Amɔs 5:18 - NYANMIƐN NDƐ'N 1998

¹⁸ Amun bɔ an wo Anannganman i cɛn'n i minndɛlɛ'n, amun yako lele! ?Amun klun lɔ'n, an bu i kɛ i sɔ cɛn'n nun'n muae yɛ amun wa nyɛn i Anannganman sa nun-ɔn? Ɔ siɛ i mlɔnmlɔn! Amún nyin yɛ ɔ ´si amun ble-ɔ.

Amɔs 5:18 ပူးပေါင်းရင်းမြစ်များ

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 24:18

Sran ng'ɔ wanndi srɛ b'ɔ kun i ti'n, ɔ ´tɔ buɛ'n nun. Sran ng'ɔ fin kunman'n nun fite b'ɔ nyɛn i ti'n, ɔ ´tɔ tɛ bɔ b'a gua'n nun. Afin nyanmiɛn su lɔ nzue'n, sɛ e ´kwla se'n, e se kɛ b'a tike i anuan. Yɛ asiɛ'n ɔ keje lele ju i bo lɔ.

Ezai 5:19

Be se kɛ: «Man Anannganman ɔ kɛn i wun yo i junman'n ndɛndɛ nan e ´wun i. Man Izraɛl Nyanmiɛn'n i sa b'ɔ jaja be'n, ɔ yia be nuan nan e ´wun be!»

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezai 8:22

I sin, kɛ be nian asiɛ nin-ɔn, be ´wun kɛ nyrɛnnɛn nin aosin tuun, ɔ nin srɛ b'ɔ kun sran'n yɛ be o su-ɔ. Be ´su bé bo yi i aosin tikitiki'n nun.

Ezai 9:19

Sɛ be tɔ fama su-ɔ, be kpɛ be di, sanngɛ awe yaci-man be kunlɛ. Sɛ be nyɛn i bɛ su lɔ-ɔ, be su di, sanngɛ be ku yi-man. Sran kun nyɛn i bɔbɔ i sa nin-ɔn, ɔ su di i nnɛn'n.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 17:15

Sran'm be se min kɛ: «?Nyrɛnnɛn nga Anannganman kɛnnin i ndɛ'n, ɔ yo sɛ ti yɛ i nuan yia-man-an? Man ɔ ju nan e nian e!»

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Ezekiɛl 12:22

«?Klɔ sran, Izraɛl mɛn'n i wun nyanndra nga an bu se kɛ: ‹Blɛ'n sin, kpɛkuun aolia nun sa'n wie fi kpɛn-man su'n,› i bo'n yɛlɛ sɛ?

Ezekiɛl 12:27

«Klɔ sran, nian, ndɛ nga Izraɛlfuɛ'm be kan'n yɛ: ‹Aolia nun ndɛ nga'm be su ju-man icra'n nun wa. Blɛ ng'ɔ ´ba mmua-mmua lɔ'n i nun ndɛ yɛ Ezekiɛl ´bo su lɛ-ɔ.›

Zoɛl 1:15

Cuekee! Nguɛ cɛn liɛ yɛlɛ nga! Anannganman i ya cɛn'n yɛ ɔ'a mantan yɛ. Cɛn sɔ'n ´ba, Anannganman'n b'ɔ kwla like kwlaa yo i ninnge'm be sacilɛ b'ɔ guguli kɛ ɔ ´saci be'n yɛ be ´ba-a .

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Mmla'n 32:24

Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.

2 Piɛr 3:10

E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»