Amɔs 5:21 - NYANMIƐN NDƐ'N 1998

²¹ Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Amɔs 5:21 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Nyanndra Mun 28:9

Sran nga bɔ kɛ be ´kan Nyanmiɛn mmla'n ɔ klo-man kɛ ɔ `ti wie'n, i Nyanmiɛn ng'ɔ srɛ'n bɔbɔ ɔ jɔ-man Nyanmiɛn i klun .

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Ezekiɛl 23:18

Ɔ yili i tekle silɛ'n i nglo sran'm be kwlaa be nyrun, sran'm be wunnin i wunnɛn kplɛn'n. Yɛ mín wla'n ɔ tuli i su kɛ mín wla'n tuli i niaan bla su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Ndɛ Nga Nyanmiɛn I Nuan Ijɔfuɛ Oze Kannin'n 5:6

Be nannin nin be bua nga be waan be ´fa yi tɛ be ´man Anannganman'n, be ´fa wlan be ´kunndɛ Anannganman lele, sanngɛ be su wun-mɛn i afin ɔ'a kaci i sin ɔ'a si be.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Amɔs 4:4

«Izraɛlfuɛ mun, an `wɔ Betɛl Nyanmiɛn sua'n nun lɔ, amun li nán amun yaci amun sa tɛ'n i yolɛ. Wie kusu-ɔ, an `wɔ Gilgal Nyanmiɛn sua'n nun lɔ amun li nán amun yaci amun sa tɛ'n i yolɛ. Kɛ an ju lɔ'n, i aliɛ cɛn'n, an `yi amun tɛ mun. I le nsan su'n, an `fa amún sa nun ninnge'n i blusu'n be man min.

Amɔs 4:5

Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .