnyɔn yɛ be su kpunngbun sa.

Ezai 8:6

«Kɛ bɔ nvle nga nunfuɛ'm be yoli Silɔe nzue'n b'ɔ sonji blɛblɛblɛ'n i finfin'n, kɛ bɔ Rɛzɛn nin Rɛmalia i wa'n be ti yɛ be klun jɔ'n,

Zeremi 50:11

«Nanwlɛ! Man amun klun jɔ, man amun wunnɛn'n blibli amun! Amun bɔ an nɛnnɛnnin mín bo ninnge mun'n, amun `tu kpɛn kɛ nannin ba bɔ b'a kpɛn ijre nun'n sa. An `kpan kɛ nnɛn kpanngɔ mun sa.

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Ezekiɛl 29:9

Ezipt mɛn'n ɔ wa tɔ srolo, sran su tran-man nun. Yɛ sran'm be wa si jrɛiin kɛ min yɛ n ti Anannganman nin-ɔn. Yɛlɛ kɛ a seli kɛ: ‹Nil nzue'n ɔ ti min liɛ, m bɔbɔ yɛ n yili n like-ɔ.›

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Zonas 4:6

Anannganman man waka wie fifili lɛ, ɔ man Zonas nyannin fɔnvɔ. I waan ɔ ´yo sɔ nan wia'n ɔ'a bo-man Zonas i ti'n su nan i ya'n ɔ'a jɔ'n ti. Waka sɔ'n man Zonas i klun jɔli dan kpa.

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Jacques 4:16

Sanngɛ jɔlɛ caca'n yɛ an di-ɔ, yɛ an tu amun wun. Nuan dilɛ sɔ'n ti-man kpa.

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.

Jɔlɛ Difuɛ Mun 9:27

Le kun be ɔli fie su be ko tili vinyi mma. Be cuɛnnin i nzue. Be fa dili cɛn su. Be fa dili cɛn be amuɛn'n i sua'n nun. I sin be boli Abimelɛk i sannzan.

1 Samiɛl 4:5

Kɛ Anannganman i alaka'n juli lɛ cɛ'n, Izraɛlfuɛ'm be ngba be tru sɔ ekeee! Nan asiɛ'n ɔ'a keje.